السلام عليكم بنات
عندي جم سؤال عالاسبرين

يعني انتوا تعرفون حالتي ... هل الاسبرين 75 ملغم كافي علمود يمنع تجلط الدم ؟؟
لو لازم ابر وياه
احس الاسبرين مو كافي ما اعرف ليش

سؤال الثاني
هل تجلط الدم اله علاقه بخدر اطراف الجسم الايد والارجل والظهر ؟؟
حتى ظهري ما احس بي كله خدران


سؤال ثالث
هل ضرر على الحامل تاخذ اكثر من حبه اسبرين باليوم ؟؟

حبيبتي اني مااعرف هواية بس اعرف ميصير اكثر من حباية
انتي ليش متاخذين الابر مبيها اي ضرر او اثار جانبية

ام حواء حبي لاتخافين ماكو شي انشالة بس لاتاخذين اكثر من حبة اسبرين باليوم ترة موزين ابد وممكن يسوي انفصال بالمشيمة او حتى نزف حبة واحدة صغيرة كلش كافية وللعلم تدرين اني من 1-11 كطعت عني الاسبرين وهم جنت يومية اكول خاف يصير تجلط بالمشيمة وولدت يوم 26-11وكلما اسالها عادي  تكول بعد الاسبرين اده دورة 
وماعتقد التجلط اله علاقة بالخدر لان بذاك حملي هم جان عندي خدر وصار تجلط وهالحمل هم عندي خدر بس مصار تجلط الحمدلله اعتقد الخدر الة علاقة بالضغط او بنقص فيتامين بي 6
وحسب مقريت وسالت هم من جنت حامل انه اي مميع كافي بس اني وايلاف لان عدنا اجسام مضادة بجسمنا انطونا الابر للاحتياط انتي اكيد سوولج ورة الاسقاط تحاليل مال 
anticardiolipin
antiphospholipid
وغيرها من الاجسام المضادة فاذا جانت ماكو بعد مالها حاجة الابر وهوة الاسبرين هم يمنع تكون هاي الاجسام وهم مميع ومرة سالت كرايبنا طبيبة كتلها خاف هم يصير عندي تجلط كالت اصلا حتى الابر زايدة الاسبرين كلش كافي

حبي ام حواء لاتخافين واني سالت دكتورة ريا عن الخدر كالت هذا بسبب الحمل يصير ضغط على الاعصاب ويادي للخدر لان يصير احتباس السؤائل وهذا شي كلش عادي بس بالنسبة بس للاسبرين بعد ما ادري لان اني اخذ وياه 3 مرات الدوميت علمود ارتفاع الضغط

حبي ام حواء تدللين شيجي ببالج سألي بس كومينا بالسلامة وفرحينا بالنونية 

يا عمري الله يفرح كلبكم بجهالكم