السلام عيكم
يوم السبت صارت قصة حقيقة في احدى المنتديات
امراة متزوجة من 12 سنة والله ما اراد انه يصير حمل وبعد رحلة علاج استمرت عشر سنوات
لان الزوج عنده ضعف مع نسبة تشوهات قوية والزوجة ضعف بالتبويض جدا قوي ....ماحصل حمل
فقرروا انه يتركون العلاج.... والزوجه عرضت على اهل زوجها وزوجها انه يتزوج امراة اخرى لان ماحصل شي
الزوج رفض وقال هذه ارادة رب العالمين واني قابل على قسمتي والزوجة نفس الكلام واختاروا العيش على حب الله وينسون موضوع الاطفال.....
ولكن ارادة الله شائت بعد الصبر وقوة القناعة اللي يمتلكوها الزوجين...
سنتين بدون علاج ولا منشطات ولا اي شيء والله
الزوجة حست باعراض حمل لكن تكذب روحها
وذهبت للمستشفى واذا الخبر
مبروووووك حامل
انتوو اتوقعو حالتها هي وزوجها والحمد لله هي هسة بالشهر الثالث
الله يمملها على خير
ولكل منتظرة يارب.....يابنات كل وحدة تنتظر الحمل لاتفكرون بالموضوع انسوه بس بالدعاء اذكروه
ومارسوا حياتكم طبيعية هسة تشوفون الراحة النفسية اللي راح تحسوها
والله اني من حبلت كنت بوكتها كلت ماافكر بعد بالحمل ولا بالدورة واعيش كانه جديد متزوجة لان ضليت سنتين ونص مراجعات وعلاجات وتعب ولكن من رميت حمولي على الله وشلت الفكرة من بالي والله والله شهر واحد واحملت وهسة من خليت الفكرة براسي صارت عندي خربطة وبس شلتها ونسيتها وعشت حياتي طبيعي وكانه ماكو شي رجعت وضعيتي لطبيعتها والحمد لله
من اتكل على الله ماخاب.....

لنتي العايشة عيني انت

والنعم برب العالمين بس والله حبي مااكدر انسى هذا الموضوع

ايلاف حبي دائما كل ماتذكرين الموضوع كولي الحمد لله سبع مرات هو ربج راح ينسيج والله جربي وشوفي.....
ام حواء رجعت الحلوة يجوز جانت نايمة شوية يلة الحمد لله على كل حال

اي حبيبتي راح اسوي هيج وان شاء الله ربي يرزقنا اني وانتي وشوشو ياارب

صحيح والله بنات اني جنت افكر هواية ومرات حتة مااكوم اصلي والحمدلله صار شهر رجعت لوعيي الحمدلله صحيح افكر بهالموضوع بس الهي نفسي بغير شي بالصلاة بالدعاء بالطلعة وخليتهة على رب العباد

اي والله شوشو لان النفسية حيل اتاثر هو صح ماينسي الموضوع بس لهي روحج بغير شي واكثري من الحمد لله وشوفي الراحة اللي تحسين بيها