السلام عليكم بنات

طبعا اني كتبت عن ارتفاع الضغط ....اجة زوجي من الدوام شافني تعبانة كال شبيج كتله هيج وهيج حجيتله المقتل كال ومخابرتي على الدكتورة

كتلة تكول موعدج الباجر وتعالي لان عندي حجز هواية اليوم....جان يكولي اييي واني اظل انتظر لحد ما يصير شي واروحلها الباجر ومثل ذيج المرة ياااااااا...بيش اصرفها هاي الياااااا مالتها؟؟؟؟

جان يكولي كومي انتي موتكولين اكو خوش دكتورة ريا؟؟؟كتله اييي كال يله كومي بدلي.....

بدلت ورحنا للدكتورة وطبعا عرفو لولة وكللللللش يحبوها هناك...المهم دخلت وسولفتلها قصتي اول ما بديت كالت اول شي انتي حامل هسة كتلها اييي

كالت كملي واخذت معلومات عني وعن زوجي جان تكولي هاااي انتي حملج كللللش عزيز نصيحتي الج قبل ما تكملين العشرين ودخلين بالثلاثين تكونين مخلفتلج فد 3 حتى تخلصين من الضغط المؤذي....

المهم كالت كومي افحصج كالت طبعا هسة مايبين النبض وقاست ضغطي طلع 16\9

فكالت بعد اكلج كله دايت شوي ومسلوق وبس وحافظي على هدوءج ودائما ابتعدي عن المغثة... ونطتني علاج الدوميت 3 مرات واسبرين75 مرة وبالاضافة للفولك اسيد

وكالت تجين يوم 29 بالشهر حتى نشوف النبض ونغيرلج العلاج

هااااااي قصتي مال اليوم

توتة توتة خلصت الحدوتة....

ايه والله ميوسة هم زين رحتي وماقصرتي اني هم كلبي جان مرتاح لدكتورة ريا والله فرحتيني وهسه يعني راح تستمرين عليها؟؟ والله اشو مبين عليها تفتهم وتفكر بمصلحة المريضة يعني من كلامها ونصائحها مبينة خوش دكتورة وان شاء الله تشوفين الخير عليها يارب

حياتي حمدالله على سلامتج

حبي ليش هيج مرتفع ضغطج؟؟؟؟؟

زين الطبيبة ليش منطتج مثبتات؟

حبي ليش يوم 29 تشوفين النبض ؟ يعني حسبت بعد 53 يوم من 6/11

يعني اني لازم اروح بعد ست ايام

ان شاء الله اروح السبت واشوف وادعولي اشوف النبض حتر ارتاح

وان شاء الله انتي هم تشوفين النبض والجنين وترتاحين حبي

نور حبي انشاء الله رح ابقة عليها ان كلش ارتاحيتلها

ايلاف والله ما ادري بس يمكن من التعب مال الطبخ لان هم سهر للصبح وهم تعب فهي كالت لازم راحة وهدوء وتبتعدين عن اي شي يزعجج...

بالنسبة للسونار حبي اني هسة يله راح ادخل بالاسبوع الخامس والنبض يبين بين السادس والسابع وهي كالت خلي نتاخر شوية حتى نتاكد زين والله كريم وانشاء الله تروحين وتطمنينا ياعمري

حبي استمري عليهة اني من يمي ارتاحيتلهة يارب ايدهة عافية عليج مثل مجانت على لولة وياربي تكومين بالسلامة

تسلمون بنات الله يسمع منكم يارب ويفرح كلوبكم اميييييييين

الحمد لله رحتيلهاواخذتي علاج وياربي اللهيسهل حملج وولادتج ياربي وانتبهي لاكلج خلي مشويات وسلق اصلا صحي هيجي وياربي متشوفين غير كل الخير

تسلميلي ياعمري دودو يوم الاج انشاء الله وتفرحينا بالنونو

يا ورده اشكرج حبي

هلااااا ميوسة
الله يطمنج ويارب تشوفينة بين ايديج ولا تخافين وحاولي لا تتعبين نفسج خصوصا اول شهور الله يعينج

تسلميلي نور يارب يوم الفرحة الكبيرة اللي تفرحينا بيها انتي وشوشو ودودو ونونة يارب