هلوووووووو بنات
اريد احجيلكم شصار وياية خلال اليومين طبعا ما لبست الهاشمي بالحنة ولا الكوستم بالزفة لانزوجي جابلي يوم الخميس الظهر فستانين يخبلوون سوالي ...سبرايز....
المهم الحنة جانت كلش حلووووة ودك وركص لتالي الليل
والزفة طبعا زوجي كالي تلبسين طقم الكرستال اللي لبسته بعرسنا لان زوجي جابلياه من عمان عقد و تراجي وسوار المهم طلعتها ولبسته واجتي لفرقة الموسيقية وبده الدبج طبعا الكل تصيح علية لج انتي عندج عملية لاهيج تركصين بس مادرتلهم بال.....وطبعا اني مصورة الحفلة....فما طالعة هواية بالتصوير
واني صعدت بالسيارة دا ننطلق والمفاجاة...ينفتح سحاب الفستان ركض للبيت غيرت الفستان الحمد لله جان راهم وية الحجاب والمكياج لان الزفة كلها وكفت على مودي...
المهم انطلقنه وبدت فيكات زوجي بالسيارة هو وزوج اختة لحد ماردنا ننصدم بس الله ستر ههههههههه
وصلنا البيت العروس ورجعنا للبيت....اني دخلت للبيت العقد مالتي ينقسم بالنص بالضبط وبدون مبالغة
كلت اخذ الشر وراح بس حيل انقهرت لان مال عرسي....زوجي والاهل كالو نطلع نتعشة برةفزوجي كال لاتغيرين ملابسج بس عدلت المكياج وطلعنا اتعشينا بمطعم جديد فاتح بالجادرية اسمة ليييز
المهم اتونسنا ورجعنا وصلنا للبيت
لاتضحكون علية تصدكون التراجي انكسرت وبهذي صدك كمت ابجي...عم زوجي كالي والله بس تصير عندي رحلة لعمان او اي دولة بيها هيج شغلات حلوة الا اجيبلج واحد بعد احلى لاتنقهرين
يلة شوية هديت لان شنو هذا الحظ النحس بس رغم هذا الحمد لله تونست واتكرتج ام حواء على اللمة الحلوة اللي صارت
صدك ام حواء شنو الفديو مدا ينزل شلون انزله؟؟؟؟؟

هلوووووووووووووووووووووو حياتي طبعا دا اتخيل الاجواء شلون شكلها
والف عافيه المعم تونسي
وهاي الحمد لله صارت 3 شغلات واندفع الشر هم السحاب وهم الكلاده وهم التراجي
يكولج بالكزيز ولا بالعزيز
والحمد لله على سلامتكم
وهاي كلها عيون عالم

اني قبل لا اتزوج جنت شبعانه اعياد ميلاد وخطوبات واعراس وبالسويد يسووها كله بقاعات واكثر شي بس نسوان فناخذ راحتنا باللبس والركص ووحده مالها علاقه بالثانيه بس ونسه

من اتزوجت نسيت شي اسمه عرس او حفله
رجلي نحيس بهيجي اشياء وحتى حفلات بنات ميخليني اروح لان هنا بالنرويج مو خوش ناس
كلها تصور بالموبايل والواحد يروح يتونس ويوم الثاني يطلع الحجي فلانه هيجي لابسه وفلانه هيجي سوت وفلانه هيجي ركص وبس فالحين بالحجي عالناس

المهم حبي اهم شي تونستي وغيرتي جو
وبالعافيه الفساتين اللي جابهم رجلج الج
وبالنسبه للفيديو لازم ترفعينه بمكز تحميل وبس تحطين الرابط هنا
والصور نفس الشي

هههههههههههههه حبي ام حواء كلش تونسنا
واكيد العيون مشتغلة يعني ابسط شي يكولولي موامج ميته ابوج راح يتزوج وكاعدة تركصين غير اعصاب عليج هيج ناس شجاوبيهم؟؟؟؟؟
وعلى كولتج بالكزيز ولا بالعزيز
بس حلووو الواحد يكسر وناس تجيب على الحاضر هههههههههههههه مو؟؟؟؟

الف عافية حبي خوش عرس وخوس لمة وخوش عمو حباب ههههههه الله يفرحج حبيبتي وهاي العيون مصيبة همزين طلعت بهيج شغلة ولابغير شي 

هههههههه تسلمين لولة الله يفرح قلبج انشاء الله
اييييي والله خوش عمو وخطية كلش يحبني
ذاك اليوم راح سفرة المومبي جاب هدوم جيف ما صار علية شي اطاني خمسين دولار كال روحي اشتري اللي يعجبج
وبعدها هم راح جاب تكرمين شحاطات صارت بس على حماتي وبنته لان رجلهم 36 واحنا 39 همين اطانا فلوس وكال روحو اشترو....
خوش عمووو....بنك مركزي.....ههههههههه

هههههههههههههههههههههههه
ام حواء امبين خوووووووووووووووووووش عمو
تحبيه هووووووواية موووووو؟؟؟؟؟

هلووو حبي ميوسة مشتاقيلج والف الف عافيييية عالونسة ان شاء يوم اللي تفرحين وتفرحينة بخير حملج

كل الهلا بيج حبي شوشو
تسلمين ياربي نفرح بيج هذا الشهر ياب
شخبارج؟؟؟؟؟؟

الحمدلله حبي بس هاي الايام احس اليوم بالسنة من تصير الددورة عالابواب الانتظار موتنييييييي

حبيبتي ميوسة بالعافية على هيج عمو وربي يحفظة الج هوة دائما العمو يصير حباب بس عمومالتج حباب وصراف وهو المطلوب هههههههه الله يديم المحبة ياقلبي

حبي شوشو لاتظلين تفكرين صح هو شي صعب بس حاولي تلهين روحج بغير شي لان والله تتعبين
لولة هذا عم زوجي لان ابو زوجي متوفي من زمان بس عمه الله يخليه ويوفقة ماينوصف بطيبته والله مو لان صراف لاوالله بس كلش حباب

الحمد لله والشكر حبي ربي يحفظة الكم 

هلو بنات شنو اخباركم

الف عافية حبي ميوسة ان شاء الله ايامكم كولها افراح وونسات

حبيبتي شوشو انسيها لتخليها على بالج

اني اليوم اجتني الدروة من الصبح (الحمدلله والشكر له)

حبي ايلاف الله يعوضج يا ربي وهم اخذي ابره تفجيره هالشهر علمود لا تكبر البيضه

وشوشو يا ربي ما تنزل دورتج وتطلعين حامل يا رب يا رب

تسلمين ايلاف ياربي يفرح قلبج انشاء الله بالقريب العاجل

تسلمين حبي ام حواء الله يعوض الجميع وهذا الشهر حلفت ابد ماروح لاي طبيب راح اخليها ورة رب العالمين

حبي ايلاف اتوكلي على الله احسن مداوي
اعلمج طريقة والله اني دا اسويها ودا احس بايام التبويض الام بالمبايض يعني الاباضة عندي الحمد لله زينة
اقريه يومية سورة يس وكل ما توصلين امام مبين كولي
اللهم اني اسالك بحق سورة يس ان.....تدعين باللي بكلبج
وبعدها يامن امره بين الكاف والنون واذا اراد شيا قال له كن فيكون
ارزقني ذرية طيبة تقر بيها العيون
وبعدها 100 مرة يا مفرج الهم
وتكملين السورة كل ما توصلين امام مبين تعيدين هذا الشي
وطبعا خاله ايدج على بطنج
وانشاء الله الشهر الجاي تفرحينا يارب

تسلمين حبي ميوسة ربي يرزقنا اني وانتي وشوشو شهر الجاي ان شاء الله