شلونكم بنات؟؟

بنات اكو وحدة بحملها اخذت ابرة clexane تحت الجلد؟؟

وشلون اضربها بصورة افقية لو عمودية لو بزاوية 45

لان اني د اضربها افقي وقريت بالنت لازم عمودي او 45

و د اخذها بأيدي وقريت بالنت الافضل بالبطن شنو تنصحوني؟؟

حبي موعدي وية السونار بعد اسبوع

وانطاني الطبيب هاي الابر المسيلة للدم مااعرف ليش يجوز لان الطبيب ميفضل الاسبرين

وانطاني دفاستون

وابر بريموليوت اسبوعيا+ ابر b 12

واني د اخذ فولك اسد

ويارب خير

حبايب هاي الايرة اني اضرب منها وهية اضافة الى شغلها المميع تعمل ضد تكوين الاجسام المضادة الي تمنع وصول الدم للجنين وبالتالي تؤدي للوفاة لاسامح اللله هنا بالعراق اي وحدة ديصير عدها اجهاض او اوفاة طفل ينطوها الاسبرين وهاي الابرة او واحد منهم
اني اخذهم اثنينهم واضربها بيدي بمنطقة الزند وافوتها بزاوية منفرجة يعني موعمودي وابد لاتورم ولاشي وضربتها كدام الطبيبة وكالت صحيح 

حبي اي ما اعرف عنها شي بس حبيت ادعيلج

يارب بحق هاي الايام الشريفة يتمملج على خير يارب

حبي اني سامعة يضربوها بالبطن او بالفخذ من فوك لان ماكو اوردة يعني هم مثل الزند بس اخاف وعادي داضربها بالزند 

تسلمون بنات

حبي لولة لازم اخذ اسبرين هم؟؟؟

حبي مواجوز لان ماعندج ضغط فمنطاج اسبرين لان يصير هواية مميع عليج ان شاء الله الكليكسان وحدة كافي 
يعني اجوز لان حالتج مومثل حالتي احتمال بس جان عندج اجسام مضادة سوت الاجهاض بينما اني جان عندي ضغط واجسام مضادة وانتي هم سالي الدكتورة كوليلة تمشي الامور بخير على الكليكسان بوحدة ماحتاج اخذ اسبرين حتى تطمئنين اكثر لان الميوعة الزايدة هم ممرغوبة الج لان لاسامح الله اذا تنجرحين ينزل هواية دم وبصعوبة يلتئم الجرح فاني احتمال لان دمي مستعد يكون خثرة انطونياهم اثنينهم وانتي هم تاكدي قلبي حتى ترتاحين وربي يثبت حملج 

هلووووووو بنات شنو اخباركم

لولة وايلاف اخباركم حبايبي

ام حواء حبي شلونج

حبي ميوسة بخير الحمدلله اليوم نزل مني مثل الماي من صدري طبيعي هالشي لولا؟وجنت واكفة اجتي وجعة بظهري ودفع ببطني ليجوة بحث مكدرت اتحرك تكررت مرتين خابرت الدكتورة كالت اذا اانعادت تعاي بس منعادت انتي شونج قلبي

حبي اني بخير

حبييييييييييي وانشاء الله تولدين بالسلامة هذا الماي اللي تكولين عليه هذا اللبء يسمو هذا غذاء الطفل اول ما يولد كلش مفيد ومن علامات الولادة هو والوجع حبي ديري بالج وحضري جنتج وارتااااااحي لاتفكرين بشي حتى تحافظين على الضغط وافرحي بشوفة ابنج حياتي والله فرحتيني عبالك اني اللي راح اجيب

ياااااااااارب يتمملج على خير بجاه هذي الليلة يارب

وتحضنين ابنج وترضعيه صحة وعافية ويحرسة من عين كل حاسد ما يصلي على النبي كولو امين

ياقلبي ميوسة الله يفرح كلبج والله خلصت اليوم تحضير الجنطة طلعت جان عندي شوية نواقص اشتريتها وباجر اذاا اللة راد اول يوم بالتاسع على حساب الدورة بس السونار مقدمة هواية والله ياعمري ادعيلج يجيلج هاليوم بسرعة يارب والله بس تحددلي موعد واروح ان شاء الله ادعيلج انتي وام حواء وايلاف وشوشو ونونو ونورالهدى ان شاء الله مانسى وحدة بيكم  وبلكي ربي يستجيب دعائي ويفرحكم 

ياعمري والله اهم شي تجين تبشرينا بسلامتج والله هذي اهم شي

الله يسهلج حبي الله يسهلج

ويسهلج فلبي ميوسة بت حواء ويفرح قلبج هالشهر وهم تجين تبشرينا  امين ربي

هلو بنات شلونكم؟؟؟

تسلمين حبي لولة راح اسأل الطبيبة ان شاء الله

ميوسة حبي انتي شخبارج؟؟؟ ان شاء الله تبشرينا هذا الشهر ياررررررريي

عفوا قلبي ايلاف ربي يثبت حملج ويجعلة من نصيبج

تسلمين كلبي ايلاف الله يسمع منج واني بعد تركتها على الله شوكت ما ياذن الحمد لله على كل حال

تسلمين كلبي