والله حاسه بيج وهاي حاله صعبه الله يساعدج ما اعرف شكولج ماتكدرين تكوليلها لا ولا تكدرين تتجاهليها اني صدكيني نفس حالتج لازم ابقى هاديه الاعصاب واتملق حتى اعجبها وهم كرهت اليوم الي تزوجت بيه واتمنى ارجع ليم اهلي وشلون جنت عايشه مرتاحه بس هاي سنه الحياه الله كريم وماتضيق الا ما تفرج

حبيبتي الله يساعدج شوفي اهم شي انتي تديرين بالج على روحج وعلى النونو والله من يجي النونو وتشوفة كدامها راح تتغير هواية وانتوا هم مصيركم تكونون عائلة وتطلعون يعني اتحملي واعتبريها لوجه الله ولتنسين هي خالتج وبمثابة والدتج اعتبريها امج وحتى لو هي غلطانة ماكو وحدة تزعل من امها
ومطول زوجج زين وياج يعني لتهتمين لاي احد المهم النونو وابو النونو والله يسهلج ياحياتي

حبيبتي ميوسة الله يعينج بس صدكي محد مرتاح واكثرنا كاظيها مجاملات لاهل الزوج وكابسين عالجرح ملح شنسوي بس انتي تحملي لخاطر النونو ومثل ماكالت ايلاف هسه من يجي الطفل بخير وسلامة ان شاءالله هي راح تتغير حتى انتي راح تصيرين تتحملين اكثر انتي لان هسه نفسيتج تعبانة من الحمل واحنا بدون حمل مانكدر نتحمل كثرة المجاملات فالله يعينج وبعدين انتي ماطول كلتي الكل عارفين بوضعها فانتي هم حاولي اطنشيها يعني اللي تكدرين عليه سوي واللي ياذيج وتحسيه انه زايد ماكو داعي تجامليها وتسوي وهسه هي تتغير هي هم يمكن لان دتشوف دلال زايد فتدلل عليج والله يعينج ويعينا يعني واحد فوك همه تعال جامل هالناس وتحمل دلالهم وان شاء الله تفرج حبي

حبي الله يساعدج شوفي اني جنت بعيدة ومخلصانة ومن رجعت متحملت يمهم من الجنه مو ام الزوج المهم طلعت وهم مخلصت والله يومية قصة تروح تكولهم احسهة متحبني واحسهة مدري شنو فد وحدة زعطوطة مختصر مفيد بس اريح من ما يمهم جان طكيت بس والله شوفي انتي من دتحجين اكوو بعض المواقف اعذريني ضحكت عليهة عبالك دتحجين على طفلة صغيرة وهوة الانسان كل ميكبر يتنحس وهي دتشوف الكل مهتم بيج وهي حتة زوجهة مو يمهة فاعذريهة شوية وتجاوزيهة اكثر شي لان انتي حامل لتنسين اهم شي النونو والباقي هيج وعيونج

حبيبة الله يهدي سرج انشاله وماكو الا الخير بصراحة البنات كفو ووفو بحيث مااعرف شأكول بس ربج يخليلهة حل انشاله

ميوسة ربي يساعدج اول شي انتي قوي نفسج وراج نونو كولي لازم احافظ على صحتي وضغطي حتى اشوف طفلي سالم انشالة لاتنطين اي موضوع اكبر من حجمة شيصير موقف كبالج انسي دوسي على نفسج وانسيه لاتفكرين بيه اكثر من خمس دقايق وشوية شوية تتعودين للاسف كل العمات يحبون وحدة بس تتلوك وتمدح ووجها يضحك على طول وابد مايقدرون تعبانة لو مريضة لوحامل لو مقهورة كولهم هيج بس وحدة شتسوي دائما يطلع الصوج بينا والحق وياهم فشنسوي اذا نريد المركب تمشي احنة هم لازم نمشي  وطبعا ماكو احسن من الاستقلالية اقل مشاكل وابرد راس ويارب مينكتبلج غير الي بيه الخير بس هم الحمدلله والشكر اكو من يحبج ويدرايج بيهم وهية شتسوين هم خالتج اخت امج من تشوفيها هيج تتنرفز اتذكري امج وكولي هاي من ريحتها ومدامج انتي وزوجج واحد يحب اللاخ لعيونة حاولي تمشين وربي يكون بعونج ويفرجها عليج وتكومين بالسلامة  

تسلموووون بنات فرجت ههههههه