اني صارت بية كومة افلام بس احجي بس واحد لان الباقي تفشل اني تزوجت بكربلاء ومن دون السيارات اللي داخلة بالسيطرة مالت كربلاء شرطة السياحة وكفو سيارتنة كالو لزوجي هاي شتصير منك كاللهم زوجتي واحنة جايين نتزوج اهنا ,, حتة موقف غريب جان لان ماسامعة احد يوكفو بالسيطرة بس الحمد لله صار من وكت حتة نتلاحك و بي صالح كالو جناسيكم وجننة بوكتهة مامغيرين الجناسي بس عدنة عقد الزواج مالت المحكمة علساس نطلعة كلبت الجنط كلاب مالكيتة هذا الحجي احنة بنص الشارع بالضهرية وبتموز وبس التربان تذري علينة اثاري اني مبدلة الجنط وناسية العقد بالجنطة القديمة من خبصتي ومجايبتة وياي فكمنة نتوسل بيهم وخابرنة ناس معارفنة كلولهم دخلوهم وعلى مسؤوليتنة واحنة راح نجي نجيب العقد وننطيكم نسخة منة واذا مااجينة اخذو معلوماتهم واحسبوهم مطلوبين للشرطة والنوب دخلنة كوة بس شلون نروح للفندق وماكو اي فندق يدخلنة بلا عقد ظلينة نفتر ورحت للصالون واصدقاء زوجي سوولنة زفة وهذا الحجي اني بلا عقد وبالحلقة الاخيرة وصل السايقة اللي جاب العقد ورة مانشف دمي لان صارت ب11 بالليل واحنة نفتر بالشوارع عود زفة بس طولوهة لان الوضعية جانت كسيفة المهم عطلت سيارة الزفة بنص الشارع واني جانو ملبسيني بوشية لان بكربلا ماكو عروس وجههة مكشوف وجان يخر الاحمر على الاخضر من الحر والعرك اخير شي اشتغلت السيارة بلا تبريد وجابو العقد ودخلنة الفندق وبعدني ماذابة البدلة اجت الدورة وعاشو عيشة سعيدة هههههههههههه

[color=r هههههههههههههههههههههههههههههههههههههه نونه ضحكتيني والله
من بدايته هيجي ههههههه [/color]

هههههههههههههههه بنات والله ضحكتوني وعاشت ايدج ميوسة عالموضوع فعلا شوية غيرنا جو

هلو بنات
ميوسة خوش موضوع حلووووو

اني اطرف موقف بزواجي هو بدلتي ام القطع يعني لازكة بالثانية عن طريق خيط نايلون المهم البدلة طويلة حيل واني لابسة فلات لان اذا البس عالي اطلع هواية اطول من زوجي ف اني مو امشي كل شوية ادوس على قطعة وتنشلع القطعة وبنات خال زوجي يلمن وراية المهم سمعت صوت من ورة كلولة علي بسرعة دخل مرتك للفندق لان بدلتها راح تخلص وتنزع وهي بعدها برررررة وصار الضحك علية
اني حيل خجلت بس اعرف بيهم ناصبين

ههههههههههههه حلوة قصة ايلاف بس مافتهمت شلون شكل البدلة يعني شنو هي قطع ملصوقة مو مخيطة؟؟
هههههههههههه حبيبتي ميوسة والله حاولت اذكر موقف طريف بس ماكو اني بعرسي جنت بس اقرا اذكار وادعية فمرت بدون اي موقف واذا اذكرت الا ارجع واكتبه بس هسه اعصر بذاكرتي التحفة ومديطلع وياي شي

هلو بنات حلو هلموضوع
اني بيوم الزفه سيارت الزفه ما اجت لان الي ماجرين السيارة كلب علينه وبوقت الزفه كطعنه جان اجي بوحدي لبيت العريس وزوجي راح يدبر سيارة ويزينها واني ابيتهم تعاركت ويه ام زوجي وشمرت الحلقه بوجهها وادك على زوجي تكوله همزين الله ستركم سكت واجا متاخر والزفه برة وهو بلبرموده والبدي وفات بدون ما يباوع بوجهي واني لابسه البدله والطرحه ودا انتظر يدور على قاطه والرباط والحذاء واني اركض جواه احضرهن اله ولبس بسرعه وسوة شعره وجان ياخذني ونطلع من بيتهم ورحنا للمصور بما تصورنا ورحنا للفندق غير يجي يمي اني بدلت ولبست ثوب النوم وانتظره علجربايه وهو يخابر ابو الرسبشن يريد عشا يصيح جوعان وخطيه ابو الرسبشن بوحده ما صعد العشا عرف عرسان وسوالف كايل نص ساعه ساعه واصعده ما يدري زوجي عاف كلشي وينتظر العشا وكل شويه يدك واني اضحك عليه لحد ماجابو العشا تعشا يله سكت هههههههه بس

اي والله واني كاعده علجربايه انتظره بس نزلت اكلت وياه لتخافين عليه هههههههههه

هههههههههههههههههههههههههههههههههههههههه والله قووية نونة ضحكتيييني باقي المواقف هم حلوة اني مااتذكر فد موقف معين بس جنت كلش عصبية بذاك اليوم وتنحسسست من كل شي من المصور ومن زوجي لان خلة سيارة العرس برة مو بالكراج وجانت طين بحيث حقدت علية وطلعت اني وبدلتي بررة اووي مااحب ذاك اليوم لاواحلى شي احنة اهلة فرغولنة البيت 3 ايام من يوم العرس وحدنة يعني فمن فتنة ذبحولي طلي والة تفوتين من فوك الطلي من يذبحو وبدلتي اتلطخت وراها فتت بدلت وصلينة دزولنة عشة ودنسولف ونتعشة جان زوجي يكولي شكد بجيتي اليوم بس انقهرت على ابوج خطية كام يبجي (اني ابوية متعلقة بي كولش من اني صغيرة ) انوبة هوة كلي هيجي واني مااكولكم البجي شصار عالعشة خخخخخ ويريد بس يسكتني ماكوخخخخخخخخخخخ

لا ونسيت اكولكم شغلة اني على اساس عرسي الجمعة ليش مو زوجي يخابرني الخميس بالليل يكولي باجر ماكو عرس ابوية يكول باجر وفاة مااعرف ياامام نسيت بوكتهة هلكد مااصرت عصبية وضجت وبجيت بحيث عرسي صار السبت تخيلووو):