السلام عليكم بنات
اليوم حبيت اكتبلكم قصه هذا المنتدى اللي اعتبره اكثر من رائع
والموضوع مو دعايه وانما انتوا جربتوا بنفسكم واني وياكم ما شاء الله

اولا اني تاخرت سنتين بالحمل والسبب والله اعلم زوجي جان يستخدم ابر التيستيرون اللي تستخدم لبناء العضلات
وكل الاطباء نصحوه يكطعها بس ما قبل
واني جانوا يكولولي خربطه هرمونات بس طبعا مو تمنع الحمل كولش
ويبقى يم الله الله اعلم شنو سبب التاخير لا اظلم روحي ولا اظلم الرجال

المهم فد يوم صافنه كلت اني كل ما احتاج موضوع ادور يمنى ويسرى بالنت بحيث ادووخ
ففكرت اسوي موقع مجاني واجمع بي المعلومات حتى كل ما احتاج معلومه ارجع للمنتدى يعني مثل الفايل وحتى مفكرت بنات راح يسجلون

المهم سويته وحتى جان شكله كولش بسيط
وسبحان الله رجلي اقتنع وترك الابر واني بديت اكل صحي ورياضه واعشاب مثل بردقوش وميرميه بالاضافه استغفار وقران

وراها بشهر بالضبط حملت وحسيت صدووك الموقع وجه خير عليا
وطبعا باعتباري سيطرت وحملت تركت المنتدى كل بعد ما احتاجه وصار عندي اسقاط
ووراها رجعت اقرا وانزل بي مواضيع وهم حملت ثاني مره وهم تركته ورجع منتدى سعودي اعتبره مكان مشؤؤؤم بالنسبه الي لان من بين كل الكروب مال دردشه فقدت بنتي وبقت حسرتي بكلبي والله يوفقهم ويخليلهم جهالهم بس حلفت كلت ذاك المنتدى ما ادخله

وراها بيني وبين نفسي كلت بعد ما اعوف الموقع اللي سويته يوميه ادخل وانزل مواضيع واسوي دعوات للبنات حتى يشاركون بي
واني حاسه وجهه خير وبس ادخل بي احمل
عسى ولعل ربي يرزقني الحمل وبكل معلومه انشره اللي يبعثلي اجرها

ودخلت ووظليت اكتب مواضيع هوايه وبديت ادز دعوات للبنات
سبحان الله وبدون قصد كل اللي فاقدات اطفالهم سجلوا بهذا المنتدى

ومنهم ايلاف وميوسه ولوله
وشوشو هم سجلت وكمنا ندردش سويه
واني الله اكرمني بالحمل وجنت متاكده وحاسنه الظن برب العالمين ووراها ايلاف حملت

ووراها لوله الله اكرمها وصار عدها برهوووم وميوووسه الله رزقها بالحمل السليم

وربي يوم لشوشو ونونه ونور الهدى ونور فاطمه وكل البنات اللي ويانا

فاني رغم هوه بدائي مو موقع مشهور وطبعا اني هسه سويته مدفوع وصار منتدى معترف بي والحمد لله
وناويه ابد ما انكطع منه
ومتاكده باذ الله ربي كلنا راح يرزقنا جهال على وجه هالمنتدى

لان اساسه عباره عن نذر لوجه الله
مو مصلحه شخصيه
واني اتمنى ان تكونون هنانه مرتاحين

وامانه اي بنيه متاخره بالحمل دلوها عالموقع
وان شاء الله اي وحده تدخل هنا شهر شهرين تلكى روحها حااامل
ومثل مشفتوا دردشه المتاخرات بالحمل صارت بس بالاسم لان انترست حوامل ما شاء الله

وهاي قصه منتدانا العزيز

ادعولي ربي يثبت حملي ويقر عيني بشوفه ابني لو بنتي ويجعله ربي من قسمتي

واني هم ادعي لكل متاخره ربي يكرمها بالحمل وكل حامل ربي يثبت حملها بحق هوه الواحد الاحد

وشكررررا للكل

كلش حلوة القصة حبي ام حواء تدرين اني بعمري مسجلت بمنتدى قبل ومااحب اصلا المنتديات بس هالمنتدى الوحيد جذبني من شفت اعلان عالمنتدى بصفحة المطبخ البغدادي وصدك ارتاحيت وياكم يارب يجعل وجه خير علية وعلى كل البنات

صباح الخير بنات

والله قصة هذا الموقع صدك غريبة تذكرين ام حواء من دزيتيلي رساله بالموقع السعودي وهاااي اني جنت اول مرة اشترك بمنتدى لان جنت همكل ما اريد شي اكعد ادور بالمواقع فبوكتها شفت الموقع السعودي احسنهم واول يوم دخلت سحبتيني لاحلى مكان والله مو مبالغة بس ما تعرفون شكد تعلقت بي وبيكم لا صحبتكم وسبحان الله احنا كلنا نفس المشكله والكل حاسة بمشاعر الثانية وبااضافة وجهه مو بس خير واكثر من خير علية وانشاء الله على بقية البنات والله يخليكم اليه يا اغلى خوات على كلبي وحتى من حملت زوجي كال بشرتي صديقاتج كتله كبلك عرفووو كام يضحك وكال اني بس هذولة صديقاتج غير ناس ما اريد يعرفون لان احنا ناوين ما نكول لاحد بس احنا بالبيت واهلي وبس لان والله موعووود نكول اقارب لاااا والله يكرهوني اني بالذات شلون اخذت زوجي لان طبعا عن حب احنا متزوجين فالكل فاتحة عيونها اييي بخت اخذتي نوار ولحد هسة يحجون اييي بخت مدللج رغم اللي صار بيه وما اخلص من حجيهم فقررنا ما نكول لاحد

يارب يجعل هذا الجهد يا ام حواء بميزان حسناتج ويثبت حملج وتولدين احلى طفل سالم معافة يارب

وايلاف اللهي تبعد عنها كل عين ما تصلي على النبي وتمم حملها على خير من دون تعب ولا مرض وترزقها بطفل سالم معافة

والله يحفظ برهوووووومنا الوردةويخلي لامه ويرجعلنا لولة بخير وسلامة

والله يرزقج ياشوشو بالحمل السهل السريع بدون ما تراجعين وتتعبين امييييين

وانشاء الله يارنور الهدى تفرحينا وتكملين فرحتنا بحملج انتي ونوة ونور فاطمة ودودو بالقريب العاجل يارب

صباح الخير بنات

والله قصة هذا الموقع صدك غريبة تذكرين ام حواء من دزيتيلي رساله بالموقع السعودي وهاااي اني جنت اول مرة اشترك بمنتدى لان جنت همكل ما اريد شي اكعد ادور بالمواقع فبوكتها شفت الموقع السعودي احسنهم واول يوم دخلت سحبتيني لاحلى مكان والله مو مبالغة بس ما تعرفون شكد تعلقت بي وبيكم لا صحبتكم وسبحان الله احنا كلنا نفس المشكله والكل حاسة بمشاعر الثانية وبااضافة وجهه مو بس خير واكثر من خير علية وانشاء الله على بقية البنات والله يخليكم اليه يا اغلى خوات على كلبي وحتى من حملت زوجي كال بشرتي صديقاتج كتله كبلك عرفووو كام يضحك وكال اني بس هذولة صديقاتج غير ناس ما اريد يعرفون لان احنا ناوين ما نكول لاحد بس احنا بالبيت واهلي وبس لان والله موعووود نكول اقارب لاااا والله يكرهوني اني بالذات شلون اخذت زوجي لان طبعا عن حب احنا متزوجين فالكل فاتحة عيونها اييي بخت اخذتي نوار ولحد هسة يحجون اييي بخت مدللج رغم اللي صار بيه وما اخلص من حجيهم فقررنا ما نكول لاحد

يارب يجعل هذا الجهد يا ام حواء بميزان حسناتج ويثبت حملج وتولدين احلى طفل سالم معافة يارب

وايلاف اللهي تبعد عنها كل عين ما تصلي على النبي وتمم حملها على خير من دون تعب ولا مرض وترزقها بطفل سالم معافة

والله يحفظ برهوووووومنا الوردةويخلي لامه ويرجعلنا لولة بخير وسلامة

والله يرزقج ياشوشو بالحمل السهل السريع بدون ما تراجعين وتتعبين امييييين

وانشاء الله يارنور الهدى تفرحينا وتكملين فرحتنا بحملج انتي ونوة ونور فاطمة ودودو بالقريب العاجل يارب

والله قصة رائعة ومؤثرة واحلى شي بهذا المنتدى الرائع كل وحدة من عدنة لكت خوات يشاركوها بأفراحها واححزانها وان شاء الله كل ايامنا افراح وان شاء الله نضل وحدة تستفاد من الثانية

انشاء الله الله يسمع منج يا ايلاف شلونج اليوم؟؟؟كبدبد

ايه والله صدك ام حواء قصة حلوة واني اشكرج من كل كلبي على المنتدى وهم اكلج جنت قبل لا اشترك بالمنتدى كللللللش جنت ظايجة وطاكة روحي تصوري حتى كمت ادعي يارب بلكت الكا فد صفحة بالنت او الفيس بوك بيها بنات مثلي متاخرات بالحمل شوية يواسوني او ينصحوني لان مايحس بالوجع الا صاحبه وسبحان الله ماكو يمكن ورا 3 ايام لكيت المنتدى مالكم وجان الموضوع باااااركولها لحبيبتنا ايلاف جان هذا اول موضوع اقرا وكلش تفائلت بحملها وقريت باقي المواضيع وكلش شدني المنتدى وراسا نفسيتي تغيرت 100% وكمت كل يوم ادخل واشوف شخباركم وصرتو اهلي وناسي وفعلا حسستوني انه اني مو وحدي وغمرتوني بطيبتكم وادعيتكم الحلوة.. وشكد فرحت بولادة برهوم وبحملج ام حواء وحمل ميوسة وباشتراك دودو ونور فاطمة وكل وحدة بيكم اعتبرتها وجه خير عليه ويااااااارب الله يحفظ برهوم ويتمم حملج ام حواء وحمل وايلاف وحمل وميوسة ويرزقنا اني والبنات شوشو ونونة ودودو ونور فاطمة وكل بنت بهالمنتدى تتمنى الحمل الله يرزقنا جميعا بالطفل السليم المعافى

ياعمري نور الهدى انتي ماطول صرتي ويانة ودخلتي هذا المنتدى اللي وجه خير علينا هسة تشوفين بعدكل شهر نشوف شريط حمل بتوقيع بنية من المنتدى لحد ما يقبط كل البنات ورح نتعب ام حواء لان هاااي شغلتها انشاء الله عن قريب يارب

الحمدلله حبي ميوسة زينة بس حيل خايفة

ليششششش كلبي من شنو خايفة

امييييييييين

بس هسة طمنينا عمري شنو اخبارج رحتي لو بعدج؟؟؟؟؟ يمعودة كلبي راح يوكف احجي

قريته حبي والله يبرد كلبج يارب

تسلمون حبايبي ميوسة وام حواء والله ماتقصرون الله يسمع منكم يااااااارب

ياربي يفرح كلبج حبيبتي ام حواء ويبارك بجهودج انشالة .. اني منتظرة هاي الفترة اذا صار شي فصدك راح اتأكد انو فعلا المنتدى هوة السبب ووجهة خير علينة لان فعلا جاي اشوف بوادر الخير ماشاء الله شي يبعث على التفاؤل بس منتظرة تصير بية حتة ايقن فد مرة هههههههههههه.. بنات محتاجة دعائكم كللش هاي الفترة .. ام حواء الكلمة الطيبة صدقة والصدقة الوحدة تدفع 70 نوع من البلاء فشوفي انتي بحسبة رياضية بسيطة راح تشوفين من كد كلامج الطيب ومساهماتج المفيدة بالمنتدى شكد ربج راح يدفع عنج بلاء .. اني كللش احبكم وكللش متفائلة بالجاي بس عفية ارجع واكول ادعولي

حبيبتي نونة الله ينطيج مرادج وبااذن الله الايام الجاية تكون حلوة عليج وعلينا يارب

حبي ام حواء ربي يخليج انشالة .. حبيبتي نور الهدى انشالة يارب اني وياج وشوشو وفاطمة وكل المنتظرات هذا الشهر نوزع ثواب ام البنين من اللة برزقنة انشاللة

حبي نونة الله يبرد كلبج انشاء الله مايخلص الشهر المبارك واذا انتي حاااامل امييين يارب

حبي نونة الله يسمع منج ويبرد كلوبنة يارب

ياااااااااااااااااااارب