مساء الخير بنات
يوم الجمعة اللي راح رحنا سفرة عائلية للرمادي منطقة البغدادي على نهر الفرات والنواعير ومنظر كلللللللش حلو....
المهم حضرنا المشاوي والمناقل والطوبة والصافورات((تعرفوها موووو))؟؟؟؟
ومن الفجر بدت رحلتنا طلعنا 6 سيارات طبعا اني جنت مصورة الرحلة ونمشي الطريق كله وماشاء الله ولدنا ماقصرو ردح للكاع.....وبنص الطريق نوكف وينزلون يركصون الجوبي وكلشي وطبعا قائد الحملة زوجي وزوج حماتي....
((طبعا الناس اللي بالشارع عبالهم عرس بس يباعون شو ماكو سيارة عرس ولا لبسنا فيضلون يباعون زوجي يكوللهم مخابيل عوفوناااااا....همة يضحكون ويوخرون))
المهم وصلنا تقريبا الساعة 9 الصبح للمكان ونزلنا وفرشنا ونزلنا المناقل والولد الاراكيل وبدت رحلتنا وركبنا البلم واني اكمز ونتسلق النواعير والجبل ونركص لان بوحدنا ماكو احد غريب وكعدنا نشوي الشمك المسكوف...والتكة...والكباب..والبرياني...والدولمة.....خخخخخخخخخخخخخخخ
شهيتكم موووووووو
بس والله جانت ونسة موطبيعية وتمنيتكم وياية لان صدك ونسة
وبعد ماشربنا الجاي....
انطلقنا بالعودة لبغداد الحبيبة وصلنا تقريبا بالسبعة وبس وصلنا
بدء شخيرنا للصبح من التعب
.......ربي يفرحكم بكل اللي تتمنوه يارب يا اعز اخوات على كلبي.....

تسلمين ام حواء حبي

حبيبتي سفرة سعيدة وان شاء الله سنة الجاية تاخذين ابنج وياج

تسلمين انشاء الله يارب

الفففف عافية والله مشتاقة لهيجي لمااااااات يلة مظل شي بنات اني بعد شهرين وارجع لبغداددددد

هلا بيج حب وين ببغداد بلكي اكدر اشوفج

الله يسلمج اني بيت زوجي بصليخ واحتمال نروح لغير مكان بعد منعرف لان احنة منبقة هواية

همممممم
بيت اهلي هناك بس اني بالقادسية تنورين بغداد