قريبا ساصبح ام
عزيزتــــــــــــــي الزائره
انشانا هذا الموقع لخدمتكم بالمعلومات الصغيره والكبيره التي تخص الحمل والانجاب وتاخر الحمل
ولا نسالكم غير الدعاء
ويشرفنا تواصلكم.... اداره الموقع



 
الرئيسيةالرئيسية  التسجيلالتسجيل  دخولدخول  
<div style="background-color: none transparent;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>

شاطر | 
 

 ارجو المساعدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر
avatar


مُساهمةموضوع: ارجو المساعدة   الثلاثاء 29 يناير - 8:00

مرحبا بنات اني ارجو مساعدتكم لان اني حاليا حامل وخايفه على جنيني كولش وهذا حملي الثاني لأن فقدت بنتي بحملي الاول بنص الشهر التاسع وحسب ماعرفت انو لاضغط ولاسكر السبب كان عندي جرثومة اسمها الروبيلا (الحصبة الالمانيه) طبعا اني بداية الحمل كان عندي اصابة قديمة بجرثومة داء القطط التوكسوبلازما وانطتني بوقتها الدكتورة كومة علاجات المهم وطبعا جنت اخذ بيبي اسبرين لحد السابع بس فجأة اتوقفت الحركة رحت للسونار جان تكول الطبيبه الطفلة ميته طبعا ما اعرف اشصار بيه انطوني بلمستشفى ابر مال تحفيز طلق وصارت عندي ولادة ورة الولادة راجعت الدكتورة كلتلي سوي تحاليل مال فيروسات ومناعة سويت فطلعت هاي الروبيلا كالت هي السبب بموت الطفلة ورة اربعة اشهر حملت الحل الثاني وعند نفس الدكتورة هم كلتلي سوي تحاليل مال فيروسات سويت بالمختبر طلعت عندي الروبيلا سليمه والتوكسو عندي اصابة قديمة اما بلمستشفى فطلعت بالعكس الروبيلا اكو اصابة قديمة اما التوكسو سليمة الدكتورة انطتني علاج للجرثومتين للتوكسو استمر عليه شهرين والروبيلا 7 اشهر طبعا العلاج كلش قوي خفت على طفلي من الادوية نصحوني اراجع غير دكتورة راجعتها ونطيتها كل التحاليل والتفاصيل مالي حملي الاول والثاني كلتلي هاي شنو التحاليل انتي اصلا متحتاجيها وانت اصابات قديمة عندج فمتحتاجين هيج علاج سوتلي تحليل تخثر الدم مال اجسام مضادة وطلع سليم وانطتني علاج بسيط اسبرين ومقويات ولهسة اني خايفة من الجرثومة وكل اشويه اريد اسوي تحليل ولو طولت عليكم بس اتمنى تساعدوني شاسوي وعلى اي دكتورة اعتمد
الرجوع الى أعلى الصفحة اذهب الى الأسفل
ميوسة العراق
ام خبيره
ام خبيره
avatar

عدد المساهمات : 1304
تاريخ التسجيل : 05/10/2012
العمر : 27
الموقع : بغداد-القادسية

مُساهمةموضوع: رد: ارجو المساعدة   الثلاثاء 29 يناير - 8:12

حبيبتي زينب كل الهلا بيج

وطبعا احنا هنا بالمنتدى اغلبيتنا فاقدين اطفالنا والله يعينج ويعوضج خير

حبي اول شي الله يتمملج على خير ويبعد عن جنينج كل مكروه

اني اللي ادري اللي عدها مضادات يطوها ابرة الكلياكسين او مااعرف اسمها بالضبط نسيته تصير تحت الجلد هي هاااي الي تحمي الجنين من اي جرثومة

وثاني شي انتي من وين ببغداد ؟؟؟؟ وباي شهر انتي؟؟؟؟

حتى ادليج على دكتورة تفتهم بهيج شغلات وعدنا بنية ماشاء الله جابت بالسلامة على ايدها وهسة اني هم اراجع يمها والحمد لله






اللهم ان كنت قد قدرت جنيناً في بطني فأسألكَ ان تجعلهُ سليماً معافى من كل عاهةٌ وبلاء وأن تجعلهُ في أحسن صورة اللهم واجعلهُ من عبادكَ الصالحين اللهم وانبتهُ نباتاً حسناً واجعلهُ من حفظة كتابكَ بمنك ولطفكَ ورحمتكَ وعفوكَ يالله

الرجوع الى أعلى الصفحة اذهب الى الأسفل
eelaf
مشرفه
مشرفه
avatar

عدد المساهمات : 976
تاريخ التسجيل : 09/08/2012
العمر : 29

مُساهمةموضوع: رد: ارجو المساعدة   الثلاثاء 29 يناير - 8:39

حبيبتي زينب اهلا وسهلا بيج
ميوسة مقصرت ووياج بس احب اضيف طالما الاصابات قديمة هاي ابد متخوف الاصابة الحديثة هي مو زينة

ومهما تعالجتي مراح ياثر العلاج اني هم ضليت اتعالج وماثر لان هاي اصابة قديمة ونسبة الي تظهر بالتحليل عبارة عن اجسام مناعية هي متكرر مرة ثانية ان شاء الله وعلاجج حاليا هو البيبي اسبرين او الكليكسان الابر المميعة للدم تحت الجلد مثل مكالت ميوسة






اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين



الرجوع الى أعلى الصفحة اذهب الى الأسفل
ميوسة العراق
ام خبيره
ام خبيره
avatar

عدد المساهمات : 1304
تاريخ التسجيل : 05/10/2012
العمر : 27
الموقع : بغداد-القادسية

مُساهمةموضوع: رد: ارجو المساعدة   الثلاثاء 29 يناير - 9:16

حبي ايلاف شكرا لان صححتيلي اسم الابرة لان طارت

وربي يازينب يتمملج على خير يارب






اللهم ان كنت قد قدرت جنيناً في بطني فأسألكَ ان تجعلهُ سليماً معافى من كل عاهةٌ وبلاء وأن تجعلهُ في أحسن صورة اللهم واجعلهُ من عبادكَ الصالحين اللهم وانبتهُ نباتاً حسناً واجعلهُ من حفظة كتابكَ بمنك ولطفكَ ورحمتكَ وعفوكَ يالله

الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: ارجو المساعدة   الثلاثاء 29 يناير - 9:19

شكرا ميوسة ,ايلاف لان طمنتوني كنت كولش خايفة طبعا اني صارلي سنتين متزوجة وانتضر الطفل بفارغ الصبر طبعا اني حاليا استخدم بس الاسبرين الدكتورة القديمة نصحتني باستخدام هاي الابرة المميعة بيس الدكتورة الحالية كلتلي متحتاجيها لان انتي معندج اجسام مضادة واني حاليا اراجع دكتورة اسمها امل فتوحي يجوز وحدة منكم تعرفها بالكرادة او مراجعتها بس اذا اكو دكتورة زينه تعرفوها تفتهم بهيج شغلات ياريت تنطوني اسمها وعنوانها واكون شاكرة الكم واني عرفت اغلب حالاتكم والله يرزقكم بالذرية الصالحة
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
avatar

عدد المساهمات : 2558
تاريخ التسجيل : 03/03/2011
العمر : 31

مُساهمةموضوع: رد: ارجو المساعدة   الثلاثاء 29 يناير - 11:09

هلو حبيبتي زنوبه نورتي المنتدى
اول شي الله يعوضج عن بتج اللي راحت ويكملج هذا الحمل على خير يا ربي
ومثل ما كلتلج ميووسه كلنا هنا فاقدين اطفالنا
اني هم بتي راحت ببدايه السابع

ولتخافين مدام هذيجي الاصابات قديمات
واستمري عالاسبرين
ان يهم انطوني بحملي هذا فقد اسبرين وفيتامينات وخالتها على الله

ومعاناتج اغلبنا هنا عشناها
ويا ربي المنتدى يكون وجهه خير عليج مثلا هوايه بنات
وتكون ولادتج على ايدنا هههه

اكولج انتي بيا شهر هسه ؟؟


<a href="http://www.ticker.7910.org/eng"><img src="http://www.ticker.7910.org/as1cOHeVM0V0000MjkyZHwwMDAwNDVkYnxNeSBsb3ZlIFRJTUEg.gif"></a>

<br><div style="text-align: center;"><br></div>
الرجوع الى أعلى الصفحة اذهب الى الأسفل
http://mama-soon.own0.com
ميوسة العراق
ام خبيره
ام خبيره
avatar

عدد المساهمات : 1304
تاريخ التسجيل : 05/10/2012
العمر : 27
الموقع : بغداد-القادسية

مُساهمةموضوع: رد: ارجو المساعدة   الأربعاء 30 يناير - 11:06

زنوووووبة هاااي امل وردة ضلي عليها بس شلون تحصلين الحجز لان بالدفرات هههههههههه

حبي الله يتمملج على خير وانتمى تسجلين ويانة حتى نعرف اكثر عليج






اللهم ان كنت قد قدرت جنيناً في بطني فأسألكَ ان تجعلهُ سليماً معافى من كل عاهةٌ وبلاء وأن تجعلهُ في أحسن صورة اللهم واجعلهُ من عبادكَ الصالحين اللهم وانبتهُ نباتاً حسناً واجعلهُ من حفظة كتابكَ بمنك ولطفكَ ورحمتكَ وعفوكَ يالله

الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: ارجو المساعدة   الأربعاء 30 يناير - 18:36

اشكركم بنات لتعاونكم ومثل مكالت ام حواء ان شاء الله يكون هذا المنتدى وجه خير عليه وعل الجميع اني حاليا دخلت الرابع خوش لعد ميوسة اني راح ابقى على امل لان هواي نصحوني بيها وهي اكثر شي ارتاحيت لان ما انطتني علاج هواية لان صارت عندي فوبيا من الادوية وكلتلي لتخافين بس صدك مثل ماكلتي الحجز صعب بس اني طلعت الها بالسته الصبح اخذت اجازة لان كان يوم اربعاء وب12 ياله كملت وما ادري المراجعة القادمة اروح السبت بي لازم من الفجر( الي يريد الحلو يصبر على مره) اتحمل شسوي ان شاء راح اسجل بالمنتدى واتعرف عليكم اكثر
الرجوع الى أعلى الصفحة اذهب الى الأسفل
ميوسة العراق
ام خبيره
ام خبيره
avatar

عدد المساهمات : 1304
تاريخ التسجيل : 05/10/2012
العمر : 27
الموقع : بغداد-القادسية

مُساهمةموضوع: رد: ارجو المساعدة   الأربعاء 30 يناير - 19:45

حبي زنوبة الله يتمملج على خير ومثل ماكلتي اللي يريد الحلو يصبر على المر هاااي اني جنت اروح لدكتور ليث توما اذا سامعة بي هم جنت اطلع من الفجر حتى احجز

يلة الحمد لله انشاء الله نكمل على خير وتصير سوالف






اللهم ان كنت قد قدرت جنيناً في بطني فأسألكَ ان تجعلهُ سليماً معافى من كل عاهةٌ وبلاء وأن تجعلهُ في أحسن صورة اللهم واجعلهُ من عبادكَ الصالحين اللهم وانبتهُ نباتاً حسناً واجعلهُ من حفظة كتابكَ بمنك ولطفكَ ورحمتكَ وعفوكَ يالله

الرجوع الى أعلى الصفحة اذهب الى الأسفل
لوله1985
ام شطوره
ام شطوره
avatar

عدد المساهمات : 465
تاريخ التسجيل : 10/10/2012
العمر : 31

مُساهمةموضوع: رد: ارجو المساعدة   الخميس 31 يناير - 9:01

حبيبتي زنوبة ربي يكون بعونج اول شي بالنسبة لللابر المميعة الي هية الكليكسان او انوهب او هيبارين كلها متحتاجيها لان كلام دكتورتج مظبوط انتي ماعندج اجسام مضادة عندج جرثومة وهاي متفيدها
بالنسبة للجرثومة اذا كانت الاصابة قديمة فهاي ابد متخوف لان متاذيج ولاتاذي طفلج اما اذا حديثة فهاي تخوف وللتاكد اكو مختبر بمستشفى الوزيرية الاهلي كادرة اتراك واجهزتة مظبوطة اولنتيجة نفس اليوم ينطوج فاذا تحبين تتاكدين روحيله 
بالنسبة للحصبة الالمانية الي هية بالانكليزي يسموها روبيلا فهاي لازم لقاح للعلاج بس انتبهي اللقاح متاخذه الحامل واذا جانت موحامل تاخذة ولازم 3 شهور ميصير عدها حمل
اني انصحج تروحين تطمئنين وتحللين عد هذا المختبر لان اني مثلج ورة مصار الاسقاط وال يجان سببة الضغط سويت تحاليل من باب الاطمئنان كل مختبر يطلعة شكل بس اني اختلف جان عندي اجسام مضادة فلذلك اخذت الابر المميعة بحملي ومع ذلك انتي زين دتاخذين الاسبرين لان اي حالة اسقاط او وفاة ينطون بيها اسبرين بالحمل الجايوياربي يجعل الطفل من نصيبج وتفرحين بية مشافى معافى




الرجوع الى أعلى الصفحة اذهب الى الأسفل
لوله1985
ام شطوره
ام شطوره
avatar

عدد المساهمات : 465
تاريخ التسجيل : 10/10/2012
العمر : 31

مُساهمةموضوع: رد: ارجو المساعدة   الخميس 31 يناير - 9:05

وحبيت اضيفلج شغلة ياحبي حتى لو جان الحصبة الالمانية بذاكا لحمل اصابة حديثة احيانا تروح بحدها وتتحول الى اصابة قديمة مو شرط لقاح وحتى التوكسو فلذلك دانصحج تسوين التحاليل عد هذا المختبر لان اذا طلعت اصابة قديمة فابدا متخوف المشكلة المختبرات مال بغداد يغلطون بهاي التحاليل لان الكهرباء تطفى ومينطوج النتيجة نفس اليوم فالدم يتغير بينما هذاا المختبر الي بالمستشفى الكهرباء مستمرة والكادر تركي فالنتيجة مظبوطة وهاي عن تجربة 




الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: ارجو المساعدة   الأحد 30 يونيو - 19:18

مساء الخير بنات اني زينب قبل فترة مو قليله سألتكم وجاوبتوني وتعرفون شكد استفاديت من نصائحكم بس الفترة الي راحت انشغلت بالحمل لان مثل متعرفون حالتي خاصة اشكر ميوسة وام حواء وايلاف ولوله وكل الي اهتموا بموضوعي اني اليوم دخلت بالتاسع بس بنات كلش حالتي تعبانة وخايفة عل البيبي لان صارلي 3 ايلام تنزل عليه افرازات دموية العفو افرازات بنية اول شي كانت قليلة متبين الا عند ما افحصسهه بس اليوم كام تنزل علة ملابسي الداخلية بس شي بسيط طبعا اني الفترة الي راحت كله دوبلرات وسونرات دكتورتي مسافرة ال لندن رحت لدكتورة لخ قبل شهر بس لسوء الجظ الاسبوع الجاي كله مموجودة ما اعرف شون اوصل الكم الفكرة لان الخوف مسيطر علية يعني اني الاربعاء سويت دوبلر كلي عندج تكلس بسيط بالمشيمة ومي متوسط بس ميخوف والطفل على مقعدة طمني بوقتهه طبعا اني قبل 4 ايام مسوية دوبلر قبله هذا الاخير ايوم الجمعة كعدت دكتوري بالعيادة رحتلهه كلتلي لتخافين وضعج طبيعي وعمليتج بعد 10 ايام ياله اسويهه واني هالاسبوع مسافرة بس اكو دكتورة ثانية روحيله اذا صار شي المهم طلعت من العيادة انتضرت زوجي تقريبا ثلث ساعة من صعدت بالسارة حسيت بالتعب المغربي تكرمون حسيت بالدم نازل وخف كلش بس كلش قليل ثاني يوم الضهر رحت لدكتورة سوتلي سونر كلتلي وضعج طبيعي  وهذا الدم من التعب بس انت لازم تنتضرين 10 ايام ياله اتسوين العملية رجعت مطمئنة وضليت لليل اتوقف الدم ونايمة على ضهري الصبح بالستة صارت عندي اوجاع مثل اوجاع الطلوك كل خمس دقاءق تروح وترجع بس خفيفة مو قوية كلت يجوز بداية طلوك استمرت ساعتين وبعدين اني كمت حضرت ملابس وشغلات كلت خاف تصير عندي ولادة اتوقفت الالام للعصر رحت لقابلة بس ردتها تشوف اذا عندي توسع بس كانت حالتي كلش تعبانة وخايفة وابجي فحصتني داخلي كلتلي عندج علامة ولادة بعدهه رحت للدكتورة هم فحصتني وكالتلي نفس الشي بس هم كالت ما اسويلج عملية لان بعدج بالثامن اذا تحسين اوجاع تعالي للمستشفى كلتلهه زين اسوي دوبلر او سونر كلتلي ميحتاج اصريت عليهه تقيس نبض الطفل دزتني للمستشفى كلولي نبض الطفل ممتاز رجعت طبعا فرحانة بس الافرازات ممتوقفة وهم نايمة وماكو اوجاع طبعا هاي البارحة وكان الطفل يتحرك بطئ اليوم زينه للعصر اجتني الالام بس قليله وردت اروح للدكتورة بس منصحوني كلولي السونر والفحص الداخلي ياثر عليج بنات الله يخليكم شسوي يعني اسكن الدكتورات تعبت وتعبت زوجي وعيالي التفكير تعبني ومن يتحرك الطفل ارتاح ورة نص ساعة اضل ابجي وخايفة اريدة يتحرك على طول بنات اروح باجر اسوي دوبلر سونر؟بنات طولت عليك بس انتو اصحاب خبرؤة وبلكا تساعدوني الله يرزقكم بالذرية الصالحة
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
avatar

عدد المساهمات : 2558
تاريخ التسجيل : 03/03/2011
العمر : 31

مُساهمةموضوع: رد: ارجو المساعدة   الأحد 30 يونيو - 22:09

حبي زنوبه لا توهوسين مو زين مدام الحمد لله البيبي بخير والنبض زين وعادي تكلس بسيط بالمشيمه  والدم هاي علامه قرب الولاده وديصير عندج طلق كاذب 
انتي حضري روحج وتره ما بقى شي ان شاء الله  كلها ايام ويكون ابنج بحضنج بحق محمد وال محمد 

اني جنت مثلج وتره هسه المكان ضيك فاكيد يتحرك اقل ..

على فكره اني نفسي ام حواء بس بدلت اسمي من صارت عندي فطومه 
يا ربي تبشرينا بولادتج يا رب


<a href="http://www.ticker.7910.org/eng"><img src="http://www.ticker.7910.org/as1cOHeVM0V0000MjkyZHwwMDAwNDVkYnxNeSBsb3ZlIFRJTUEg.gif"></a>

<br><div style="text-align: center;"><br></div>
الرجوع الى أعلى الصفحة اذهب الى الأسفل
http://mama-soon.own0.com
????
زائر
avatar


مُساهمةموضوع: رد: ارجو المساعدة   الإثنين 1 يوليو - 6:23

تسلميلي ام فطومة حبيبتي اسفة لان ممتواصلة وياكم بس والله انتي اكيد مريتي بهالفترة وعشتيها والله رزقج بفطومة الله يخليهه الج انتي طمنتنيني هسة اتوقف الدم بس بقت افرازات كلش قليله وباهتة بس الحركة قليله شتنصحيني اليوم اسوي سونر للعلم اني الجمعة مسوية سونر والاربعاء قبله مسوية دوبلر اخاف عل البيبي من السونر خاف ياثر عل البيبي شتنصحيني؟؟؟ واكون ممنونه الج
الرجوع الى أعلى الصفحة اذهب الى الأسفل
 

ارجو المساعدة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قريبا ساصبح ام :: الركن العامـ :: اسئله الزائرات-