تسلمين عمري ماقصرتي اني احس الحمل صار كلش بعيد عني الكل يسئلني ها ما حبلتي عبالك صار سنين متزوجه الله كريم تسلمين علرد والله يريح كلبج

لالالا لتفكرين هيجي تره بعدج عروسه
واذا تفكرين هوايه متحبلين

حبيبتي اميرة هلا بيج ونورتي المنتدى وان شاء الله تشوفين الخير عالمنتدى وتحملين يارب باقرب وقت ودائما حاولي تحجين وتفظفظين لا تخلين بكلبج خصوصا هنا بالمنتدى اذا عندج سؤال او استفسار اسالي اني هم هيج جنت مثلج بس بوحدي وافكار تودي وتجيب بس هسه شوية بالمنتدى هانت عليه وحدتي وبعدين خبرات البنات وتجاربهم مو قليلة والا وحدة تستفاد من اللخ بكل الامور حتى بامور الطبخ شفتي تعلمنا شغلات جديدة يعني الانسان من يبقى بوحدة يبقى بمكانا ومايتعلم شي من هالدنيا الصعبة واني بصراحة استفاديت من البنات كلش ومن خبرتهم يعني ابسط شي اني هذا الشهر طلع عندي كيس وارتفاع هرمون الحليب وجنت راح ابلش اخذ اعشاب علمود هرمون الحليب بس البنات نصحوني انه الاعشاب تكبر الكيس وفعلا الله ستر جان هسه اني دااضر روحي ومااعرف يعني شفتي شكد الاستشارة تفيد وان شاء الله تشوفين كل خير هنا يارب واما بخصوص موضوعج فاني شفت انه انتي انسانة كلللللللللللش حساسة زايد عن اللزوم صحيح والله الحياء حلو ومطلوب بس هم مرات واحد مو يستحي على حساب صحته وبعدين هذا صار رجلج يعني هو مسؤول منج امام الله ثم نفسه والمجتمع وكدام الدنيا كلها وهاي كل النسوان هشكل وماكو داعي تتحرجين من تحجيلا وبعدين الرجال ترى يعجبا المرة تكون بحاجته ويحس برجولته من يصرف عليها واكو كومة رياجيل مايحبون المرة اللي هي تصرف على روحها وماتطلب منه شي او ماتشاركه بهمومها وتفكيرها وترى بعدين من تظلين هيج هو راح يطفر وهسه انتو عرسان فحبيبتي ارجووووووووج اتونسي بحياتج واتركي كلام الناس والخجل وهاي الامور والله راح تتندمين صدكيني عيشو ايامكم الحلوة بعدكم عرسان والله وترى اذا تريدن تحبلين هم لازم تتعالجين من الالتهابات لان هم مرات تاثر حتى لو التهاب مجاري وترى القهر والحالة النفسية يزيدون الالتهابات فديري بالج على صحتج ترى هي اهم من كلشي مو من هسه تسكربين وتتمرضين بعدج عروسة نصيحتي اتونسي بحياتج واتمنى مااكون ازعتج بكلامي بس والله لان انقهرت عليج انتي عروسة وحسيتج مامرتاحة بحياتج اتمنالج كل الخير يارب والسعادة بحياتج وسمعينا اخبارج الحلوة يارب عن قريب

تسلمين عمري نور الهدى ماقصرتي وهو فعلا حسيت نفسج اسكربت مدا اطيب وبس تعبانه وبس افكر انه لو باقيه يم اهلي احسن مدا اكدر اتحمل مسؤوليه واحس كلشي عليه حتى الطبخ لازم افكر شسوي ابقى حايرة وبكلشي بلبيت اني مسؤوله منه فدا اضوج بس هاي واجبات الزوجه ولازم اتعود عليها اني جنت يم اهلي اشتغل وهلسوالف كلها امي المسؤوله عنها ما احس بيها هسة فجاء صار كلشي عليه والغلطه بكفره الله كريم اتعود واتحمل تسلمين دوختج

حبيبتي اميرة بالعكس لا دوختيني ولا شي اني بس انقهرت عليج لان مامرتاحة وهاي الايام المفروض تكون احلى ايام وما تتكرر فحرامات الوحدة تقظيها بالهم واني داحس بيج هي فعلا الزواج مسؤلية جبيرة وخصوصا وحدة من تكعد وحدها اني بالرغم جنت بيت اهلي هواي امور الطبخ والبيت علي بس هم حسيت بمسؤولية جبيرة بس والله شوية شوية راح تتعودين ويصير الج حياتج الخاصة وترى اذا يكون احد وياج راح يمشيج على طريقته واسلوب حياته فالافظل انه انتي تجعلين الج اسلوبج الخاص وان شاء الله باجر من يصير عندج جهال تربيهم على ايدج وعلى طريقتج وراح تحسين بنعمة انه انتي وحدج اكو ناس زوجو جهالهم وبعده كاعدين بيت اهلهم ولا حسو بالخصوصة ولا عرفو يربون اولادهم بالطريقة اللي همه يردوها واني مال اكلج مو صعبة لا والله صعبة بس شوية شوية تتاقلمين ترى كل حياة بيها السلبي والايجابي وشنسوي وين من نكون لازم ننظر للايجابي بالموضوع ونحاول نتغلب عالسلبي

ها حبيبتي صدوك نسيت اكلج شعندج اسئلة سالي اي شي تحتاجين احنا حاظرين وان شاء الله البنات مايقصرون اكيد عندج اسئلة بشغل البيت بالطبخ بتنظيم الوقت وان شاء الله الكل يفيدوج واحنا هنا حتى وحدة تساعد اللخ

تسلمين عمري ما قصرتي

حياتي شلون صرتي اليوم ؟؟؟

الله يسلمج .. طمنينا عنج اليوم شلون صحتي وماراح تروحين للدكتورة حتى تكملين العلاج؟ الله يشافيج يارب