السلام عليكم بنات

اريد اسولفلكم اني بهذا الشهر شنو اللي سويته واللله رزقني

اول شي بديت اقرة سورة البقرة يومية كااااااملة والله ما تاخذ اكثر من ساعة واذا تستمرين عليها تصير سهلة عليج وتكمليها بوقت اقل......

ثاني شي التزمت الاستغفار بعد كل فرض استغفر 100 مره واكول سبحان الله 100 وبعدها اقول

((فقلت استغفروا ربكم انه كان غفارا*يرسل السماء عليكم مدرارا ويمدكم باموال وبنين ويجعل لكم جنات ويجعل لكم انهارا))

واقرة دعاء للحفظ من السحر واحتجاب امير المؤمنين (ع)

ودعاء كثير البركات وزيارة المهدي المنتظر هذي اقراها يومية

بالاضافة اكعد بالثلث الاخير من الليل قبل صلاة الفجر اصلي قيام الليل واستغفر لي وللمؤمنين والمؤمنات والمسلمين والمسلمات الاحياء منهم والاموات 1000 مرة يعني اقول كل 99 مرة استغفر الله ومن اقول المية اذكر المؤمنين

واقول ياوهاب 100 مرة والاية اللي ذكرتها 11 مرة

واصلي الفجر وبعدها اسجد واقول 40 مرة ربي لاتذرني فردا وانت خير الوارثين

والحمد لله الله استجاب دعائي وما رد دموعي وتوسلي خائبا الحمد لله

والله لو تجربون اللي سويته اول شي رح تصير عدكم راحة نفسية مو طبيعية والله يفرج كل همومكم مو بس الحمل والله بكلشي واني جربتها

وانشاء الله استمر عليها لحد ما اموت

حياتي ميوووسه الله يتمملج بخيرررر يا ربي وكولش فرحنالج والله

تسلميلي ياكلبي والله اني مدا اصدك تدرين البارحة من كلت الزوجي هم ما صدك وشوفته التحليل وهم مدا يصدك وكال اليوم نروح اسوي تحليل دم حتى اصدك بس البيت كله فرحان من زوجي واني والكل

حتى قبل شوية خابرني كال سويتي تحليل ثاني كتله اي كال شطلع كتله خطين كام يضحك

واني هسة صايمة شكر لرب العالمين والحمد لله

ياحياتي ربي يتمملج فرحتج بشوفة ابنج بالسلامة ياربي

والله انتي مؤمنة وصبورة والله انطاج على نيتج ربي يتمملج بخير

حياتي ميوسة الف الف مبروك حملج والله يتمملج على خير يارب ماتصورين شكد مقدار فرحتي بخبر حملج بس الله اللي يدري بيها الله يقر عينج بشوفة طفلج بالسلامة يارب.. واشكرج حبيبتي على طرحج لهذا الموضوع وان شاء الله الكل يلتزم بي ماشاء الله خوش جدول ومفيد للكل وان شاء الله كلمن يسوي بي الج الاجر والثواب بميزان حسناتج يارب ..

تسلمين ايلاف على الدعوة الحلوة يارب يتمملج على خير يارب...

نور الهدى انشاء الله بس تلتزمين بيها شوفي شلون رح تحملين وكولي كالت ميس والله الشغلة ما تعب كلللللش سهلة وبعد تكومين اذا تتاخرين عن شي فد تضوجين عبالك صار شي من حياتج مثل الاكل والشرب والنوم والله

ميوسة الف حمد وشكر تدرين حتى التاخر الي صار بحملج من صالج لان علما رحمج رجع لوضعة الطبيعي قبل العملية لان ام القيصرية لازم شوية تترك مجال يلة تحبل طبعا استمري على ذكر الله تدرين اني جنت السبحة بايدي واسبح يومية واقرة سورة ياسين يومية واقري سورة الواقعة يومية ووياها اول اربع ايات من سورة الحديد الى كلمة بصير وجنت اصلي ركعتين تسهيل امر الصبح وركعتين بالليل وربي يجعلة من نصيبج ياحياتي وردة وتستاهلين كل الخير

دودو ياعمري بس جربيها ترى اني بس هذا الشهر التزمت بيها والحمد لله الله جبر بخاطري والله يجبر بخاطرج يارب

والله البارحة من دا اسوي تحليل الدم صافنه دا انتظر النتيجة كلت سبحان الله شكد افتريت على دكاتره واخذت كومه ادوية وجان العلاج كدام عيني وسهل ما مسويته من اربع سنين الحمد لله من الهمني هذا العلاج ويوم الالك كلللللللكم

ايه والله صدقتي ميوسة كومة نفتر على اطباء وناخذ علاجات والعلاج بين ايدينا ومامنتبهين عليه الله يرزق الجميع يارب

امييييييييين يارب

حبي ميوسة ممكن تدزيلي هاي اللي كلتي عليهة ( دعاء للحفظ من السحر واحتجاب امير المؤمنين (ع)

ودعاء كثير البركات ) لان ماجاي الكاعة بمفاتيح الجنان ولا بضياء الصالحين انتي وين لكيتيهة بياكتاب؟

حبي هاي كلها بضياء الصالحين مو جودة وعود اشوفلج رقم الصفحات وادزها الج بسيطة تدللين بس هسة اني طالعة مو بالبيت من ارجع اطلعها وادزها وانشاء الله الله يستجاب دعائج ويفرحج يارب

اوكي حبيبتي تسلميلي ياطيبة

يدلل الحلووووو

نونة شلونج حبي شو ماكو؟؟؟؟

هاي الادعية من ضياء الصالحين ويارب تجين تفرحينا بحملج بالقريب العجل يارب

زيارة المهدي(عج) ص 228

دعاء لجميع المقاصد ص 246

دعاء لابطال السحر ص 248

دعاء كثير البركات بنفس الصفحة

احتجاب الامير (ع) ص 249

وتدللين انتي وكل البنات

يا الله يا كريم الله يباركلك و يتمم على خير ادعيلي معك متشوقة للحمل والله ربي لاتذرني فردا وانت خير الوارثين