حمل متأخر

زائر

السلام عليكم ورحمة الله تعالى وبركاته

ممكن تجاوبوني على سؤالي انا اخر دورة لي كانت 16 ديسمبر 2012 وسويت اختبار الحمل المنزلي بعد تأخر الدورة ب 04 أيام وطلع ايجابي بس الخط كانت باهت ورحت للدكتورة وأكدت حامل

لكن في الزيارةلثانية قالت عندك حمل متأخر وانت بس حامل يادوب في شهر ومافي نبض

من فضلكم اشرحولي هاي الحالة

ام شهد كل الهلا بيج ونورتينا

اول شي مبروك الحمل وربي يتمملج على الف خير

انتي هسة بالاسبوع الثامن على حساب الدورة

والسونار باين انه اقل فيعني الحمل صار متاخر يعني التبويض كان عندج متاخر مو بمنتصف الدورة

ولهذا يسموه حمل متاخر

وانتي هسة صار يومين من دخلتي الشهر الثالت

اني 4 ايام من الشهر الثالث يله بان نبض الجنين وهم كان بالبداية حمل متاخر وحاليا متقدم حملي باسبوعين

انشاء الله اذا رحتي بعد اسبوع او اقل رح يبان النبض انشاء الله

وانشاء الله البنات بعد يفيدوك اكثر

منوره عيوووني ام شهد واني مثلج بالضبط

اخر دوره 13-8-2012

وبموعد الدوه حللت ويطلع سلبي واستمريت احلل اسبوع وتحليل دم ويطلع سلبي
الى ان بعد تقريبا 9 ايام من تاخير الدوره طلع خط يا دوووب بالموت ينشاف

ومن رحت للدكتوره كالتلي حمل متاخر وبالفعل

اني هسه اذا على حساب الدوره مفروض 29 اسبوع تقريبا

بينما اني حاليا علىحساب السونارات راح اصير 27 اسبوع
لان الحمل صار قبل الدوره بيومين او 3

فلا توهوسين وان شاء الله ماكو شي ويبان النبض
وميووسه مقصرت وياج بالحسابات همين

مبروك الحمل خيتوووو

اني مثل حالتج والدكتوره كالت احتمال التبويض منتأخر

لا يضل بالج خيتوووو ربج رحيم ان شاء الله ماكو شي