♥♥ فطيره الدجاج ♥♥


المقادير كوب ونص طحين
ملعقه ونص خميره
ملعقه صغيره شكر
رشه ملح
ملعقتين كبار زيت زيتون

نخمر العجينه ونتركها تتخمر زين

نبدي نحضر الحشوه

افخاذ دجاج عدد اثنين نسحبها من العضم ونقطعها قطه صغار و لا تستخدمون صدر دجاج لان طعمه مو مثل الفخذ طيب
ونحطه بمي قليل ينسلق مع بهارات وفلفل اسود وملح

بطاطا فنكر نقليها بزيت قليل الى ان تتكسب


فلفل اخضر قطع صغار نضيفهم فوك الفنكر

بصل اخضر مقطع نضيفهم فوك الحشو

فطر حسب الرغبه نقطعه ونضيفه فوكهم

نص طماطه نسويها اشياف رفيعه وهم نضيفها فوكهم

واخر شي نضيفلهم الدجاج

ونضل نقلبهم نضيف بهارات وحروره حسب الرغبه الى ان يتحمصون سويه

نرجع للعجينه نقسمهم ثلاث ارباع الى ربع

نفرش الاولى بشكل مدور وكبير وندهن قالب ونفرس العجينه بحيث تغطي الحواف

نسوي خلطه عالرسيع مثل خلطه البيتزا معجون طمامه ومي دافي وملح وفلفل اسود وندهن وجه الفطيره

ونغطيها بالجبن المبروش ونفرغ محتويات الحشو

ونغطي الحشو بطبقه ثانيه جبن مبروش

والعجينه المتبقيه نسويها شرائط ونزين الفطيره بيها

وندهن الشرائط والاطراف بالبيض

وندخلهاا الفرن الى ان تتحمص

والف عافيه

حياتي جربيها وانطيني النتيجه وبالعافيه عليج مقدما

عاششت ايدج تخبل