تحليل الحمل المنزلي

هلو بنات شلونكم؟؟؟

بنات يوم 11 من الدورة اخذت ابرة تفجيرية قوة 6500
واليوم 18 من الدورة سوت تحليل منزلي ( اعرف ميصير لان بعدة الهرمون بالدم) بس عجبني اسوي
المهم اول مسويتة طلعلي خطين كولش واضحات

شتكولون شوكت اعيدة ولو اني متأأكدة مو حمل لان حتى لو البويضة متلقحة بعدها ممغروسة بالرحم

الله يكتبلنا الحمل هذا الشهر ياربي

حبي خلي نحسب حساب عرب
يوم 11 اخذتي الابره اتفجرت البيضه وبدت تنزل لقناه فالوب وعاده تستمر بين 2-3 يوم وعند بعض النساء 4 يوم حاله نادره
ازين هاي شكد صار يعني 13 بالشهر نزلت للرحم ولنفرض متلقحه تحتاج 24-48 ساعه تغرس نفسها بالرحم
يعني تقريبا يومين

صار يوم 15
ومن تنغرس تبدي تفرز هرمون الحمل ومستحيل يبين ب 3 ايام حتى لو بالدم

اني شرحتلج علميا وماكو شي عد الله بعيد
وعندج حلين

الحل الاول تسوين تحليل دم بدون متكولين انتي ماخذه ابره تفجيريه وراح تطلع اكو نسبه
وتعيدينه ورا يوميه بس تضاعف ولو قليل حمل باذن الله

الحل الثاني هم ورا يومين لو تلاثه تعيدين التحليل المنزلي وتشوفين الخط بعده طوخ لو ديفتح !!

الحل الثالث كوليلنه شنو اعراض عندج
ولو انتي حاليا اكو هرمون حمل بجسمج بسبب الابره التفجيريه

ايلاف والله العظيم اتمنى من كل كلبي اسمع بخير حملج
انتي وشوشو وميوسه
ويا ربي ميخيب ضنج وتطلعين حامل بحق هوه الرزاق الواحد الاحد

تسلمين حبيبتي على مشاعرج الصادقة ودعوتج الحلوى

بس شوفي حبي احب اصححلج شي

لنفرض انه البويضة نزلت يوم 13 وتلقحت

راح تبقة من 3-5 ايام بقناة فالوب وبعدها راح تنزل للرحم وراح يستغرق نزولها 72 ساعة يعني تلث ايام
يعني بعد تلقيح البويضة بست ايام على الاقل يالة تنغرس البويضة بالرحم يعني اذا بويضتي متلقحة( ان شاءالله) احتمال اليوم او باجر تنغرس.

يارب كولنا نصير حوامل هذا الشهر يارب ويثبتلج حملج حبيبتي

راح انتظر يومين واعيد التحليل المنزلي ولو اني متأكدة حتى لو حامل ميبين

حامل او مو حامل الحمدلله والشكر له

حبيبتي ان شاء الله حمل يا ربي
بس اني متاكده البيضه تبقى 24-48 ساعه بقناه فالوب ومو اكثر
5 ايام كولش هوايه
لان هيه ايام التبويض اصلا يومين تكون البيضه جاهزه
لهذا يكولون حصروها بالحيوانات المنويه يومين قبل التبويض ويومين بعد التبويض
والله اعلم

حبي ام حواء انتي مفهمتي علية شوفي

بعد البويضة متنزل من المبيض راح تبقى بس 24 ساعة صالحة للتلقيح وبعد متتلقح متنزل رأسا للرحم راح تبقى فترة من 3-5 ايام وبعدها تنزل للرحم بخلال 72 ساعة
اني هيج قارية بأكثر من منتدى

الله اعلم
المهم يا حبي انت ياعرف تقرين اكثر مني وهم راح ابحث بهذا الموضوع
وادعيلج يا ربي بغض النظر عن الوقت ان شاء الله حامل

تسلمين حبي

حبي والله راح ادعيلج لحد ماتبشرينا ترى اذا رب العالمين راد شي يصير يعني يصير فخلي املج بالله كبير

بشرينا حبي ايلاف شسوووووووووويتي

هلوووووووووووووووو ايلاف
شنوووووو الاخبار يلة فرحينا

هلو بنات شلونكم؟

اليوم 9 من الابرة والتفجيرية و 7 او 8 من الاباضة ولحد الان اعراض الابرة مدمرتني والخميس احلل ان شاء الله ادعولي بنات الله يخليكم

الله يفرح كلبج حبي الله كريم والله ماناسيتج
كلكم ادعيلكم يارب نريد هذا الشهر نشوف كلمة
حاااااامل
مالية المنتدى يارب

تسلمين حبي ان شاء الله ياربي

ان شاء الله يا عمري حامل باذن الله

ان شاء الله تبشرينه بالحمل يارب واني وياج يااارب اني هم انتظر فد كم يوم واحلل منزللي

يااااااارب نفرح بيكم ياخواتي انشاء الله الله يجبر بخاطركم

» تحليل الحمل الموجب
» التحقق المنزلي من الحمل غير دقيق
» كل ما بخص تحليل الحمل ...مهم
» تحليل الحمل
» تحليل الحمل بالدم

تحليل الحمل المنزلي

تحليل الحمل المنزلي

مواضيع مماثلة

مواضيع مماثلة