باقي 11 يوم عالدوره وماكو شي مميز

باقي على دورتي 11 يوم واحس الم بالمبايض وخاصة الايسر والم في الظهر من جهة اليسار والوسط

وغثيان بسيط والم بسيط بالرأس بس اعتقد الم الرأس بسبب النشلة



يارب ترزقنا الذرية الصالحة عاجلا لا اجلا

باقي 3 ايام على دورتي واعراضها مو قوية هالمرة بس الم بالظهر بسيط يارب ارزقنا هالشهر

ان شاء الله كلنا حوامل

باقي 9 ايام

سويت اليوم تحليل وطلع سالب

باقي على دورتي 9 ايام والم الظهر شديد واعتقد من التهاب المجاري البولية

باقي 8 ايام وحاليا ما احس باي شي غريب

باقي على دورتي 8 ايام وللاسف اليوم رحت للمختبر وسويت تحليل هرموني وطلع ماكوو حمل

قل لن يصيبنا الا ماكتب الله لنا

لا حول ولا قوة الا بالله العلي العظيم

يا حبيبتي اصبري يجوز حمل متاخر
واذا مو حمل الله يعوضج ويعوضني وشوشو ويانا الشهر الجاي

حبيبتي اني متابعة التبويض يعني مو متأخر وحتى لو صار متأخر يعني حجم البويضة يصير كولش جبير وهم جان بين بالتحليل

الحمدلله والشكر له

الحمد لله على كل حال
باقي 7 ايام وحللت وطلع نيكيتيف

باقي على دورتي 4 او 5 ايام واحس جسمي حار وبردانه وخملانه اليوم كولش

باقي على دورتي 4 ايام

والبارحة عدت تحليل الدم وطلع نكتف

elaff
الله يكتبج من الحوامل الشهر القادم

تسلمين نونة حبيبتي لجميع المتأخرات ان شاء الله

باقي 3 او 4 ايام
وجسمي بردان وصدري منفوخ ومتحسس كولش
ودا افكر اكوم اشتري تحليل ..ومترردده

هلو بنات اشتريت كلير بلو
وللاسف سالب كالعاده
ولاذره امل
كعدت ادقق بي ساعه وماكو

باقي على دورتي 3 ايام او او اربعة وشرفت المحروسة اليوم

ههههههههههههههههههههههههههه ضخكتيني على ضحكتج

ههههههههههههههههههه

المفروض دورتي البارحه
وما اجت لحد الان
وعندي وجع بظهري يروح يجي
ومبينه الدوره عالابواب

جبيبتي اخاف اكولج ان شاء الله حامل

بس ياربي اذا حمل الله يثبتة واذا دورة ان شاء الله تنزل

الله يسمع منج ايلاف واليوم سونار وتبين ان شاء الله
اذا حمل اكيد راح يبين لان الدوره متاخره
واذا دوره بلكي تشوفلي جاره وانزلها
او اشرب اشياء حاره ورياضه بلكي تنزل

ان شاء الله حمل

ومن ترجعين من الدكتورة بشرينا

هلوووووووووووووو بنات اني هسه رجعت من الدكتوره
وقبل لا اروح سويت تحليل وطلع سالب
المهم الدكتوره اخذت كومه معلومات عني وصدوووك طلعت شاطره
وسوتلي سونار وطبعا ماكو حمل
وكلتلي والحمد للي ما عندي اي اكياس او تكيس * صلوا على النبي *

كلتلها قبل اسبوع سويت سونار وكالولي تكيسات صغيره
رجعت تاكده كالتلي لا هذا الممبيض الايمن بي هوايه بيض صغيره تستعد للشهر الجاي
والمبيض الايسر بي بيضه جبيره طبعا هيه ما اهتمتلها كالت طبيعي واني شفت حجمها من قاستها 1.18 سم ما ادري شنو يعني كلت اكوللكم بلكي تعرفون
والرحم وضعه طبيعي والحمد لله ومحجت شي عن بطانه الرحم

المهم كلتلي هسه راح نبدي خطه علاج والتزمي بيها

انطتني حبوب اسمها pergotime كالت مفعولها مثل الكلوميد
وكالتلي بما انه دورتي طويله 32 يوم واكثر ابدي بالحبوب من خامس يوم الدوره لمده 5 ايام حتى لا تكبر البيضه اكثر قبل لا يجي التبويض
وكالتلي اول متنزل الدوره اخابر العياده مالتها ينطوني موعد بيوم 12 او 13 من الدوره حتى تتابع التبويض وتنطيني ابره تفجيريه وتحددللي ايام الجماع

وكالت راح تدز ايميل للمستشفى والدكتوره يدزولها كل تحاليل الدم اللي اني مسويتها
واذا صار حمل باذن الله لازم ابدي اسبرين وابره تخفف الدم علمود يتغذى الطفل وميصير مثل الحالات السابقه

وبصراحه طلعت متفائله من عدها وكولش حبوبه هيه ومبين عدها خبره