هلو دودو شلونج حبي والله مشتاقتلج مع العلم اني ما شايفتج بس كلش احبج واحب طبعج واخلاقج ماادري انتي كلش قريبة من القلب انتي وباقي البنات بالمنتدى الكل ماشاء الله حبابات ويدخلون القلب بسرعة والله لا يحرمنه من اللمة الحلوة يارب.. حبيبتي دودو اني دااحس بمعاناتج كلش لان اني مريت باللي مريتي بي وهم جنت اكول اني قهري مو بس لان ماعندي جاهل اني قهري لان ماعندي دورة منتظمة مثل البشر وحتى بالبداية من جنت اراجع الدكتورة جنت اسمع حجي من بيت عيالي على انه اني ماعندي صبر عالجاهل وجنت اكللهم والله من اراجع علمود بس اريد دورة منتظمة ولا ابالي الجاهل هسه وحتى من جانت تنزل بالدوا ماافرح لان احسها مو شي طبيعي احس الدوا اللي خلاها تنزل حتى ثقتي بنفسي قلت يمكن تضحكين عليه بس جنت احس انه الدورة هي علامة من علامات الانوثة والمرة بلا دورة كل امروها تتخربط هاي ماعدا الحالة النفسي الزفت اللي تصير بتخربط الدورة وجربت اعشاب بس بصراحة ماجنت اداوم عليها هم فترة واترك فما حسيت فرق عليها بس اللي حسيت فرق عليه هو المشي والدايت لان سمعت المشي ينظم الدورة كمت باليوم اقل شي امشي ساعة يعني بصراحة طولت فترة 5 اشهر يللا انتظمت دورتي وبصراحة هم رجعت تخربط من الحالة النفسية بس مو مثل كبل يعني تتاخر بس مو مثل كبل بس شفت نفسي بالمشي المنتظم تنتطم وانتي هسه حقج اتيه عليج اني مارة بهيج ظروف فانتي انتظري فد جم يوم وسوي تحليل منزلي اذا ماجتج واذا تاكدتي ماكو حمل جربي المشي وان شاء الله ماعندج غير العافية

يا عمري يا نور الهدى والله والله نفس احساسي بيج وكولش احبج واشتاقلج وانوب طلعتي نفس معاناتي ماره بيها سبحان الله وانتي الاحسن حبي واخلاقج وسوالفج هم تخبل شونج شخبارج
اني هم دا امارس رياضه ودتحسين بمشكلتي ومعاناتي اكيد بس صار وياج حمل صح ? يعني وره ما انتظمت لو شنو تعالي راح اجلب بيج لعد ههههه
زين شنو سبب الخربطه هم صار عندج تكيس او العكس يمكن هوه التكيس اللي يخربط الدوره والله اني هم اعاني جنت اروح اريد بس انظمها وجان رجلي يضوج يكول لا تراجعين ما يصير حمل لان دورتج مخربطه واني اكوله اني دا اروح حتى انظمها ومن غير الحاله النفسيه اللي كولش تعبانه والله كل اللي كلتي اني حاسه وماره بيه
راح اسوي مثل مكلتي وتسلمين يا ورده

تسلمين عيني دودو والله هذا من حسن ذوقج واخلاقج ياوردة .. اي والله حبيبتي اني نفس المعاناة وكأنه دتحجين على حالتي بس حبيبتي اني اول ماتزوجت جانت دورتي زينة ورأسا صار الحمل واستمر بس 3اشهر وبعد الاسقاط كامت الدورة تتخربط لحد 4سنوات علما بلشت بالمشي وانتظمت كم شهر ومن انتظمت كمت افكر بالحمل بصراحة وكامت تتأخر فاتوقع حالة نفسية وبعدين هم بالاستغفار والمشي يلا شوية ترجع تنزل وبعدين هاي قبل دورتين اخذت كلوميد كلت بلكت شوية اساعد المبايض بس سبحان الله الكلوميد سوالي كيس وكالت هو ينزل بالدورة ماكو داعي تاخذين دوا واذا مانزل عود انطيج بس اني كتلها من هسه خلي اخذا لان اني ادري بروحي والخربطة مالتي فانطتني دوا مثل منظم مال دورة 21 حباية من خامس يوم الدورة ودانتظر علما اخلص الدوا والله كريم

حياتي تسلميلي وفعلا شكلها الدورة المخربطة مايرهم وياها كلوميد وفعلا احنا نفس الحالة تدرين اني يااااااماااااااااا مر علي هيج شي تتأخر واتأمل واروح افحص يكولون ماكو حمل خصوصا اذا شهر اتعالجت بي وصار حجم البويضة زين فكلش اتفأئل واتامل وبعدين يطلع ماكو حمل وكل مرة اكول هاي هي بعد مااتامل بس مرات مو بيدي من تتاخراكو ها بلكت هاشهر سبحان الله الوحدة مو بيدها غصبن عنها تفكر بالحمل وشلون تصير اعراض ماصايرة عندي قبل واقرا عليها بالنت تطلع اعراض حمل ومرة اقوى من مرة وسبحان الله كلشي ماكو وطبعا النفسية تصير زفت وحتى مااحجي لاحد بس اخلي بكلبي حتى لامي مااريد اكللها واقهرها يمكن هاي اني اول مرة احجي الاحد عن هالموضوع والناس عبالها اني مادايرة بال للحمل ومااريد جهال ويكلولي اذا مو علمودج علمود رجلج واهلج خلي يفرحون بحفيد عبالك اني مااريد ولا يدرون بالنار اللي تحركني واني مايعجبني احجي للناس همومي لان مايحس بالوجع الا صاحبة وشكد انتي ماحجيتي مايحسون بيج لان مامارين بهيج ظروف فشكو ادوخ راسي واكعد اشرح وافتح جروحي بس واحد احسن شي يشكي همه لرب العالمين وهو وحده اللي اعلم بحالنا وباذن الله مايخيب رجانا ودعانا واسفة حبيبتي يمكن كأبتج هسه بكلامي وطولتها عليج والله كلش اسفة بس باذن الله حبي الله يفرحج بحملج عن قريب وباذن الله كاتبلج احلى اطفال يملون عليكم البيت انتي وزوجج وان شاء الله بهالشهر تفرحينا ياااااااااااارب

شكرا حبيبتي تسلمين الله يسمع منج والله شعور متبادل اني هم كلش احبج وارتاحيتلج الظاهر انتي شخصيتج مثل شخصيتي اني مايبين عليه من احد يسألني واخذها بضحكة وامشيها واصبر اللي يحبني سواءا امي او ابويه او كرايبي واكللهم اي هسه يصير وعلى شنو استعجل واحاول اكبس عالجرح ملح بس فعلا احنا من جوا نتكطع والحمدلله والشكر اذا الله ديختبرنا بهيج ابتلاء عظيم فالله يكتبنا من الصابرين يارب ولا يضيع اجرنا

حجي ام حواء صحيح اتوقع واحد يراقب التبويض احسن لان مرات ورا موعد الدورة يصير تبويض ووحدة ماتعرف وبس تريد تنزلها.. وحبيبتي دودو ابد لا تخلين رجلج يكول هم لو حملتي وسقطتي ديري بالج بعدين اسم الله يصير ويروح ذاك الوكت القهر قهرين اني مااكلج صحيح هو اكو ناس تكول هم لو صاير عندي ورايح دكول اكو امل بس ترى واحد ابد لا يتمناها يعني تظل حركة بالكلب وتظلين تذكريه وضميرج يانبج لا يروح انتي مادرتي بالج او من تقصيرج راح او من عين ومن هالحجي والوهواس يعني هو بالحالتين صعبة بس الافضل نطلب من الله تمام الحمل والخلقة لان الله خزائنه ملئ وهو على كل شئ قدير والله يرزقنا ويرزقج حبيبتي

والله يابنات دمعت عيوني من قريت الحجي صدك صعبة والاصعب حجي الناس واني كمت افكر طبعا همين مثلكم اكول حتة لو يصير ويروح ميخالف استغفر الله ياربي

وحبي دودو حاولي تسويلج جية للعراق علاقل تراجعين براحتج واني مثل ام حواء انصحج تابعيي التبويض بكلير بلو موجود بكل الصيدليات وعلامزون موجود ارخص اني اشتريتة ابو العشرين تيست وصار شهرين استخدمة علاقل تعرفين يايوم ديصير التبويض عندج ويارب الله يجبر بخاطرج وبخاطر نورالهدى وبخاطري وكل البنات يارب يرزقنة

حبي دودو وسوي همين تحليل حمل ممخسرانة شي ولتكولين لزوجج بس حتة ترتاحين ويارب يكون حمل يارب

حبي دودو اول مرة تنزل هاي الافرازات؟؟؟؟؟؟؟
بلكي ياربي حمل سوي اختبار منزلي والله يجبر بخاطرج حبي

دودو حبيبتي اول شي نكول بلكي يطلع حمل يارب ويجبر بخاطرج دودو حبي انتي عندج تكيس بالمبايض او شوية سمينة؟مرات ينطون دوة اسمه metformin حتى يرشق ويزيل التكيس وهم ينظم الدورة
واكو هنا هواية منظمات للدورة مثل northristone  اكثر شي ينطوه هنا
انتي اذا تسوين جية الج يكون افضل لان ادوية النسائية كلها هورمونات ينرادلها تشخيص دقيق حتى ميضرج العلاج
اذا عندج اسبرين  ابلعي حبة يومية لان هم اذا اكو دورة ينزلها واذا حمل يثبته ويقوي المشيمة
طبعا كل الكلام الي كلتوه اني هم مريت بيه وعانيت اني اول متزوجت زوجي كال خلي نتونس عليش نستعجل عالطفل وظلينا سفر وطربكة والناس قتلتني بالسؤال ومحد يصدك انه منريد هسة الى ان ورة 6 شهور  من الزواج  كمت كلش اتحسس من الموضوع وكامت الي تحبل من قريب والا بعيد مادري بيها حتى لااحسدها تخبلت كلت لزوجي كافي عاد خلي نسوي طفل سبحان الله نفس الشهر صار الحمل بس طول الحمل جنت اكول اني ماحب الاطفال وشون حيصير عندي طفل واكدر احبة الله هم عاقبني واخذه مني بنهاية الشهر السابع من الحمل توفى الطفل ببطني وضكت مرار الولادة الطبيعية على طفل ميت ووراها ظليت الوب على طفل وميصير الا ورة 6 اشهر وصار ونذرت نذور يابو نذور ويومية اقرة قران واسبح واتحسر وتدمع عيني كلما اشوف طفل ومن اجبة برهومي صح كله  سهر وتعب بس كلما اتعب اكول الف الحمد لله والشكر لااتبطر على نعمة الله وطبعا ورة مصار الاسقاط ومصار عندي الحمل هم الناس كرعت راسي بالاسئلة وبالبسامير وهم اظل مثلكم ابجي واحترك واتذكر ابني الميت والوب رحنا سفرة اني وزوجي  بعيد الربيع ورجعنا جان عطلة اسبوع ابتعدنا عن كل الضغوط والناس وصاربينا الجماع والحمد لله  حبلت  فالحالة النفسية كلش تاثر كلما تكونون مرتاحين كلما فرصة الحمل تكون اكبر ربي يفرحكم مثل مافرحني ويجبر بخاطركم ويخلصكم من  كل اذية وقهر امين يارب دعوة غريبة ويارب تكون مستجابة

شكرا حبيبتي شوشو تسلمين على مشاعرج الصادقة ويارب دموعج ماتنزل الا وهي دموع الفرح والله يسمع دعائج يارب ويجبر بخاطرنا كلنا........حبيبتي دودو مثل ماكالو البنات انتظري جم يوم وحللي وباذن الله حمل وتفرحينا... حبيبتي لولة شكرا تسلمين والحمدلله الله عوضج عن حملج والله يحفظلج برهوم الوردة وتشوفيه عريس يارب.

دودو حبي اني بس اريد اشوفج فرحانة انتي والبنات هاي احلى شي على كلبي....

وانشاء الله احساسي مايخيب بحق هاي الايام الشريفة

بس دودو اللي راح مايعوضة شي صدكيني بس الله خالق نعمة النسيان اللي شوية مصبرتنا الله يفرج عنا كلنا يارب

حبي دودو اعتذر فتحت البارحة بس  ملحكت اجاوبج باعي حبي هذا مساعد السكر الي دتاخذيه هوة نفسة ال metforminعادي كلش زين هذا علمود التكيس وهم يساعدج على حرق السعرات الزايدة بجسمج
بالنسبة للاسبرين اخذيه لمدة اسبوع قبل موعد الدورة واخذي اقل جرعة الي هية ابو 75 ومرة باليوم بعد الاكل مخسرانة شي طبعا جنت اكولج اخذيه بصورة مستمرة بس اخاف عندج سيولة بالدم وميرهملجلان هوة اصلا مسيل بس طبعا اضافة لفائدتة هاي تدرين هم يساعد على زيادة فرصة الحمل وقريت عنه انة حتى قسم عدهم عقم من ياخذوه يصير حمل عدهمبس هاي لازم تسوين تحليل مال نسبة التخثر حتى نشوف تكدرين تاخذيه باستمرار او لابس كشي امين وميضرج اخذي اسبوع قبل موعد الدورة
حبي اكو فيتامينات هواية واكو فيتامين يقوي بطانة الرحم بس مادري هل يجوز تنطي الج اولا لان لازم طبيبة نسائية هية الي تقرر والله لو تكدرين  تجين جان دزيتج على دكتورة ريا وردة وتفهم الحالة كبل
بس كشي بسيط وهم ابد مالة ضرر عليج اخذي فولك اسد ابو 5 ملغم حبة يوميا بصورة مستمرة طبعا هم يساعد على زيادة فرصة الحمل وهم اذا صار حمل عندج يمنع التشوه بالجهاز العصبي للطفل ويقوي المشيمة يعني هذا اي وحدة تكدر تاخذه بصورة مستمرة بدون اي ضرر انشالة
 

حبي دودو طبعا بارحة رجعنا بعد لبيتنا لان عمتي خطية كلش مريضة  فلهذا كتلج ملحكت اجاوبج بارحة باعي حبي اني قريتلج ال provera وهسة حجاوبج
باعي حبي هوة هواية بيه اعراض جانبية منها اذكرلج دوخة وجع بالظهر او بالكتف او الذراع زيادة بضربات القلب زيادة بالوزن نزول  افرازات بس  اذا جانت المرة  بسن الياس وتغير بموعد الدورة انتي نطوه الج لان الدورة متنزل   لعدة اشهر؟ او لان عندج نزف هواية؟لان كتلج هوة ينطي لهالسببين بس ممكن يسوي تغير بموعد الدورة يعني  يمكن الديصير وياج دتكون من اعراضة الجانبية  ونكول بلكي حمل ياربوطبعا بعد هواية اله اعراض لخ منهاتورم بالركبة وكحة واظطراب الرؤية بس مثل متعرف موكل دوة شرط يسوي كل هاي الاعراض ممكن يسوي  بعضها حسب كل وحدة
مادر يحبي كدرت افيدج لولا اسالي اي شي عندج وياريت اكدر اجاوبج واساعدجوانتي هم سيوي التحليل مال الحمل بلكي يارب وصلج السرة ورة ميوسة وتفرحينا وياحبيبتي صح اني فرحانة ببرهومي بس ماكدر انسة ابني الراح هم كومة اتحسر عليه لكن الحمد لله والشكر على كل حال وربي يرزقج الضنى الي يفرح كلبج واي شي تردين اني حاضرة واذا مفهمتي اي شي ساليني اوكي

حبي ميوسه تسلمين على دعائج وكلامج اي شي يطلع هاهيه شسوي قابل اذا الله مقاسملي وحبي الله يحفظج بسلامه وتجيبين البيبي هوه ينسيج اللي راح الحمد لله على كل حال
لولو حياتي والله هذا وقتج اللي تخصصي ودتجاوبين وتساعديني متعرفين شكد يعنيلي الله يرزقج ويحفظج وينطيج لحد ما يرضيج ونعم الاخت انتي
بالنسبه للاسبرين اني ما اعرف شوكت تجي الدوره حتى اخذه قبلها باسبوع بس راح اشتريه من الصيدليه هوه والفولك اسيد هذا هوه اسمه الطبي الفولك اسيد يعني هيجي اكوللهم بالصيدليه ?
وبالنسبه للبروفيرا اني ينطونياه حتى تنزل الدوره مو لان نزف او شي وجنت اخذه بالعراق عادي تجيني الدوره ووراها انتظر شهر اذا هم ما نزلت ارجع اخذه بس بالفتره اللي دا اطلع من العراق ما اخذت وتعرفين حاله نفسيه وهيجي انوب وصلنا ومجنت اعرف بالضبط وين اروح وعلما تحصلين موعد يعني ظليت 3 اشهر ونص اكثر بلا دوره ونطونياه وصارت هالحاله انه وره 15 يوم هم اجتي واستمرت هالحاله كلما اخذه
حبيبتي اشكرج هوايه هوااااايه والله هاي وكفتج ما انساها وكلامج ودعائج يا طيبه انتي وباقي البنات يعنيلي هواايه والله يسمع منج ولو اني نفسي ساعتها مراح اصدك من يكوللولي حامل

ياحياتي دودو والله  انتي حيل تنحبين وتستاهلين كل خير والله اني بالعكس كلش مقصرة وحيل تاخرت عليج بالرد المهم الفولك اسد اي هوة هذا اسمه العلمي folic acid 5 mg
والاسبرين هوة معروف طبعا  باي مكان بس هوة اسم تجاري اسمة العلمي  acetylsalicylic acid 75 mg
بالنسبة للاسبرين  صحيح نسيت انتي ماتعرفين موعد الدورة اعتذر نسيت  ماكدر اكولج اخذي من هسة يومية لان منعرف نسبة التخثر مالتج اخاف عندج سيولة  بالدم وميوالمج لان لاسامح الله اذا عندج سيولة وتاخذيه ممكن يصير نزف داخلي الله لايكولها عوفيه حبي خليج بس عالفولك اسد هوة كلش زين للحامل وغير الحامل وهم يساعد عالحمل وامين ميضرج ابد وبلكي متنزل الدورة وتسوين التحليل وتطلعين حامل
اي خطية الله يساعدج هية طبعا الحالة النفسية والقلق كلش الها اثر بظطراب موعد الدورة شكد متتصورين ربي يبعد عنج كل شر ومرض والله لاتخافين ترة الاظطراب  بالدورة كومة يعانون منه ويحبلون بس انتي اهم شي حالتج النفسية ولاتخلين بالج يم الموضوع ادري صعب بس من تنسين وتخليها على الله يصير وحتى الدورة بحدها تكوم تنتظم كولة ام حواء  ليش متاخذين هذا العشبة الي اسمها بردقوش هم تنظم الدورة وتساعد عالحمل 
حبيبتي دودو والله راح ادعيلج الله يفرح كلبج واني اي شي حاضرة وشعندج سالي

دودو  قري يومية سورة الواقعة واول اربع ايات من سورة الحديد الى كلمة بصير وطبعا من تخلصين سورة الواقعة كبل ابدي بالحديد بدون بسم الله الرحمن الرحيم وادعي هاي هم علمونياها من جنت حامل  وشكد مبيج استغفري الله لزمي سبحة ويمج سبحي متدرين شكد تبعد عنج شر وتخلي الامور تنفرج عليج صدكي اني  قبل لااحبل يويمة لازمة السبحة واستغفر علما صار الحبل  ويارب تفرحينا باسرع وقت

تسلمين حبي دودو يارب الله يفرج عنج والله انتي كلش قريبة على القلب واتمنى اشوفج بكثر ما احبج انتي وكل البنات امنيتي التقي بيكم وانشاء الله الله يجمعنا اذا مو بالدنيا يجمعنا بالاخرة وتعرفوني على جهالكم وانتو صايرين ايجاااات

انشاء اللله

ياحياتي دودو والله انتي اصيلة وطيبة واكو فد شغلة كلش مهمة من يصير جماع بينج وبين زوجج ابد لاتذكريه بالحمل او تكوليله هسة وقت تبويض اوغيره يعني لاتحسسيه انه واجب عليه علمود شي حسسيه انه انتي راغبتلة وبس موببالج شي لان كولش تاثر على الانتصاب تدرين اني ورة الاسقاط هم مثلج ايست والناس تحرك بيه وكل يوم اكولة يلة وميصير حمل الى ان انعزمت بمهر ابن عمتي ورحت للحفلة وهم جرحوني على هالموضوع رجعت شبعت بجي بس جنا ثاني يوم دنروح سفرة لاربيل ودهوك رجعنا نطوها عطلةاسبوع فبعدنا عن كل الناس وصار يومية بينا جماع وابد مجبت طاري الحمل لان ايست تصوري وراها رجلي سوة عملية وصار صيف فكمت عزلت هدوم الصيف والشتا بحدي ولامتوقعة هالشهر حتفوتني والحمدلله صار الحمل فمن صار رجلي كام واهسة بالجماع يصير اكثر كتلة ليش كلي كلش جنت ارتبك  من تكولين لازم هسة لو هاليوم فيعني حياتي ردت اضربلج مثل انه الراحة النفسية اهم شي ببالموضوع كولة وهاي طبعا من بعد التقرب لله وربي يرزقج ياحياتي ويفرح كلبج ويملي بيتج كوله جهال يدوخوج ويخلوج متشوفين دربج مثل حالي هسة هههههه

لاعادي حبي دودو اصلا ظلي تايهة متعرفين شوكت التبويض حتى لاترتبكون ويصير الحمل باذن الله والله حقج كلش حاسة بيج كلام الناس ازعج ما بالموضوع مجربة وحاسة وسامعة عبالك ماعدهم غيرج بس ماكو شي بعيد او صعب على الله انتي خلي هالشي ببالج وان شاء الله ربي راح يكرمج بدل الواحد 5