قريبا ساصبح ام
عزيزتــــــــــــــي الزائره
انشانا هذا الموقع لخدمتكم بالمعلومات الصغيره والكبيره التي تخص الحمل والانجاب وتاخر الحمل
ولا نسالكم غير الدعاء
ويشرفنا تواصلكم.... اداره الموقع
قريبا ساصبح ام
عزيزتــــــــــــــي الزائره
انشانا هذا الموقع لخدمتكم بالمعلومات الصغيره والكبيره التي تخص الحمل والانجاب وتاخر الحمل
ولا نسالكم غير الدعاء
ويشرفنا تواصلكم.... اداره الموقع
قريبا ساصبح ام
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  
<div style="background-color: none transparent;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>

شاطر
 

 مواصفات الزوج العراقي

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
ام فطـومة
مؤسسه
مؤسسه
ام فطـومة

عدد المساهمات : 2558
تاريخ التسجيل : 03/03/2011
العمر : 38

مواصفات الزوج العراقي  Empty
مُساهمةموضوع: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 17:40

صفات الزوج العراقي بعد الزواج

لا يختلف الزوج العراقي عن بقية الأزواج العرب ولكن الاختلاف الوحيد بعد الزواج وهو كالتالي...

في شهر العسل يقوم الزوج الإماراتي
بترفيه زوجته وأخذها إلى جميع الأماكن المحببة إلى قلبها !!

بينما يقوم الزوج العراقي في الأشهر الأولى بالشكوى إلى أمه .. يمه هاي شلون مريه زوجتيني طبخها كلش موشي ( همه على بطنه وهذا طبع الحال في الجميع وهو أصلا أيريد حجه لان المرة معاجبته حاط عينه على غير وحده )

أول ميدخل الزوج اللبناني إلى البيت
هاي حبيبت ألبي شو انبسطتي ( لا يقصد بيها انضربتي وإنما يقصد بيها تونستي) مع رفئاتك اليوم؟؟
اليوم بالشغل طول اليوم عم فكر فيكي مشتائلك يا حبي !!!

بينما العراقي يدخل للبيت ويشمر السويج ويذب العلاليك الي بيده على الكاع ويبدأ بالصياح: فخرية ..فخرية هاي وينج ( سبب عدم رد الزوجة هوه الانشغال بأمور المطبخ) طبختي اليوم ؟؟ تره ميت من الجوع وأريد أشوف الأكل كدامي..!! (شتكولوله لهذا بله)

العصر عندما يجلسون الأزواج في حديث رومانسي يبدأ الزوج المصري كالتالي
إيه رأيك يا حياتي يا نيفين نخرج نتعشا سوا أنا و إنتي لوحدينا عالنيل ونخلي العيال مع البت الشغالة ( لاحظوا البت الشغالة تعمل لراحة الزوجة )
اللهم لا حسد

بينما العراقي يغمس الكعك بالجاي* أي الشاي* ( لان الجاي من وجبات العصر الرئيسية ) و يكوللها ولج فخرية اشو ممخدره الجاي زين ؟؟!! اليوم عازم أهلي عالعشا مو تصخمين وجي مثل هذيج المرة ومطبخين غير بانيه وفاصوليا وكبب و بيتنجان وتشريب وثريد و باجه تره أمي دت.. كلمة ممنوعة .... كلمة ممنوعة .... كلمة ممنوعة ..ني بمرت أخويه ...!!!
(شكد رومانسي لخاطر الله )

أما في العطل الرسمية يتفضل الزوج السوري كالتالي :
حبيبتي شو رأيك ننزل على طرطوس و ناخذ لولاد يلعبوا شوي بالماي نعد لنا شي يومين نغير جو؟؟؟

ولكن الأخ العراقي يتفضل بالقول .. اني عندي جم يوم اجازه إذا جهالج ( ولا عبالك هوه أبوهم ) رح يضلون يسوون هوسه أخذيهم وروحي ( لا يقصد بها الدلع و إنما يقصد بها بـ اذهبي ) لبيت اهلج لان آني رجال تعبان و أريد ارتاح ( عبالك بكد جدي)

مكروووده يا فخريـــــــــة
الرجوع الى أعلى الصفحة اذهب الى الأسفل
https://mama-soon.own0.com
ميوسة العراق
ام خبيره
ام خبيره
ميوسة العراق

عدد المساهمات : 1304
تاريخ التسجيل : 05/10/2012
العمر : 34
الموقع : بغداد-القادسية

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 18:52

ههههههههههه واذا شافج مقهورة السوري تابري البي شوبكي

اما العراقي هاي شبيج بس تعوين شكو؟؟؟؟

واذا ما جاوبت (....دروحي اني جاي تعبان

وغيرها و....ووو....وووو ماتنتهي

بس الحمد لله زوجي صح مايدير بال بشغلات بس زييييين بغير شغلات والحمد لله الله يحفظه اللي

واني موكلتلكم جابلي مدالية شكلها اسمي واسمه احرف واحد بعد الثاني يعني بالطول مثل الرباط حلوووة

وباربيل سوالي سبرايز لان اجتي اخته وزوجها هناك وكاعدين بالمطعم وزوج اخته جاب الكيكة وهناك جانو اكو اتراك كامو يصفكون ويانة جان فد شي كلش حلووو

بس كمت ابجي مااعرف ليش....احنا اذا نفرح نبجي واذا نحزن نبجي ههههههههههه
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
ام فطـومة

عدد المساهمات : 2558
تاريخ التسجيل : 03/03/2011
العمر : 38

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 18:58

هههههههههههههههههههههههه عوافي ميوسه
شعب يحب الدموع ههههه
الرجوع الى أعلى الصفحة اذهب الى الأسفل
https://mama-soon.own0.com
shosho
ام شطوره
ام شطوره
shosho

عدد المساهمات : 489
تاريخ التسجيل : 10/08/2012
العمر : 35

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 18:59

هههههههههههههههههههههههههههههه حلوة ام حواء
الرجوع الى أعلى الصفحة اذهب الى الأسفل
ميوسة العراق
ام خبيره
ام خبيره
ميوسة العراق

عدد المساهمات : 1304
تاريخ التسجيل : 05/10/2012
العمر : 34
الموقع : بغداد-القادسية

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 19:07

هههههههههههههههههه غاوين نكد هههههههههههه
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
ام فطـومة

عدد المساهمات : 2558
تاريخ التسجيل : 03/03/2011
العمر : 38

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 19:36

والله يا ميوسه اني رجلي فاصل فيشه عن الحياه
البيت فندق اكل وشرب ونوم
والغلط اني مو هوه لان علمته اني كولشي اسوي واعتمد على نفسي
من اتزوجت كل الرياجيل يبقون يساعدون زوجاتهم لان ميعرفون لغه طبيب مسؤل موعد سوك
اني اتزوجت احجي برفيكت فزوجي متعب بهاي الناحيه
من نوع اروح لاي مكان لوحدي فاعتمج عليه واصلا يستغرب اذا اكوله وديني يكولي انتي تندلين احسن مني
وعودته انه بس البيت ما عندي صديقات او طبه او طلعه
فاتعلم اذا اتعرف على صديقه هذا شي غريب
فالاخطاء بيه اغلبها
لان عملته بين قوسين عالدلال وهسه هوه عيشته فندق ميه بالميه
واذا اطلب زايد كانه فد شي غريب او دا ادور مشاكل


الرجوع الى أعلى الصفحة اذهب الى الأسفل
https://mama-soon.own0.com
shosho
ام شطوره
ام شطوره
shosho

عدد المساهمات : 489
تاريخ التسجيل : 10/08/2012
العمر : 35

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 20:10

حبي ام حواء اعذريني يعني بس صدك انتي الغلطانة الرجال من تعودي على شي يعني انتهى ياخذ على هالشي واني مجربتهة وهواية نصحوني كللولي لتتعودي عالدلال خلي يصير مسؤول والحمدلله هو يحس بالمسؤوليية بس هم اذا اعتمد على نفسي ياخذة الواهس وهذا غلط
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
ام فطـومة

عدد المساهمات : 2558
تاريخ التسجيل : 03/03/2011
العمر : 38

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 20:14

مو كلتلج غلطي
وهسه هوه مسافر للعراق ويظل فد 3 اسابيع رغم اني حامل والدنيا عدنا صح هاليومين الجو حلو بس عاده ثلج يعني ما اكدر اطلع لان اخاف اتزحلك
بس مع هذا يعرف ادبر امري
وصدكيني اني قبل لا اتزوج هم جنت عايشه بالغربه وبس امي يمي واني اشتغل وادرس وطول النهار بس اركض منا ومنا فهذا من احجي ويا يكولي سنين انتي لوحدج واعتمدتي على نفسج


بس هم احمد الله واشكره
لان اصلا هذا هوه طبعه
اتخيلي لو اني عاجزه جان صارت طامه كبرى
الرجوع الى أعلى الصفحة اذهب الى الأسفل
https://mama-soon.own0.com
ميوسة العراق
ام خبيره
ام خبيره
ميوسة العراق

عدد المساهمات : 1304
تاريخ التسجيل : 05/10/2012
العمر : 34
الموقع : بغداد-القادسية

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 20:18

حبيبتي الله يعينج بس تدرين صح اني اكول مرتاحة بس هم اكو شغلات مثلا

من يرجع من الدوام يتغدا وينام وراها يكعد يطلع وية جماعتة لحد الدعش الو الثنعش ويرجع يلف راسه وينام صح شوية نكعد نسولف بس ماكو ربع ساعة

وطبعا هاي اول مرة اكولها حتى ماينام وياية هواية يكول اني صح احبج واخذتج عن حب بس هذا مو دلالة على الحب يعني كلش عادي يعني مايدير بال لهذي الشغلة يكول اني اهم شي عندي اشوفج مرتاحة ومتونسة وما مقصر وياج يعني اذا مرات اشعل شموع بالغرفة وجو رومانسي يكوم يضحك علية بس كل هذا خلي بس يشوفني ضايجة او مقهورة اوبيه شي لو بيدة يموت العالم كله بس يرضيني وبصراحة هذا اهم شي عندي لان صدك يحبني ويخاف علية واني هم اموت عليه هذا الانسان ماكو شي كامل بهالدنيا
الرجوع الى أعلى الصفحة اذهب الى الأسفل
shosho
ام شطوره
ام شطوره
shosho

عدد المساهمات : 489
تاريخ التسجيل : 10/08/2012
العمر : 35

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 20:29

حبي ام حواء انتي مثل ميكولون انتي اجيتي عالمرام كاملة ومعتمدة على نفسج وماكو رجال ميكيف هيجي مرتة تصير حتة يرتاح
الرجوع الى أعلى الصفحة اذهب الى الأسفل
ام فطـومة
مؤسسه
مؤسسه
ام فطـومة

عدد المساهمات : 2558
تاريخ التسجيل : 03/03/2011
العمر : 38

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالأحد 11 نوفمبر - 20:48

حبي شوشو ومنو راضي وكت العصبيه اني لا شي مقابل بقيه النسوان
ولو ما اريد اضلمه همه كل الرياجيل بالعصبيه يحجون اشكال الوان
بس اني الحمد لله مرتاحه لان ما اخاف من شي معلمه نفسي على كولشي وواحد ميعرف الدنيا شنو تضمله
فلهذا مرتاحه لان معتمده على نفسي لان جان اكوم احرك بروحي اذا اريد اسوي شغله وهوه يكول ما اكدر واشوف نفسي اني هم مااكدر
يعني اني اسافر المانيا سويد سوريا عراق كله لوحدي



حبي ميوووسه تره عادي اني هم رجلي يخلص شغل يروح يم اصدقائه ومن يرجع للبيت حتى مرات يكول اكلت وياهم يعني حتى تعبي مال غدا يروح بالبلاش
ومن اخابره بس هوسه مال رياجيل فكولش اتقيد اكول ينحرج يحجي لان همه بيناتهم عيب واحد كلساعه مرته تخابره يكومون يعلقون ويضحكون فاتجنب هذا الشي


وهنوب من يرجع للبيب يا دوب نسولف شويه يبدي وراها وقت راحته
عنده طبع يوميه من المغرب لحد ما ينعس يحط سماعات باذنه لو ipad لو ايفون ويحط اغاني بصوت عالي وينطرب يتممدد عالقنفه ويسمع وشويه يكلب فيديوات باليوتوب لو تحشيش عراقي وضحك لو مقاطع مسرحيات
يعني هم فاصل فيشه بس كولساعه يدزني سوي كنافه كلاص مي جيبي كرزات
واذا كولش فد شي قوي ويضحك بالفيديوات يشيل السماعه ويكولي تعالي شوفي
اني بهالاثناء لو تلفزيون لو انترنت وياكم اكتب وفيس

واهم شغله كون من يطب للبيت ماكو مسلسل تركي يكول اتخبل منهم يجيبون الفكر للبيت
فالتهي اكثر شي بالنت


ميوسه وبما انه اتطرقتي للنومه رجلي بالعكس يوميه تعبانه متعبانه ماكو اجازه وكون يوميه مكحله ومرتبه من هوه يطب للبيت والا يسمعني مليون حجايه
بس بالحمل مرتاحه شويه وهم كل يومين 3 يبدي ينك واني محروم واني عبالك متتزوج ودوختينه بالطفل
هسه مسافر ممصدكه صار 3 ايام حتى مكياج ما احط اكول خلي ارتاح مدام هوه ماكو ^^
الرجوع الى أعلى الصفحة اذهب الى الأسفل
https://mama-soon.own0.com
ميوسة العراق
ام خبيره
ام خبيره
ميوسة العراق

عدد المساهمات : 1304
تاريخ التسجيل : 05/10/2012
العمر : 34
الموقع : بغداد-القادسية

مواصفات الزوج العراقي  Empty
مُساهمةموضوع: رد: مواصفات الزوج العراقي    مواصفات الزوج العراقي  Icon_minitimeالإثنين 12 نوفمبر - 4:17

هههههههههه ضحكتيني يلة افراج شوية

هو كل واحد وطبيعته يعني هسة شوشو شكل وانتي شكل واني شكل بس المشكلة اللي عندي

اني بالبيت كل لشغل علية يعني يجون عماته وامة يلكون كلشي كامل بالبيت

بس اهلي علموني لاطبه ولا طلعة حتى تعيين مقبلو اتعين وهسة احتاج شغلات يكلي روحي انتي حتى تتعلمين تطلعين وتشوفين الدنيا واني عندي خوفة مو طبيعية من اطلع بوحدي وهو مايديرلي بال بهذا الشي ما اعرف يريد يعلمني لو هو هيج لحد هسة مدا افتهمة بس هو كل ما يصير حجي يكول انتي روحي اعتمدي على روحج
الرجوع الى أعلى الصفحة اذهب الى الأسفل
 

مواصفات الزوج العراقي

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» العراقي من يكلب القنوات هههه
» مواصفات السائل المنوى الطبيعى
» الزوج والزوجه والمطبخ هههه
» اساليب وطرق لاثاره الزوج

صلاحيات هذا المنتدى:لاتستطيع الرد على المواضيع في هذا المنتدى
قريبا ساصبح ام :: الركن العامـ :: الاستراحه العامه ( فرفشه واستراحه وتسالي )-