السلام عليكم ورحمه الله وبركاته

شلونكم بنوتات ان شاء الله بخير

البارحه رحت سويت سونار دوبلر عند اخصائيه يكشف عن اجزاء الجنين وعن صحته

المهم اني بعدلي يومين وادخل السادس الدكتوره كالت الوضع طبيعي بس فجوه من فجوات الراس المفروض هي قياسها 10 وحاليا 11

كالت تكتمل بنهايه السابع او بالثامن او بالتاسع وكالت حاله من الحالات عندي للعاشر اكتملت يالله جابت الام

اني ظليت اوهس وهي تكولي بعده نمو اصلا مكامل

المفروض الدوبلر يكون بالسابع حتى الواحد يطمئن بس اني ردت اعرف وضع المشيمه

زين البنوته عمرها بالسونار 23 ويومين واني بحساب الدوره 22 واربع ايام

الفرق بينهم 5 ايام تتوقعون هم صار فرق بفجوه الراس يعني السونار ماينطي شي مضبوط

بحثت بالنت مكتوب من اسبوع 25 يبدي المخ

يزداد نموه السريع

• 
  
  طول الجنين الآن 22 سم تقريبا (35 سم عند فرد ساقيه أي من الرأس إلى أخمص القدمين)، ووزنه 700 جرام تقريبا.
• 
  
  في هذا الأسبوع تزداد صلابة عظام الجنين.
• 
  
  يتكون العمود الفقري للجنين الآن من33 فقرة (حلقة)، 150 مفصل، بالإضافة إلى عدد كبير من الأربطة.
• 
  
  يزداد نمو مخ الجنين سريعا. كذلك تنمو النهايات العصبية بدرجة كافية ليبدأ الجنين الشعور بحاسة اللمس.
• 
  
  تتكون الشعيرات الدموية الدقيقة في جسم الجنين مما يُعطي اللون الوردي لبشرة الجنين الشفافة. كذلك تنمو الأوعية الدموية في الرئتين.

عفيه من البارحه الى اليوم بس ابجي والقهر ماكل كللبي وزوجي يكولي والله ماكو شي لان دكتوره تكولج بمرور الوقت يبدي يكمل النمو

اريدكم تنطوني نصايح الي عدها معلومه تساعديني لوجه الله تره حالتي محد يعرف بيها بس الله

حبيبتي هنودة اني مااعرف بهاي الشغلات بس والله ماكو شي بس احنة بس ندور على شغلات تخوفنا

لتخافين حبيبتي ان شاء الله ماكو شي

حبيبي لضوجين وخليها على الله ان شاء الله ماكو شي وعادي السونر ينطي اكبر من العمر اني هم يطلعلي خوب اكبر باسبوعين ولتخافين علراس ان شاء الله يكتمل بعون الله وتفرحين بضناج

شكرا حبايبي نعم الاخوات انتم

ان شاء الله يكتمل النمو بالايام الجايه

اني كلما اروح لدكتورتي تكولي مشيمه قررت اروح على اخصائيه سونار

من دخلت عيلها كالت شنو نوع السونار عادي لو ملون دوبلر

اني كتلها اريد دوبلر

بعد ما اعرف راح اخليها على الله

بس عفيه ادعولي لان نفسيتي حيل حيل تعبانه

حبيبة ماكو الا الخير صح اني مو من اصحاب الخبرة بس والله اني هم الطبيب دينطيني عمر اكبر من الحساب للطفل اتصور همة مخلين ستندرات واحجام ثابتة والاطفال ببطن امهم مثل الكبار اكو فروق فردية بالنمو يعني اللي اهله خشنين يطلع اخشن من غير طفل من وهوة ابطن امة بدليل الاطفال اللي بجنوب شرق اسيا من ينولدون بلحضة الولادة حجمهم ووزنهم اقل بهواي من اطفالنة وهذا يدل على ان من المراحل الجنينية الطفل الخشن يبين عن الناعم .. لتخافين انشاله خير

حبي لتخافين وبردي كلبج ان شاء الله ماكو شي صدكيني اني قبل فترة عمتي حجتلي على وحدة ماخذة سونر وطالعة الايد اقصر يعني اقصر من الطول الطبيعي وطبعا هي ماتت خوف بس الطبيبة كلتلهة تعالي بعد فترة قبل كم يوم سالت عليهة كالو راحت وماشاء الله طلع كل شي طبيعي فلتخافين وان شاء الله كم يوم وتبشرينة

عاااااااااااااااااااااااااا

ابشركم الحمد والشكر لله طلع كولشي ماكو

الحمدلله اطمنتي هنودة حبي ربي يريح كلبج دوم