السلام عليكم

اليوم اكتبلكم وصفة طيبة وسهلة

نوع من الحلويات

تراب الملوك

المقادير

1_بسكت سادة الكيس التركي عدد واحد

2_ كريم شانتي النكهة حسب الرغبة

3_علبة حليب نستلة نص علبة

4_علبة قشطة لونا او اي نوعية اخرى

5_حليب نص كوب

طريقة العمل:

اول شي نحط الكريم شانتي بوعاء ونضيف عليه الحليب نستلة والحليب السائل والقشطة ونخلطها زييييييييييييييين

بعدها نخليها بالثلاجة لمدة نص ساعة

بعدها نجيب وعاء عميق ونخلي به كيس تغليف الاطعمة نغلف به الوعاء كله ونثبته على القاع والجوانب حتى نوصل للخارج

بعدها نحضر وعاء به حليب ونحضر البسكت ونقوم بغمس البسكت بالحليب ونحطة بالوعاء اللي مغلف بالكيس ونرصة على الوجه حتى من نقلبة يصير الوجه للاعلى فهمتو عليه؟؟؟؟؟ ونسويه طبقة كاملة من البسكت وبعدها نجيب الكريمه ونحطها على البسكت كمية قليلة وبعدها نعيد طريقة رص البسكت والكريمة الى ان تخلص كمية البسكت

نجيب صحن تقديم يكون اكبر من الوعاء ونقلب المحتى بيه كانه دولمة وبعدها نرفع الكيس ونغلف البسكت الخارجي بالكريمة الباقية تماما وبعدها تزينيها بمزينات الكيك او تطحنين شوية بسكت وتزيينين به وتخليها بالثلاجة بعد نص ساعة تقدرين تقدميها

والف عافية

واي استفسار اني حاضرة

عاشت الايادي عمري
ومبينه طيبه وان شاء الله اجربها بس اسمها غريب
يعني هاي شنو تضامنا ويا تراب العراق ههههههههههه

ههههههههههههههههههههه هذي اصلها تركي

ومن تاكليها راح تعرفين ليش اسمها تراب الملوك