تكلس المشيمة

هو عبارة عن شيخوخة مبكرة للمشيمة وهذا يؤدي إلى منع وصول الدم إلى المشمية

وهذه الحالة لها عدة اسباب أذكر لك أهمها:

الضغط ، السكري، الإلتهابات، المناعة،
ويتم العلاج هنا بالفحص الشامل لتقييم وضع الجنين ونبضه



تكلس المشيمة يحدث عادة مع تقدم الحمل فيحدث ترسب للكالسيوم فى المشيمة ويكون اكثر بعد موعد الولادة المتوقع وبعض الأحيان يحدث فى الشهر التاسع بنسبة بسيطة ولكن فى بعض الحالات يكون كثير مما يسبب فى قلة وصول الدم الى الجنين



وعادة الاطباء لا يعتمدون على التكلس فقط للتدخل بالولادة بواسطة المحرضات او الولادة القيصرية ...ولكن يجب عمل متابعة للجنين بقياس الماء حول الجنين وعمل تخطيط لقلب الجنين فإذا كانت النتائج غير مطمئنة فيجب التدخل الفورى .. وهذا مايجعلهم يؤكدون لكِ على ضرورة متابعة حركات جنينك دوما ( ولكن بواسطة الاجهزة يستطيعوا الاطمئنان اكثر دون الإعتماد عليكِ )


لذلك هل قالوا شىء عن نقص ماءالجنين او وجود شذوذ فى تخطيط القلب؟؟

تسأل الطبيبة فى هذان الامران واذا قالت نعم يوجد مشكلات يجب الولادة باسرع وقت ممكن اذ يمكن ان يؤثر ذلك على الجنين ..

اما إذا كانت المشيمة فقط هي التي بها تكلس والسائل المحيط بالجنين طبيعي وحركته ونموه طبيعي فبالإمكان التأني ...


مع ضرورة اخذ ابرة إنضاج رئتي الجنين في حالتك وهى ابرة او ابرتين يتم اخذها في الشهر الثامن لضمان اذا ما حدثت الولادة الا يحدث مشكلة
( عسرة تنفس للطفل قد تؤدي الى حدوث اخطار له لا قدر الله او ان يولد الطفل ويوضع في الحضانه )

حبي شكراالج و الله يبعدج ويبعد كل الحوامل عن التكلسات

حبي نزلت الموضوع علمود لوله لان كايليلها بدايه تكلس
ولحد الان ما بينت ان شاء الله تجي وتطمنا يا ربي

شكرا ام حواء حبيبتي عالموضوع الحلو والله اليوم شبعت بجي   اني الماي طبيعي حول الطفل وتنفسة وقلبة هم زين واني من شهر السابع اخذ ابر الرئة والاثنين ضربت خامس ابرة وبقتلي وحدة بس اضربها الخميس الجاي والدوبلر هم الخميس الجاي بعد ماعرف شحيصبرني منا للخميس الجاي زوجي زهك من نكي والطبيبة الجنت اكول عليها زينة تكولي شعندج جاية طبيعي هذا وماعرف المن انطي وجهي 

يا عمري سلمي وجهج لله وان شاء الله خير
وكولش كولش دا اعرف شعورج لان هيجي يصير بيه من اقلق على شي وماكو احد اروحله وحتى احس تصير ملل من احجي لزوجي
اكولج اهم شي انتبهي لحركه الطفل
وحاولي تروحين لغير طبيبه بس حتى تطمئنين واني ارجع واكولج اتمنى تجيبين وتخلصين
وتره هاي خرافات مال جاهل ميعيش بالثامن
هوه باذن الله بالسابع يعيش
وخصوصا انتي اخذتي ابره الرئه الحمد لله
كولش اتمنى يحددولج عمليه ويجيبوج وتخلصين من القلق
لان هذا القلق راح يدمر الجاهل

حبيبتي ام حواء هنا الطبيبات كلش جبانات ماكو وحدة تكول لازم هسة تجيبين كول وحدة تخاف على سمعتها ومراجعيها لايطفشون يمكن هاي الي داراجعها اجرأ وحدة بيهم مواني كومة افتريت بذاك حملي وجان لازن يجيبوني بالسابع ومحد اتخذ هالاجراء علما مات الطفل عود دزوني على هاي طبيبتي والله مادري المن اسأل على طبيبة وكل طبيبة تعاي روحي فهميها قصة حياتج وبالتالي تطلعين صفر اليدين والله اني لوعلية  هسة هالدقيقة اروح اولد بس منو يولدني مادري اني داراقب حركة الطفل والله كريم حبي الله لايشوفج مكروه وان شاء الله تكومين بالف سلامة انتي والنونو

حبي تقصدين شمم يوسف  او شمس علي؟هيج شي اتذكر اسمها يمكن عيادتها من مستشفى مال عيون شايفتها كبال الاسواق المركزية اذا اتذكريهابس هاي قارية قطعتها يمكن بس مال سونار اجوز تقصدين غيرها؟مشكورة حياتي داتعبج وياية 

مشكوره

هسة باجر اطلع ادور عليها تسلمين قلب 

عفييييية هاي شنو لولة اسم الله عليج انشاء ما تشوفين شر اكلج ترى اختي جابت هسة طفلها بالثامن قيل خمس اشهر الطبيبة مالتها وردة اوني البارحة جنت يمها وهم كالت اذا يصير حمل عندج اجيبج بالسابع او الثامن لان انتي واختج عدكم الضغط مصيبة

حبي تريدين ادليج عليها بس شوية بعيدة وتشتغل بمستشفى دجلة بالاعظمية

ام حواء شلوووونج مشتاقتلكم بس والله صارت عندي ضروف بعدين اسووولفلكم عليها لان صدك محتاجة مساعدتكم

المهم لولة اهم شي حافظي على ضغطج طبيعي وانشاء الله خير

حياتي ميوسة تسلمين الف شكر اني هسة ضغطي زين الحمد لله كل يوم داقيسة طبيعي بس هذا التكلس مين طلعلي مادري  اي حبي اندلها مستشفى دجلة زين وين عيادتها لهاي الطبيبة؟اجوز اروحلها اشوف شنو رايها حتى اذا احتاج ولادة اخليها تجيبني وتفضها  عيادتها ازدحام لولا؟

حبي لولة عيادتها بسوق شلال بالشعب اذا تندليه ومو كلش ازدحام عادي وهي تاخذ سونار بنفسها وكلش حبابة اني حبيتها وبوكتها اختي من جابت لليل تخابر تسال عليها لان جان ضغطها كلش عالي وسوتلها بنج نصفي بالظهر وبالثامن جيبتها علمود الضغط واسمها حنان على محمد مقابل مركزالشرطة كلش معروفة هناك واذا تريدين رقمها ادزة الج برسالة اوكي

عاشت ايدج قلبي اني كرايبي هناك بسوق شلال اكيد يعرفوها هسة  لاسامح الله اذا تدهورت اموري وريا مسوتلي شي اروحلها  لان شوية بعيدة لان اني هم بالكرخ وتسلمين حبيبتي مقصرتي  

حبي انتي اخت عزيزة وتامرين امر وانشاء الله ما تحتاجين لاحد لان رحمة ربج اكبر من كلشي يارب يفرح كلبج يارب

انتي الاعز حياتي اني فرحتي اسمع تجين تبشرينا بحملج والله عند الله موبعيدة مثل مارزقج اول مرة يرزقج بعد 

تسلميييين