مرحبا بنات شلونكم يارب تكونون بخير
اني بنية متزوجة صارلي 6 اشهر وليهسة ماكو حمل رحت للدكتورة وفحصتني وكلشي وكالت مابيج شي
وحتى انطتني ادوية وابرة وكالت علمود تسرع الحمل بس ماكو شي وحتى خلصت الادوية وماكو شي واني صارلي صارلي 3 اشهر من اخر مراجعة الها لان صارت ضروف ومكدرت اروح واني هاي الدكتورة ممقتنعة بيها هلكد فياريت تنصحوني بشي اسوي علمود يصير حمل لان هواية متأذية نفسيتي وخايفة ميصير عندي اطفال وتعرفون ماكو بنية متتمنة يصير عدها طفل فة اتمنى تساعدوني واذا تعرفون طبيبة شاطرة بدهوك لو بأربيل وتفتهم بهيج سوالف اتمنى تدلوني عليها واكون شاكرة الكم [center]

اهلا وسهلا بيج حبيبتي لاتخافين ابد ومساله انو ميصير حمل حتة وية عدم وجود اي مانع للحمل مسأله عادية جدا وكلنة مرينة بيهة والحمد لله ربج ماقصر وجبر بخاطرنة .. هية المساله يمتة ربج يكول كن فيكون مو مسأله حسابات ورياضيات ومو مسأله انو تكولين فلانة وعلانة تزوجت وهم مابيهة شي وصارت حامل رأسا فاني هم مابية شي فلازم اصير حامل !!!!! المسأله مامحكومة بهيج منطق .. فقط محكومة بالسعي بالموضوع وارادة ربج والتوكل على الله وانشاله يارب هذا الشهر تجين تبشرينة لان والله هذا المنتدى وجهة خير علينة .. لاتخافين بعدج عروسة وماكو وحدة ماتخلف هسة حتة اللي ماعدهة رحم لكولهة حل هههههههه مو يالله تكولين مابية شي .. حبيبتي بس انتظري ويارب الجاي خير وعيونج بعد وكت وهاي نرفزتج وقلقج هم ممكن تسبب تأخير الحمل

شكراا نونة على كلامج والله يسمع منج

وام حواء اني سويت تحليل هرمونات وفحصتني وكلشي وكالت مابيج شي
ورجلي هل ايام يسوي تحليل ونشوف شيطلع بس اني اريد اعرف اذا مابية شي ليش هل تأخير والله الناس مترحم وياهو اليجي يسأل ها مو حامل وهل سؤال يسويلي حساسية هواية لان نبرة حجيهم محلوة لو يكولون روحي لدكتورة اتعالجي عبالك بية شي اني من هيجي مقهورة والا اني بعدني صغيرة ع الاطفال و ممستعجلة بس حجي الناس بعد شسوي والله يقدم الي بي الخير يارب ويرزق الكل بل اطفال

واكو موضوع ثاني حابة استفسر اذا تعرفون بي قبل جم يوم طلع تقرير بل تلفزيون انو مرات يكون سبب تأخير الحمل انو سوائل المرأة تكون حامضية وببعض الحالات تكون نسبة الحموضة بيها هواية فة تقتل النطف وهاي يكدرون يعالجوها انو ينطون للبنية ابر قاعدية علمود تسوي توازن وميموتون النطف اكو هيجي شي واذا اكو شلون واحد يعرف

الله يبارك بيكم بنات والله مقصرتو والله يرزق الجميع بل ولد الصالح

هلو حبيبتي اني صيدلانية واكو بالصيدليات كومة غسولات داخلية بس ماانصح بيها ابدا لانه الغسول الداخلي يزيد احتمال الالتهابات الا اذا الطبيبة نصحتج بيه
بالنسبة للقاعدية والحامضية مال الرحم ابسط شي نكدر نسويه نتحكم بالاكل قريت انه يفيد بهالموضوع. قللي اللحوم والنشويات  وطبعا كثري فواكه وخضراوت والليمون هم زين (صح احنا لان حمضيات عبالنا تسوي الجسم حامضي بس من تنهضم وتوصل للدم تصير قاعدية) واكو بالنت اذا تحبين تدورين كومة حاجين على تاثير الاكل بحامضية او قاعدين الرحم