السلام عليكم بنات
اليوم كعدت الصبح والم جدا قوي بظهري
مثل الدوره واقوى
وكولش خايفه لان اذا امشي يوجعني واذا اكعد يوجعني
واذا اتمدد هم يوجعني
وبالضبط مثل وجع الدوره
طمنوني بنات
والالم بس بظهري .. اسف ظهري وقوي جدا ويقوي ويخف

حبيبتي ان شاء الله ماكو شي عادي بالحمل وجع الظهر حاولي تنامين على ظهرج وترتاحين

مشكوره حبي

هلوووو ام حواء
اكيد متعبة نفسج ذيج الايام ارتاحي بالفراش فد يومين لان هذا اكيد من الجهد او الوكفة الزايدة
وانشاء الله خير

مثل مكالو البنات وكلما يتقدم الحمل يزيد الوجع ديري بالج لى نفسج حب لاتوكفين هواية ولاتشيلين ثكيل وتمددي هواية واخذي فاليوم ابو 2 ملغم حبة يومية هم ينزل الضغط وهم يريح الالم

الله يقومكم بالسلامة انشاء الله
ياام حواء ولولة

شكرا قلبي ميوسة ويفرح  قلبج بالحمل السريع والسهل ان شاء الله

الله يحفظج ويخليج يارب ساعة السهلة عليج
بس اريد اسالج سواء ممكن؟؟؟

سؤال:انتي يا دكتورة تراجعين ووين عيادتها؟؟؟؟

قلبي ميوسة اني  لعبو بية الاطباء طوبة قبل جنت اراجع عد ليث توما ووراها  ميسون فاضل بس ذولة سكط ابد لاتروحيلهم محد موت ابني غيرهم ومن مات الطفل ميسون دزتني على طبيبة ب 14 رمضان اسمها ريا خالد صالح العسلي وردة مال الله وهية الي جيبتني الطفل الميت ومن يومها اني مجلبة بيها وبما انو انتي حالتج مثلي هم ضغط يصير عندج انصحج تراجعيها لان دواها مضبوط وسبعة وطبعا هية تداوم بمدينة الطب وباي وقت اكدر اخابرها ومرة جانت بالعملية وجاوبت وابد مومادية ردت اكولج عليها من الاول بس كلت خاف تدخل مني طبعا من جيبتني ظلت وياية لل 12 بالليل بالهلال الاحمر فد شي وردة  انصحج روحيلها والله الحمد لله حملي مشى على خير بايدها بلكي انتي هم تحبلين عدها وطبعا من صار الاسقاط مقبلت تنطيني اي شي كالت كلشي مبيج مومثل باقي الطبيبات يلعبون بخقلة الوحدة كالتلي هسة على غفلة تجيني حامل وبس انتطتني اسبرين وفولك اسد وفعلا وراها صرت حامل روحيلها ميوسة متخسرين عيادتها صايرة فوق تجهيزات الكرم الي ب14 رمضان وانتي بيتكم كلتي بالقادسية يعني قريب وطبعا طبيبة السونار الي بصفها هم كلش زينة وتفتهم اسمها نادية سعدون بحيث متخلي شي بالسونار متشوفلياه خاصة بعد مسمعت  بابني  فروحيلهم ويارب تشوفين العافية والحمل السريع على ايدهم

طبعا وهية مومثل باقي الطبيبات تسوين  كارت وكلما تروحين تطلعة وتشوف الحالة لا هاي ببالها كل المريضات ووحدة وحدة تذكر قصتها يعني كلش مخلصة بشغلتهاولاتدخل كومة وحدة وحدة وتحسب لكل شي واذا تسمع بيج عندج طفل رايح عالنهاية كلش تهتم يعني اني من شافت هم صار عندي ضغط كالت هالمرة منضحي بالطفل وجان عساس تجيبني بالسابع بس من شافت الامور زينة ودزتني دوبلر وشافت الطفل نموة زين ودم واصل زين للمشيمة كالت منسوي شي الا اذا تطلب الامور وعندي دوبلر لاخ بنص الثامن هم حتى تجيك وضع الطفل وتقرر على ضوئة موعد الولادة وطبعا هية تسوي عمليات خميس وجمعة بحياة الراهبات  فكتلج يعني اشوفها كلش حريصة وطبعا كلما اروحلها تضربلي امثال على ناس مثل حالتي وصار عدهم يعني تحسين نفسج رايحة لطبيبة نسائية ونفسية تداري حالتج من كل النواحي كل الايام موجودة ماعدا الخميس والجمعة والسبت ازدحام عدها اذا كدرتي روحيلها باجر اني الاحد رحتلها  

حبي ام حواء اني ليث توما سنه كاملة جنت ويله لحد ما صارعندي تكيس اكله ليش صار يكول شمدريني يعني هذا طيح حضي
وميسون هم رحتلها وكلشي ما استفاديت بس انشاء الله الشهر الجاي اروحلها لان صارت عندي حالة اني مو كلتلكم على الدورة الشهر اللي راح والخربطة مالتها اطتني دوة خلال شهر زددت 4 كيلوات وكلش بطني منتفخة والام مو طبيعية والكل يكولون شبيج شو منتفخة وسالت على الدوة طلع مقوي مال خصوبة كللللش قوي يعني اللي ما تصير عدها اباضة اصلا واني اباضتي بعد الولادة كلش زينة فانشاء الله اروحلها اني هم كالولي على زكية بالمنصور هم كلش زينة بس لان انتي مثل حالتي ومجربتها انشاء الله اروحلها

اسفة لولة صايرة امسلت بالكلام واخربط بالاسماء ماادري شبية اسفة مرة ثانية لولة

زين لولة حبي والله تعبتج وياية
يعني اذا ادخل من ساحة قحطان على اربع شوارع وين صاير بالضبط ممكن تجاوبيني؟؟؟؟

عادي حبي ولايهمج  ماعرف زكية بس ريا مظبوطة ووردة وعن تجربة وكولتج نفس الحالة وماشاء الله اشو ايدها بركة علية من تطلعين من ساحة قحطان على الاربع الشوارع طلعي منها جنج رايحة على سيد الحليب وامشي كبل ب 14 رمضان الى ان توصلين مطعم كباب الانبار وصيدليه نهلة هدو هية كبالهم بالضبط يعني عالجهة اللخ وعيادتها كلش قريبة من زنود الست الحمداني وماكولات ابو مصطفى ومختبر 14 رمضان هية بنفس هاي العمارة واذا مندليتي هم كولي احاول ادليج اكثر وتدللين

ولاتخافين هاي ابد متلعب بخلقة المريضة والله  متنطي غير الشي الي انتي تحتاجيه وتبدي خطوة خطوة وياج وكلش ذكية  ومتنطي الدوة اذا متكون متاكدة انتي محتاجته موهيج عليك يالله لو تسوي تجارب يعني شكد افترينا طبيبات ملكيت احد واخلص منها بمهنتها حتى زوجي وامه يكولولي بالج تعوفيها واهلي هم من شافو وكفتها وياية بيوم الولادة رغم ماجنت مريضتها بس هاي ميسون دزتنني عليها ورة مصار الصار هم كالولي هاي ممتازة جلبي بيها وفعلا جلبت بيها واروحلها قبل لااحبل وتكولي كلشي مبيج حرام العب ببيج بس كتلج انطتني الفولك اسد والاسبرين واخر شي صار عندي التهاب انطتني تحاميل  راسا طبت عليها مطولت اتوقع انتي هم هسة تنطيج الفولك والاسبرين لان نفس الحالة وتشوف اذا تحتاجين شي بعد تصوري حتى من تدزني على تحليل تعرف النتيجة قبل لاتشوف التحليل وعرفي بعد شكد تفتهم 

الله كريم تسلمين حياتي على هذا الشرح اني هسة اندليتها وانشاء الله اروحلها والله اني الدكتورة والمخدر بيوم العملية بس طلعت وفكني البنج اجوي علية تكولي انطي للمخدر بعد مية الف لان تعب وياج بحيث صارت العملية مليون و200 علي هي هم زينة بس اللي ضوجني منها العلاج اللي تطيه اول شي اذاني وثاني شي اصوري العلبة مال الدوة اشتريها بمية وخمسين الف ولازم كل شهر اعيدها حسب ما كالتلي بس بعد اللي صار بيه هسة تركتها يعني ما جددت العلاج
ونشاء الله خير على ايد هذي الدكتورة.....

انتي مدام عندج اباضة زينة وحجم البيضة زين متحتاجين  مقوي خصوبة على شنو وخطية هاي عود طفلة ميتة وصارت عليج مليون و200   روحي جربيها بلكي ترتاحيلها هية بس اكو شغلة وحدة مزعجة بيها تطفر بالموضيع والاسئلة تحسيها شوية خبصة بس هية وردة وقلبها كلش طيب  اني تحملت هالشي لان ملكيت احسن منها وابد مومادية تدرين سوتلي الولادة والتنظيف جان اجورها بس 300 بالهلال الاحمر واجرة المستشفى 200 وطبعا اذا ااروحلها مرتين خلال 10 ايام ترجع الكشفية متاخذها وعندي موعد دوبلر 8\11 اسوي يم دكتورة وردة لاسو واودي النتيجة لدكتورة ريا بحياة الراهبات لان هية خميس وجمعة عدها عمليات بحياة الراهبات  طبعا هاي روحتي الها موبالعيادة متاخذ اي كشفية عليها بيحث المرة الفاتت كتلها شكد تامرين كالت امشي روحي اكلي موطة انتي وزوجج ورجعي اني فرحتي  الكى طفلج بحضنج 

والله الله ينطيها العافية على هيج دكتورة اني دكتورتي اسمها انوار البصام بالعطيفية ودخل 5 بالغرفة ع السريع تحجي وياج وتطلعين والله انشاء الله اروحلها

يعني هي بنفس العمارة اللي بيها المختبر 14 رمضان
هذا المختبر سويت بي التحليل وطلعت حامل شلون ما اعرفه الله كريم

اي حبي بنفس عمارة مختبر 14 رمضان وبنفس الطابق عايدتها كبال المختبر بالظبط  

سامعة بانوار البصام اخت زوجي جانت تراجعها وهم عافتها  اني بارحة رحت لدكتورة ريا لان اخذت سونار وصاير عندي تكلس بالمشيمة شو اخذت الامور ببساطة كالت ماكو شي  ومثل مكتلج عندي دوبلر 8-11 كالت خاليني احجي وية دكتورة وردة من يوصل سراج اكولها مصير الطفل الي ببطن المريضة يعتمد على كلامج ادعيلي ميوسة خايفة تنعاد التجربة الاولى

حبيييي اسم الله عليج انشاء الله ماكو شي وتفرحين ما بقى شي للخميس الجاي الله كريم والله حاسة بيج وبااعصابج شصاير بيها بس اتوكلي على الله واهل بيته وانشاء الله خير يارب بس طمنينا لاتكطعين وتخلين بالنا

تسلمين قلبي ميوسة الله لايشوفج مكروه اني متحملت بس ابجي وقلقة فبارحة خابرتها لدكتورة ريا كتلها ماتحمل للخميس الجاي كالتلي لعد روحي اليوم رحت لدكتورة وردة لاسو ام الدوبلر كالت اكو تكلس درجة ثالثة بس جيكت النبض وماي الراس طبيعي تكول بعد مومهم التكلس رحت لريا شو مقبلت تسوي ولادة تكول لازال الدوبلر مال طفل زين لانستعجل بس كلش خايفة ميوسة كلبي ديطكطك كلت بنص الاسبوع اروح اسوي سونار واسبوع الجاي ارجع اعيد الدوبلر وهم اروحلها بلكي اقنعها تولدني .انتي وينج شو ماكو مختفية خوما كو شي حبيبتي؟

انشاء الله خير حبي بس انتي مو تكولين دكتورة ريا زينة خلي ايمانج بالله وتوكلي عليه وعلى الدكتورة لان من خلال حجيج مو من هذولة ادكاترة اللي تفكيرهم بس بالمادة وانشاء الله خير واني صارت عندي مشكلة عائلية ورحت دا احلها وكعت بيها ورحت يم اختي كم يوم والبارحة الصبح اجه عليه زوجي كال بعد ماتروحين لبيت اهلج انتي موناقصة مشاكل والحمد لله

اي حبي ريا زينة حمشي ورة كلامها والله كريم داراقب حركة الطفل اشوف اذا قلت لاسامح الله عن الطبيعي اروح اجيك مرة لاخ اي هية المشكلة ماكو احسن منها شخص حالتي وتعاطف وياية كاعدة واندي واقرة قران بلكي الله يعديها على خير  حبيبتي ان شاء الله ماكو مشاكل  والله حبي نصيحة مني ماكو مثل بيت زوجج يلمج اني ابد ماطلع منه وحتى اذا اروح لاهلي الا وياه اشوفهم وارجع ومدام زوجج يحبج والله يحفظة الج خليه هوة كلشي بحياتج  وبعدي نفسج عن المشاكل انتي موناقصة اللي بيج مكفيج وربي يفرجها عليج ترة متضيك الا وتفرج حبي

هلللللووووو حبي لولة انشاء الله الله يفرح كلبج بشوفة ضناج وبالصحة والسلامة انتي ظلي وياه وانشاء الله اني ناوية اروحلها واكمل وياها لان من كلامج حبيتها

والله يا لولة اني مو حابة احجي بس ما عندي غيركم افضفض وياه ابوية عرسة الخميس الجاي وكلش تعبنا اني واختي لان دا يضغط علينا بشغلات ومدا يقدر او يحس بينا بس اني بالنسبة اللي بس جنت اريد ارضي ربي وبس هسة كملت كلشي وياه وبعد اروح نص ساعة اشوفة وهايهية لان تعبت كلش

والله كريم كاشف الضر عني وعنج وعن امه محمد

اي والله حبي روحيلها هية كلش حبابة وقلبها طيب   وذكية عمتي ام زوجي هم البارحة دتكولي ظلي وياها لان تبين فاهمة الله كريم حبي 
بالنسبة لوالدج انتي حقج حبي انه تنقهرين من موضوع زواجة لان ذكرى امج المرحومة عزيزة بقلبج بس هاي سنة الحياة والرجال ميتحمل مومثل المرة وشافكم انتو تزوجتو بعد فهم يحس بضوجة ووحدة فخلي  يشوف حياتة وانتي هم حبي التهي ببيتج وزوجج وربي يترس بيتكم جهال يفرحوكم وينورون حياتكم وبعد زين اذا صار عندج وقت تروحين تزورين والدج حبي لاتضوجين من موضوع الحمل والله بعدج صغيرة تونسي وطبي وطلعي وفرفشي ومتشوفين نفسج الا وحامل على غفلة هاي ريا من اروحلها هسة تكولي هسة ميتة انتي  عالطفل باجر عكبة تجين ووياج طفلج وتردين تسوين مانع كلها تنسي وعيونج  انتي روحيلها وبلكي ايدها بركة بس مثل مكتلج من ناحية علاجها مظبوط ومتنطي غير بس الشي التحتاجيلة متلوصج ربي يفرحج حبيبتي وساعة من الساعات فرج

صدك لولة ه باي ساعة تفتح العيادة وشنو ايام دوامها

حبي هية تفتح يومية  ساعة ب 4 وبس الخميس والجمعة متداوم بالعيادة لان عدها عمليات بحياة الراهبات والصبح تداوم بمدينة الطب مستشفى بغداد كلش مشهورة هناك