شلونكم بنات
بنات نفسيتي حيل تعبانة البارحة رحت للطبيبة حددتلي اسبوع الجاي يوم السبت يعني ٢/٢ عملية الربط وكالت خلال الاسبوع الجاي لازم راحة تامة
وثانيا طلع عندي التهاب قوي وانطتني ايموكسيل و fluconazole اربع كبسولات بس اختي تكول هذا مو امن خلال الحمل صحيح؟؟؟؟

وبنات اضافة الى الافرازات ينزل علية مي هواية خايفة خاف هذا المي من كيس الجنين

مو حقي اموووت شيصبرني للسبت حتى اخلص تعبت حيل

تسلمين حبي ام حواء ربي يطمنج على بنوتج ان شاء الله

حبيبتي موعدي بعيد لان هي مجازة من المستشفى لان اولادها عدهم امتحانات

تسلمين حبي ميوسة ربي يحفظلج جنينج يارب ويفرحج بشوفتة

حبي لاتخافين ماكو شي انشالة تسوين الربط وترتاحين وبالنسبة للكباسيل الكاتبتلجياها مومضرة امينة خلال الحمل هوة حتى مرات تاحميل هم ينطون بس استعمالها يكون بحذر 

لوله1985 كتب:

حبي لاتخافين ماكو شي انشالة تسوين الربط وترتاحين وبالنسبة للكباسيل الكاتبتلجياها مومضرة امينة خلال الحمل هوة حتى مرات تاحميل هم ينطون بس استعمالها يكون بحذر 

تسلمين حبي ماقصرتي اني جنت خايفة من النوع الثاني لان زوج اختي كال مو امن

حبي ايلاف ماعندج غير بس العافية بس اكو كتاب اسمه الادعية المنتخبة والاحراز المجربة بي دعاء وحرز حفظ الجنين من السقوط تلزكي على بطنج عندج هذا الكتاب لو انقللج الحرز وادزلجياة لو انتي اصلا ماعندج اعتقاد يعني عادي اني من الناس ماجنت ادور هيج شي بس من كد الصار بية كمت ايقن؟؟ هوة كللة ايات قرانية اذا تريدين رديلي جواب واني ادزلجياه وتدللين

حبيبتي نونة تسلمين اني هذا الكتاب موجود عند خالتي بس اني شايلة كضيب ميكفي؟؟؟؟

حبي سلامتج وان شاء الله ماكو شي والله يبرد كلبج يارب بس اهم شي ترتااااحين ديري بالج على نفسج لحد ماتسوين ربط والله يسهل

shosho كتب:

حبي سلامتج وان شاء الله ماكو شي والله يبرد كلبج يارب بس اهم شي ترتااااحين ديري بالج على نفسج لحد ماتسوين ربط والله يسهل

تسلمين حياتي شوشو ان شاء الله اشوفج احلى ماما

حبي مااعرف شنو هذا (كضيب) اللي شايلتة شنو يعني حرز؟؟ باوعي اني طبعت كل الادعية مالت حفظ الجنين من السقوط على الحاسبة وصغرت الخط بحيث كوة ينشاف وطبعتهة وبعدين كصيت بس الكلام المكتوب وطبكتهة وغلفنهة بشريط لاصق شفاف حتة لايوصلهة بلل ولزكتهة على بطني بلاصق ورقي وجاي انسوي العلينة وعلى الله وانتي سوي اي شي تكدرين علي مايخسر واذا ماينفعج واحد ينفغج الثاني والله الحافظ بس يريدلة سبب وياربي بس الخير والامان انشالة

نونة كتب:

حبي مااعرف شنو هذا (كضيب) اللي شايلتة شنو يعني حرز؟؟ باوعي اني طبعت كل الادعية مالت حفظ الجنين من السقوط على الحاسبة وصغرت الخط بحيث كوة ينشاف وطبعتهة وبعدين كصيت بس الكلام المكتوب وطبكتهة وغلفنهة بشريط لاصق شفاف حتة لايوصلهة بلل ولزكتهة على بطني بلاصق ورقي وجاي انسوي العلينة وعلى الله وانتي سوي اي شي تكدرين علي مايخسر واذا ماينفعج واحد ينفغج الثاني والله الحافظ بس يريدلة سبب وياربي بس الخير والامان انشالة

حبي نونة اذا انتي طابعتة نسخلياه حباااابة

وبالنسبة للكضيب هذا ينشد على البطن او الظهر واصل الكضيب هو
قبل بالبيوت القديمة جان اكو هواية حيات هاي الحيات من تاكل العصفور تنفخ العظام مالتة يعني متاكل العظمات تطلعن من حلكها
هاي عظام العصفور ياخذوهن ومدري شنو يقرون عليهن وبعدين يلفوهن بقماش ويصيحولة كضيب وهذا وظيفتة يثبت الاجنة بس اني اتعاجز البسة طول الوقت بس من اروح للدوام البسة والستر من الله

تدرين ايلاف اول مره اسمع بهالشي والله

صار حبي وتدللين ويارب ماعندج غير بس العافية

هوة هذا الحرزوتدللين

نونة كتب:

هوة هذا الحرزوتدللين

تسلمين حبي وربي يحفظلج جنينج ان شاء الله

حبي ام حواء اسالي والدتج عليه اكيد تعرفة

على ذكر الكضيب اني موظف وياية الله ينطي الصحة والعافية هم كالي علية وجابلي واحد لبستة طول حملي بركبتي مثل الكلادة ومنزعتة الا يوم رحت للعملية لان هوة هم حجالي على مرتة هم ولدت طفل ميت بشهر التاسع ولبستة وكامت يصير عدها الي جابليا عبارة عن قطعة معدنية مكتوب عليها كل اسماء الائمة عليهم السلام وكال هوة مزور كل الائمة وحتى من ولدت برهومي هم جابلي خرز كال شديها بالكماط ومن تغسلولة غسلة الاربعين نكعوها بنجانة مي وغسلولة بيها اني بس اول ايام لبستة كماط من جنت عد اهل زوجي لان ماعرف اشدة  قوي فبلستة بس بغسلة الاربعين  نكعته بنجانة ماي وغسلنالة بميها