السلم عليكم بنات

صارت عندي حالة واتمنى تفيدوني.....بعد ما الدكتورة كالت يصير تحبلين الشهر الفات اجتني الدورة خفيفة بموعدها بالضبط ولمدة يومين وراح رحت للدكتورة لان جنت خايفة من التكيس اللي دمرني او صاير كيس او شي ثاني المهم ...اخذتلي سونر كالت كلشي ماكو رحمج نظيييييف كلشي ماكو لا تكيس ولاكيس وكالت اذا حمل مراح يبين هسة واطتني فيتامينات وكالت انتظري لموعد الدورة الجديدة وشوفي اذا جتج لولا واذابمووعدها ماكو تعالي لا تتاخرين؟؟؟؟؟ المهم اني من وكتها واحس بالام مثل الدورة ومرة على اليمين ومرة على اليسار وثقل والم بالظهر ودوخة واتعب بسرعة يعني تقريبا اعراض الحمل بالاضافة الاحساس الداخلي بالحمل والم اثناء الجماع مع العلم ماعندي التهابات الحمد لله وبوكتها سويت تحليل رابع يوم الدورة الhcgطلع 15 وابو الختبر كال سالب طبي الطبيعي مو 0.5 شو هو يكول لا 20 وبعد 5 ايام على موعد الدورة الجديدة ومازالت الالام والتعب مستمرة وخايفة اسوي اي تحليل وما اعرف شلون تعدي ال5 ايام بسرعة واشوف النتيجة ممكن تكولون شسوي بهذي الحالة الله يوفق اللي تجاوبني؟؟؟؟

حبي ام حواء اني ببغداد بالقادسية واني الدورة الي نزلت طبيعية هي يوم 20/8والدم الخفيف نزل بوعده يوم 16/9ولحد الان ماكو بس الالام وغثيان خفيييييييف وموعد الدورة الجديدة المفروض يوم الخميس 11 وخايفة اسوي اي شي لا انصدم والله مااريد اخلي ببالي يعني ابسط شي البارحة كانت عدنا حفلة شوية رقصت ردت اوكع من الدوخة والنبض العلي للقلب والله الله خايفة

الله كريم والله خايفة انتظر واشوف زين قريت موضوع انتي كاتبته انو الكلوركس يكشف الحمل عن طريق الادرار شلون بالضبط؟؟؟؟؟؟

انشاء الله الباجر الصبح من اكعد من النوم اسويها يعني انتظري مني الجواب من الصبح ههههههههههههههههههههه الله كريم

ام حواء انتي وين ساكنة شو شكات مو بالعراق؟؟؟؟؟؟

حبي ميوسة ان شاء الله حامل
والله اعرف بنية تشتغل ويانة بطفلها الثاني هم اجتها بس يومين وبعدين انقطعت وطلعت حامل واجاها ولد يجنن

حبيبتي اكو اختبار موجود بالصيدليات ببغداد اسمة كوك تيست Quick test هذا يبين الحمل من اول يوم فقدان الدورة وسعرة جدا بسيط 3000 دينار
جربي وانتي مخسرانة شي , اذا اكو حمل ان شاء الله حتى تاخذين الحبوب المثبتة واذا ماكو حمل لا سامح الله حتى متضلين تنتظرين ومتأملة

ويارب تكونين حامل

اي حبي اني بالنرويج
اكولج سوي مثل مكلتلج ايلاف اشتري كويك تيست

الله كريم اني الباجر باذن الله اسوي بالكلوركس اول شي واشوف وبعدها انتظر موعد الدورة الخميس واذا ماكو شي اروح اشتري بس اني دا ادور على كلييير بلو شو ماكو عدنا ليييييييش ايلاف؟؟؟؟؟؟؟؟هذا جدا مضبوط لان بذاك الحمل زوجي جابلياه بس هسة ماكو؟؟؟؟؟؟

هههههههههههههههه يمعودة هنا بالعراق كلشي ماكو بشلعان القلب تحصلين الحاجة اني بوكتها زوجي جاب واحد يخررررررررررررب ضحك سعرة 500 دينار استعملة ولاااااااااا خط وهو شافة رخيص جابلي 5 اول واحد راح الثاني المكان المفروض يتلون شو وقع بس مجرد اتبلل

الثالث طلع خطين والبقية ضحك وثاني يوم جابلي من امنة الشيخلي كلييييييير بلو وطلع خطين بس اني بوكتها جانت متاخرة الدورة 22 يوم يلة حللت لان جنت خايفة احلل ولو اني عمرها ما تاخرت هيج اقصى حد5 بس جنت خايفة وهسة دا اعيش نف الاحساس والله كريم

والله عندج صبر ميوسة

اني اسألي ام حواء علية
كل شهر قبل 6 او 7 ايام من موعد الدورة اروح احلل دم وكل يوم طبعا احلل منزلي

وقبل شهرين حللت مرتين دم قبل موعد الدورة وماكو

وبحملي الاول حللت قبل خمس ايام من الدورة وطلع اكو حمل ومصدكت رحت حللت مرة ثانية وطبعا كان عندي تحليل كلير بلو بين عندي قبل يومين من الدورة مع انه جنت محللة دم ومبين عندي الحمل

ههههههههههه
يلا حبي كولة يهون اهم شي يصير اطفال بدينا

اي والله
ان شاء الله تجي ميوسه وتبشرنا هيه كالت راح تحليل اليوم العصر
مفروض هسه محلله
عندي احساس هيه حامل
وحتى نسبه تحليل الدم عدها يعني حمل

ان شاء الله حامل

حبي اني صارعند اشباع من السالب

اني سنتين ونص عايشة بالسالب ومن صار الحمل كلت بوكتها هذا الشهر ما احلل ولا اسوي شي وسبحان الله صار

وهسة هذا اول شهر نويت للحمل علمود العملية يعني ليش اتعب اعصابي من هسة بس الاحساس الداخلي يخليني اتخبل وخصوصا صارت وياية شغلة للاسف اصحاب النفوس الضعيفة وقليلة الايمان اللي همة صديقاتي الانتيم كلهم تركوني يخافون على اطفالهم مني لو وحدة خابرتها حتى اباركلها على الحمل تكولي بعد لا تتصلين بعد لان زوجي يخاف من العين وتعالي عيشي وية هيج نفوس

ايييي احسن لا تحجين لان الناس همة اللي يجبروج تصرفين وياهم هيج والله يتمم حملج بخير وسلامة وتقرين عينج بشوفته فد بالخامس اوالسادس يلة تحجين احسن

اييييييي عفية يعني اني من مرات ناس تشوفني وتكلي موجنتي حامل شجبتي ببدي اضرب روحي رصاصة ولا اكولها ومرات نظرت الشماتة تقهر اكثر صح لسانج

ام حواء

((سدن)) اسمها حبيبتي

حبي ميوسة لتهتمين ان شاء الله شهرالجاي انتي حامل
اهم شي انتي وزوجج بصحة وعافية

الحمد لله انشاء الله اني وياج