حياتي اني مااعرف لان ممجربة الحمل بشهر السادس بس صدكيني ماكو شي بس بنوتج حيل نزوكة وعقولة ومتريد تزعجج
وللعلم هي دتتحرك بس انتي متحسين بحركتها لان يجوز حركتها خفيفة او عندج شحوم بالبطن
يارب تجيبين بالسلامة حتى ترتاحين

حبي ام حواء انتي حالتج تختلف لان وضع المشيمة عندج ديمنع الطفلة من الحركة حسب مامرة كلتيلي اني الي يكولوه هنا الطبيبات لازم 10 مرات باليوم يعني كل 12 ساعة لازم 5 حركات مشتريتي هذا الجهاز مال نبض الطفل؟حتى تطمئنين يومية وانشالة ماكو الاالخير

اي عادي حبي ام حواء انتي ركزي وياها وحسبي يعني مثلا من تكعدين فد ب8 صبح انتبهي لل8 عصر وحتى لو صارت الحركة كلها جفت ومهما كانت سواء دفرة قوية او نتلة اي نوع حركة بس تصير خمسة اطمئني وبعدين ورة ال8 عصر هم حسبي لحد متنامين وحاولي قبل لاتنامين تمددي ارتاحي فد نص ساعة عبالك تبدي الحركة وهية اشو عبالك بالليل انشط من النهار وبالنسبة اذا صارت كل جفت وبعدين سنطة عادي كولش لان هية هم تحتاج تنام واغلب وقتها هية نايمة ببطنج وان شاء الله تقر عينج بشوفتها سالمة ياربوطبعا اذا تعبر ال10 حركات فهاي معناه مرتاحة ونشيطة والحمدلله

حبيبتي ام حواء الف مبروك ويارب دائما تطمئنين عليها ولا يخلي بالج عليها ابد وياااااااارب يوم اللي تشوفيها بالبيت تتحرك وتلعب بس من هسه شغليها بالبيت كلليلها شلعتي كلبي انتي وابطني ماتتحركين هسه تحركي وطلعي الكسر وانتي ذاك الوكت كعدي ولفي رجل على رجل واستمتعي بحركتها

حبي ما حواء الحمد لله والشكر من تطمنتي وحسيتي بالحركة والله كل وحدة صايرة عدة شغلة شكل يارب تتمم على كل وحدة بهذا المنتدى بالخير والسلامة وتحرم احد من الذرية ياللهي وطفي نار كل وحدة وزيح عنها كل هم وتعب والله عبالك انفس هذا المنتدى الله يحفظ كل اللي بي ويجعل الافراح عامرة بيه يارب

اي صح حبيبتي ام حواء هية اكثر شي من تنامين ومسترخية تحسين بالحركة ربي يطمج عليها دوم وتفرحين بشوفتها سالمة