طبعا اسمي واسم البيج عالصوره لان نزلتها بالفيس

سمبوسك على طريقه منال العالم
المقادير
كوبين طحين
رشه ملح
خاشوكتين زيت
شويه بيكنك باودر

الحشووو .. حسب الرغبه
بالنسبه الي الحشوه
بتيته مسلوقه
بصل
بصل اخضر
فطر
مارتديلا بقري
فلفل اسود
كاري
حروره
ملح
ونحشيها وقليها بزيت غزيز ونصفيها جيدا من الزيت
والف عافيه

عاشت الايادي ان شاء الله اجربها بس حبي بدون خمرة يعني راسا اشتغل بالعجينة ؟

شوشو حبي اني هم جنت مستغربة شلون بلا خمرة بس طلعت تخبل بلا اي شي بس اني من افرش العجينة افرشهة بنشا حتة لاتلزك بالشيبك وتصير مقرمشة وهشة بالقلي جنت اسويهة ايام زمان كبل لااضل مربوطة على الفراش هههههههههههههههههههه

عاشت ايدج حبي والف عافية جربيهة بالجبن والكرفس تححححححححححفة هذا الجبن الكريمي المالح اللي يبيعو بالوزن مااعرف شلون يبيعو يمكم بس بالجبن بنفس العجينة كللش طيبة تطلع

عاشت ايدج حبي وعافيات على كلوبكم حبيبة .. اليوم المنتدى سباااااااااااات ماادري ليش بس اني وياج من الصبح ليهسة ههههههههههههههه

ربي يخليج حبيبتي انشالة باجر موعدي وية الطبيب والرعب المعتاد كال يوم الاثنين نشوف الكيس وادعي من الله بلكي باجر يكدر يشوفة قبل الموعد لان باجر اني رايحة علمود الابر فبيهة وبلاياهة .. بادي ريكي يصير مر وشوية غثيان يعني مو هواي بس نغزات بالرحم هواي ومااطمئن منا لمن ابدي اشوفة بالسونار .. ماعداهة يكللي انتي مو حامل بالله عليج شايفة هيج طبيب يجيب احباط

عاشت ايدج حبي ام حواء شهيتيني اكولج الحشوة هذني كلهن خبطتيهن سويه شلون سويتي البتيته والعجينه بدون خمرة يعني اول ما اعجبنها اكدر رئسن احشيها واقليها

اي اميره بس تصير عجينه مو لينه لازم قويه

هلو بنات .. ام حواء شلونج عيني .. اني بماليزيا حاليا .. اليوم رحت للطبيب الحمد لله شفنة كيس الطفل ومثل ماتوقعت طفل واحد فقط ولله الحمد وطولة 7 ملم . انتي شخبارج ؟؟؟ العنونة شلونهة؟ ماقوت حركتهة؟؟؟

ربي يخليج حبيبتي اي والله اني هم هيج جاي اكول خصوصا اني بعدني مامكملة دراستي وكدامي كومة اشياء لازم اسويهة وسفر للعراق اللي ماادري يمتة راح يصير بس اكللج الحجم اللي قاسة الطبيب اليوم اشو يختلف عن الحجم الي بالتوقيع؟؟

ديري بالج على نفسج ولو هوة البيت يريد شغل والله اني هم ماجاي اكدر اكعد بس شنسوي جاي نلزك بيهم تلزك