السلام عليكم بنات

اسفة اذا ذكرتكم بوجعكم

بس موضوع كلش مهم

يطلق عليه طفل وليس جنين لان الجنين غير كامل النمو

اما الطفل فقد اكتملت كل اعضاءه الداخلية والخارجية

ولذلك هناك اطفال يولدون وهم في السابع او الثامن او التاسع ويعيشون بارادة الله ومشيئته

ان الطفل الذي يتوفى بالشهر السابع او الثامن او التاسع لسبب ما يسمى طفل رضيع لانه لو كان قد عاش تقوم الام بارضاعه

ولكن سبحان الله هل تعلمون من يحتضن الاطفال الرضع ويرعاهم في الفردوس الاعلى نبي الله ابراهيم وزوجته سارة

وسيدة نساء العالمين فاطمة الزهراء عليها وعلى ابيها افضل الصلاة والسلام



يارب بحق نبيك المصطفى ووليك المرتضى وبنت النبي محمد فاطمة الزهرا والحسن والحسين والائمة اثنا عشرا

حقق لي ولكل من تدعوك بالضنا ولاتحرمها من استجابة الرجا

يالله يارحمن يارحيم اجب الدعاء بحف النبي وال بيت المصطفى

والله اني هم نفس الشي وبعد ماانقهر على اي شي لان بعد ما كو اعز مناللي خسرتة بس الله يحفظلي زوجي ويخلي اليه

والله ما ينسي يعني اسم الله عليج اني عشت لحظه وفاة امي دقيقة بدقيقة الى ان طلعت روحها والصدمة ماتنحمل

بس من ساعت عرفت انو بنتي ميته

ما اكلج الشي اللي سويته بالرغم اني جنت مسوية عمليه يعني ما اكدر اتحرك نسيت كل الالم وكمت اعيط جنت كحة ما اكدر بس اللي بداخلي نساني الم بس الم الفراق صعب صعب صعب واي احد تخسري حركته مو مثل الضنا

وللاسف مرات خالتي ام زوجي تحسسني انو هي الاكثر مقهورة واني عادي ما دام اضحك يعني ناسية بس هي اللي تذكر والله لو غرفتي عدها لسلن جان حجت من اللي اسويه بس الحمد لله اللي الله مصبرني ومثبتني على الايمان

لا اله الا الله الحمد لله على نعمة الايمان

ااووووووووووووووووف  وجع  فقدان الضنى مينحمل على كولتج ام حواء اني جنت اخاف من الموت هسةكلبي بارد ورة مسمعت ابني  يشفعلي تدرون اني اول  مجبت ابني محمد المتوفى فترة ماكدر اشوف طفل يمكن تخبلت بحيث من اشوف طفل اتهستر من البجي واكول شمعنة اني راح طفلي الله يصبرنا خواتي ويعوضنا  اني يومية اتذكر ابني ولالحظة نسيتة ولاحنساه 

اكيد لوله لا تنسينه ولا راح تنسيه
بس هسه فكري بابنج الجاي ان شاء الله
ويملي حياتج وينسيج وجعج

اي والله حبي ام حواء بس داريد الله يعوضني حتى يخف   وجعي احس ليهسة كلبي ينزف دم على محمد وتمنيت لو شايفتة متندمة خفت اشوفة حتى مرة حلمت بيه  شون شكله وهوة صغير ومن يكبر شون شكلة شفت بالحلم مثل المسلسل كل فترة بحياتة وجنت داكول لزوجي وين ابني اللاخ الميت كال ماكو بعد بلكي منشوف بعد هالموقف المؤلم والقاسي

ان شاء الله حبي ربي راح يعوضج باذنه
وتشوفين ابنج يلعب كدامج وتشبعين منه همين

حبيبتي لوله الله يعوضج خير يارب ويبرده حاسه بيج ياقلبي بس اكو الله

شكرا حبيباتي ام حواء تسلمين ياوردة والله اني هم ادعيلج الله يثبت الي بببطنج ويعوضج خير ويهون عليج الايام
ميوسة مشكورة يالغالية احنة لان نفس القهر فوحدة حاسة باللخ انتي عندج اطفال؟صار عندج ورة الاجهاض؟الله يفرح كلبج  ويعوضج خير حبيبتي

لولة هذا اول حمل اللي والحمد لله على كل حال وماصار بعد اني صارلي سبع اشهر على العملية

مومشكلة حبي ميوسة ان شاء الله ربي يعوضج بعدج صغيرة اني ورة 6 شهور يلة صار عندي رغم اول مرة صار من اول شي هية هورمونات الجسم علما تتعدل وترجع وضعها الطبيعي يرجع يصير عندج باذن الله

الله يسمع منج ياكلبي

شكرا يا ميوسه على الموضوع انا بجد فرحت جدا اما قراءته
وخفف عنى كتير والحمد لله على اى حال

نور حبي الله يعوض عليج بالخير يارب ويفرح قلبج انشاء الله

مساء الخير عزيزاتي حبيت اشارك وياكم بالكلام واتكلم عن تجربتي ..
اني كنت حامل وكان حملي جدا طبيعي ومابيه اي مشاكل لكن بسبب غباء بعض الاطباء (الطبيبات) توفى الطفل لان اكتشفت بعد فوات الاوان ان الدكتوره حاسبتلي غلط وفاتت ولادة الطفل وهو كبر وحركته هوايه فالتف الحبل السري على رقبته ورجليه ومات والشي الابشع ان رحت دااحدد شوكت اولده لان تأخرت واثناء السونار وبكل برود تكولي ان الطفل ميت فتخيلو شصار بيه وطبعا ماادري بنفسي معيطه وباجيه بس اذكر شي واحد لمن تكولي قابل هو احسن من الشباب الي راحو هاي لو واحد من اطفالها كان هم كالت هذا الكلام وهي ام وتعرف شنو يعني ابن .. صار على ولادتي 6 اشهر والموضوع عبالك البارحه والشي الي تندمت عليه ان مشفته بس حسب الاوصاف الي وصفوها الي هو يشبه الطفل الي حاطته بالصوره بس الحمدلله رب العالمين انطاني صبر واملي بيه كبير ان يعوضني بولد ثاني غيره ويفرح قلبي بي .. نسألكم الدعاء

حبي دموع منورة ربي يصبر كلبج ويعوضج خير وان شاء الله يرزقنة كلنة بس هاي الطبيبة مو بشر صدك غباء

عيوني دموع الله لايوفقها لطبيبتج وماكولج غير ربي يعوضج انشالة بالقريب العاجل اني هم قصتي مؤلمة وكاتبتها ليفوك وربي ماينسى عبده عوضني ببرهومي ويوم الج ولكل البنات يارب

عيوني دموع الله لايوفقها لطبيبتج وماكولج غير ربي يعوضج انشالة بالقريب العاجل اني هم قصتي مؤلمة وكاتبتها ليفوك وربي ماينسى عبده عوضني ببرهومي ويوم الج ولكل البنات يارب

حبيباتي اني مصارلي اسبوعين وبنتي بالشهر السابع ماتت ببطني واكو حركه ونار بكلبي والله وجع العمليه اهون بهوايه من نار كلبي يوم يوم جنت انتظرها لحبيبتي وجنت ناويه اسميها جنه وراحت للجنه والتراب فرح بحضنها قبل ما افرح بيها هذا اول حمل الي وبعد طول انتظار وزوجي من اخذها يدفنها كالي هي كلش تشبهني حتى وجهي بالمرايه يذكرني بيها ومن ينزل حليب ابجي دم جان هسه هي بحضني واشم ريحتها واللهم لا حسد بس ما اتحمل اشوف طفل والله مو ببالي اطفال العالم بس بنتي ببالي الي حسين بيها يوم يوم وكلبي محترك عليها واحس الناس الي عدهم اطفال كامو ميحجون شي كدامي وهي جانت اول فرحتي بالدنيا يا رب خفف عني وجع كلبي وكل محروم يا رب

حبيبتي ميوسه ذوله مو اصدقاء الي يعوفون الواحد بهيج محنه وهسه الناس كلها مو بعيني صرت احس اقرب الناس الي صار يضوج من يشوفني مكتابه و دا اكضي وكتي وحدي لا طلعه ولا ونسه بعيني ومجبوره ارجع اداوم واشوف كل الوجوه ونظرات الشفقه بعيونهم والنار تاكل بكلبي بس يبقى املي بربنا يعوضنا وياجرنا بمصابنا يا رب

حبيبتي جنه الله يصبرج ويعوضج الف خير والله حاسه بالي انت بيه هسه ومن قريت صارلج اسبوعين من جايبه كلت الله يساعدها لان اذكرت حالتي بوقتها شلون جانت وشلون نفسيتي تعبت وحتى بوقتها علاقتي بزوجي كلش تأثرت بس سبحان الله ينطي للانسان فد صبر هو ممتوقعه وانشالله الله يعوضج بغيرها وتفرحين بيها ورب العالمين انشالله مناسينه الي خلانه شي بالاخره يشفعلنا يمه والله لو تجين عليها مناسيج كولي الحمدلله والله بعز ماعرفت ابني ميت واني بالمسشفى ظلت ماما تلقن بيه ادعيه وايات و تكولي لتبجين كولي الحمدلله وكولي اللهم اجرني في مصيبتي واخلفني خيرا منها ..اني صارلي على ولادتي 9 اشهر وانتظاري طول مدا يصير عندي و ماكو اي سبب ديمنع الحمل بس مفقدت الامل وربي ادرى بالحال وانشالله يعوضني بغيره .. حبيبتي ديري بالج على نفسج وعلى زوجج انت خففي عنه وامانه عليج لتقهرين نفسج بعدج نفسه و موزين عليج والله يعوضج انشالله .. والله اني قبل لا ادخل للعمليات وكفت يمه فد مره ظلت اسكت بيه من درت ميت الطفل ابطني وكالت بنتي دخلت صارلها فتره للعمليات عاد دخلت وباقيه المره تسكت بأهلي المهم طلعولهم الطفل وراها كالو لاهلي رح يطلعوني جان تكول شو بنتي دخلت قبلها ولحد هسه لاهي ولا الطفل ماكو اثناء مداتكول طلعوا الطفله مابيها شي وكلولهم البقاء لله الام ماتت فتخيلي شصار بيهم فقدر اهون من قدر لو هي جايه وانت صاير بيج شي شنو حياة هاي الطفله وحتى زوجج والطفل يتعوض لان الي مثل حالاتنا صار عدنا وانشالله يجينا غيرهم واني مااكولج ناسيته ابد والله يوميه ابجي عليه وبداخلي فد حسره بس الله يعلم بيها بس مابليد حيله .. ديري بالج على نفسج وزوجج والله يعوضكم حبيبتي

مساء الخير للجميع .. حبيبتي ميوسه كلامج صحيح وانشالله الله يعوض صبرنه بكل خير ويكومج بالسلامه ويفرح قلبج بولد صالح ينسيج كل الي مر بيج .. لان على مافهمت ان الي شفتي موشويه وفاة والدتج وبعدها بأشهر الطفله بس ماشالله انت مؤمنه وعارفه ان الموت علينا حق وربي انطاج صبر ماموجود عد هوايه ناس وهاي هم نعمه والمفروض احنه نتعلم الصبر منج لان انت فقدتي اعز اثنين عندج بفتره متقاربه .... وطبعا اشكرج على تواصلج الدائم ويايه ولتنسيني بالدعاء اني اسمي روان .. محبتي