حبي مدام دتاخينا سبرين لاتخافين من التجلط
اني هم بذاك حملي وبهذا تخدر ايدي بس من انام المهم قريت بالنت كال احتمال يكون عندج نقص b6فيتامين لاسامح الله سكر حللت سكر وماكو شي  اللة يريح قلبج لاتخافين

تسلمين حياتي عالجواب والله اخاف اكول لا سامح الله تتكرر الحاله
واني مدا اخذ بيبي اسبرين
دا اخذ دوا اسمه ALBYL 75 ملغ
الدكتوره تكول نفس شغل البيبي اسبرين مخفف للدم ويوميه حبايه

اكولج لوله انتي ذاك حملج شجب من شافوا الطفل مدا يكبر منطوج بيبي اسبرين ولحكوا عالحاله ؟؟

لاحبي لاتخافين مدام دتاخذين بديلة فانشالة متكرر الحالة 
والله ياحبيبتي انتي لوتدرين شون اطباء صيتهم واصل هنا جنت اراجعهم ويكولولي صغير ومديكبر وماي الراس قليل وكلشي مينطوني غير الالدوميت مال ضغط محد نطاني اسبرين وتعرفين اني اول حملي وماعرف شي واخاف اخذ شي بكيفي وكالت اني ادرة لو همة بس ورة مصار الحادث عرفو يتبرون مني ويكولولي روحي لمدينة الطب يسوولج جارة او دلوني على طيببة قريبة علينا هم تداوم بالمدينة شسوي من خرعتي رحتلها فهية تخبلت كالت غير ينطوج اسبرين  كالت من تجيني مريضة وهيج حالتها واشوف ضغطها مرتفع ومدينزل كبل نسويلها ولادة لذلك ياحبيبتي جلبت بهالطبيبة ودتنطيني اسبرين وابر تحت الجلد اسمها كليكسان هم مميعة اضربها كل يومين والثالث بالاضافة الى الالدومين ومن فتت السابع كامت تنطيني كل اسبوع ابرة مكملة لئة الطفل اسمها ديكادرون كالت حتى اذا يصير شي طارئ ونتوازى على ولادة يكون الطفل تنفسة زين فاني مجلبة بيها وبلكي اشوف الضنى على ايدها

مكملة لرئة الطفل

فيعني اشوفها حريصة علية وعالنونو حاسة بية وهمها سلامتنا فظالة عليها ان شاء الله

ها وطبعا دزتني دوبلر ببداية السادس وعندي واحد لاخ بنص الثامن حتى تشوف نمو الطفل والدم الواصل للمشيمة بينما ذولاك ابد طرك السونار كل شهر 

حبيبتي الحمد لله الله دزلج هالطبيبه
اني هم رادوا ينطوني ابر علساس يوميه ابره واسبرين
بس شو بعدين اتناقشوا دكتورين بينهم واتوصلوا اخد بس اسبرين

وهوه مثل متكولين اخليها يم الله مدام دا اخذ مخفف دم البيل

حبيبتي ان شاء الله تولدين بخير وسلامه وانتي والنونو بصحه وعافيه يا ربي
وهمزين انطوج ابره الرئه علمود اذا سامح الله ولاده طارئيه ميصير شي على نفس النونو

اي الحمد لله حبي لاتخافين هية الابرة هم مميعة مثل الاسبرين اي واحد بيهم كافي حتى هية راح تقللي القوة مالتها من افوت بالثامن  لان الاسبرين وحدة كافي بس اني راح توقفة بنص الثامن حتى لايصير نزيق وقت الولادة لاسامح الله الة يكومنا بالسلامة ياحبي ونشوف نونواتنا بحضننا امين

يعني توكف الاسبرين بنص الثامن حتى لايصير نزف

شكرا حبي عالمعلومه رغم هيه مكلتلي شي يجوز بعد وكت تنطيني التفاصيل

ادللي حبي اني ذيج الزيارة يلة كالتلي هم مجنت اعرف واكو بالنت دورت ببداية الثامن يكطعوه بس اني لا كالت بنص الثامن نوقفة