السلام عليكم
هنا نفتح باب الدردشه
حتى الكل يستفادون ويكضون اوكات حلوه وان شاء الله
تنتقلون الى تجمع ودردشه الحوامل

هلووو حبيبتي منوره

هلووو بنات شلوونكم منورين الموقع
عفتي منوره حبيبتي
واني تقريبا هم نفس المده مالتج متزوجه
انتي ابد محملتي ؟؟؟ وشنو السبب ؟؟

هلو بنات اني عراقية مقيمة بالاردن متزوجة صارلي ست سنوات وميصير عندي حمل بعد التحاليل طلع سبب زوجي سويت انابيب ومنجح عندي اريد اسال منو عندة تجربة باطفال الانابيب

هلوووو هبونه شلونج ومنوره التجمع حبي
صارلج شكد من سويه عمليه الانابيب
شو اني سامعه الاردن زينين بيها

هذا نورج حبي واللة صارلي اربع سنوات من مسويتها ومنجحت

ازين ليش معدتيها هيه مو 3 محاولات ؟؟؟

خفت اعيدها عند نفس الدكتور وهسة اريد احد مجرب مسوي انابيب بالاردن وعدمنو وبيا مستشفى؟ اني سويتها عند نجيب ليوس اخذ مني 15 بيضة ولقح بس 3 وراها يكولي البقية ضعيفات ومرت اللخ اكبرهن عل ال20 اي لعد ليش مسويتها من الاول

هاااا تدرين والله اني سمعت بنجيب لويس كولش شاطر ويسوي الحالات المستعصيه
اكولج اسفه بالتدخل شن مشكلتج بالحمل ؟؟؟
بلكي اسالج عالاطباء بالاردن وهمين ادورلج اشياء بالنت تفيدج

هلووو بنات

هلووو ايلاف شلوونج

زوجي عندة المشكلة ولمن سويت الانابيب عند نجيب ليوس كتلج سحب مني 15 بيضة ولقح بس 3 كالي الباقي ضعيفات واول العام رحت فحصت بويضاتي باليوم الدعش من الدورة قياس الوحدة 10

زوجي نسبتة كلش ضعيفة حتى السرعة صفر

مم افتهمت يعني انتي هم عندج ضعف تبويض بس سهل علاجه لان كلوميد موجود ومنشطات
وبالنسبه الزوجج حاول تعتمدين عالاشياء الطبيعيه اكو خلطات بالنت عسل طبيعي وهيجي اشياء واذا مفادت اكو ادويه
لان اني اقرا بغير مكانات اكو بنات ازواجهم عدهم النسبه صفر ويصير حمل بعد العلاج

تره ماكو شي عد الله بعيد

اي صحيح بس الطبيب كالنة اسرع شي لزوجج الحقن المجهري احسن من الادوية اطول سنين . بس من سويت انابيب وفشلت صار عندي ردت فعل اخاف هم اعيدها وتفشل

بالعكس سويها هيه مره ان شاء الله تصيب


اني اليوم هم ضايجه جان مفروض موعد دورتي البارحه ما اجتي سويت تحليل وطلع سالب
رغم اني ماخذه كلوميد هالشهر

هلو بنات شلونكم ..
اني اليوم سجلت وان شاء الله اتعرف بيكم اني صارلي 3 اشهر متزوجة مقمية بامريكا واتمنى يصير عندي نونو ^_^ والله يرزق الجميع يارب

هلوووووووووووو شوشو شلووونج منوره الموقع والتجمع
واني صارلي 3 سنوات ونص وهم اريد نونو ههههه

نورج ياوردة ان شاء الله الله يرزق كل محروم

حبيبتي لا تازمين نفسج تره انتي توج عروسه اتمتعي بحياتج لا تدخلين بدوامه الحمل وتصيحين متاخره
اني ورا زواجي ب 8 اشهر يله رحت للدكتوره وسالت ليش ؟؟

صحيح بس تدرين كثرة السؤال كولش تضوج واني هم الصراحة عندي فضول اكول ليش كل ما تجيني الدورة

عزززه ليش منو بسالج صارلج 3 اشهر متزوجه يعني عروسه

ههههههههههههه يمعودة تعالي شوفي عمتي خابصتنة بس تسال ورة اسبوع من الزواج بدت تسال همزين مو يمي هية جان طكيت

هههههههههههههههه خلي اضحكج اني عايشه هسه بالنرويج
من اتزوجت رحت لسوريا اتزوجنا
ثاني يوم من الصبح طلعنا للسيده زينب نزور
حماتي وعمتي يكولولي ديري بالج لا تعثرين اكيد هسه حامل

هههههههههههههههههههههههههههههههههههههههههههههههههههههههههههه والله ضحكتيني

شكد عمرج شوشو ؟؟

اني مواليد 88

حبيبتي بعدج صغيرونه
اني 85

شلون الجو عدكم بامريكا ؟