صباح الخير بنات

ادري ضوجتكم وياية بس والله ضايجة وكاعدة بوحدي بالبيت كلها بالدوام

انتو مثل ا تعرفون قصتي من توفت بنتي اني جنت مجهزة كلشي حتة السرير والكليكوت المهم

اليوم شلت السرير وانطيته بس هسةحاسة كانه هسة ماتت بنتي ومااريد اكول لو مناطيته لان يروح الاجر بس والله تعبانة لان من الصبح خلتني خالتي افوت للمخزن اطلع السرير وشفت غراضها والممة وملابسها كلبي انمرد

والله مدا اعرف شبية هالايام اريد ارتاح كلبي مثل النار بنات ساعدوني شسوي قريت قران صح هديت شوية ورجعت

حتى ايدي مدا تاخذ شغل من الصبح لحد هسة اني بس صافنة

ضوجتكم هواية بمشاكلي بس ماعندي غيركم اسولف وياه

اسفة بنات.......

ايييي والله يا ام حواء اني هم تفكيري مثلج هم كالولي اطي الملابس بس ما قبلت كلت يعني قابل ما اريد احمل

بس السرير كلت اطيه لوجه الله لان خالتي ظلت تنك علية اطيه اني ماحبيت السرير فكلت خلي اطلعة احسن لوجه الله

بس حيييييل اتاثرت

حبيبتي ميوسة فضفضي شكد متحبين لعد احنة ليش موجودين هنا  حياتي اني لوتدرين شكد جهزولي اهلي لطفلي شي منا وشي من عمان كرايبي دزولي واشياء اني اشتريتها عجبتني وتصوري موحضرت الجنطة مال مستشفى لان جان زوجي ديسافر فكلت احضر كلشي قبل لايروح ورة يومين توفى الطفل  فمن رجعت من المستشفى اباوع عالسرير ابجي عالكريكوت ابجي عالهدوم ابجي فمتحملت اشوفها كدامي وديتها لخالتي ام زوجي وكتلها انتي تصرفي بيها لان هاي لمحمد واذا صار عندي بالمستقبل اوهس البسها اله وهية هم ودتها لجمعية مال ايتام وفرحت كلت اقلاها صابني اجر وبهذا حملي لحد قبل يومين ممجهزة وكلت لاهلي لااحد يجيبلي شي ماريد من واحد بعد كلة اني اشتريلة لابني بساعتها بس خالتي ام زوجي تموت من سمعت باوضاعي مال تكلس المشيمة خافت يصير عندي ولادة باي وقت و بارحة خابرتنا وكالت جهزتلكم ووديتها للكاظم زورتها زوجي مقبل كلها ننطيج فلوسها لان نوهس احد يجيبنا بعد مقبلت وهم الاشوية وتزعل كالت ايدي بركة جربوها فاني بصراحة اخاف اشوف الغراض كتلة لزوجي من اجيب ويعيش الطفل عود جيبها خلي لانشوفها هسة اني برايي انطي الغراض هم يصيبج اجر وبلكي الله يعوضج وتشترين غير اشياء وتكون فالها خير عليج يارب  

والله يالولةكلبي مايطيني مااكدر اليوم على السرير ادمرت ما اكدر واني بالنوعمااوهوس بهذا الشكل بس اوك شغلة صارت قبل ولادتي كرايب زوجي جابتلي ملابس ومن ظمنها عصبة مالراس عرفتيها؟؟؟؟

اني من اشتريتها كلها مكتوب عليها صباح الخير ماما لو ماشاء الله يعني هيج شي

هي جابتها مكتوب عليها طيور الجنة اني من وكتها كلبي انقبظ وره ما صحيت من الصدمة راسا طلعتها من الكنتور مالتها وشمرتها بس الهدوم بقت على حطتها اني معته بيه لان امي اللي جهزتها ورة شهر توفت فاكول هاي من ريحة امي واني الجنطة اللي حضرتها وياية للمستشفى راسا اطيتها لان كلت هاي جانت على اساس تلبسها فراسا بعد ما كمت على حيلي اطيتها هم لملجئ ايتام وبعد عندي كليكوت هم كلت اودي للملجئ انشاء الله

حبيبتي ميوسة الله يفرح بكلبج بالطقل المعافى بأقرب وقت

حبيبتي ام حواء ولولة الله يثبت حملكم وتشوفون اطفالكم بين ايديكم يلعبون يارب

والله حقج هيج صح ريحة والدتج المرحومة بس موانتي تتأذين من تشوفين الغراض والله عن تجربة اني ارتاحيت من نطيت الغراض حبيبتي صح هوة فقدان الضنى مينحمل ولاينسي بس موذكريلات الماضي دتأثر على نفسيتج والوحدة لازم تكون مرتاحة حتى يصير عدها حبل موزين عليج القهر والضوجة واللله اني هم هسة موحامل بس من اتذكر ابني محمد اكوم ابجي وبارحة الصبح هم شبعت بجي عليه اني اكول انطيها حتى والدتج هم يصيبها اجر اكيد عندج كومة غراض لخ مومال طفل من والدتج هاي احتفظي بيها وخليها يمج بالنسبة لعصبة الراس اي عرفتها 

تسلبمون حبايب ام حواء وايلاف 
ام حواء قلبي ربي يفرحج ويتمم حملج على خير
ايلاف حبيبتي ساعة من الساعات فرج ان شاء الله ومتشوفين نفسج الا وحامل امين يارب

تسلمووون بنات اني اسفة هيجت عليكم الجروح

يارب يبرد كلبكم ويتمم حملكم يالولة وام حواء ويبرد كلبج ياايلاف بحق هذي الايام الشريفة

ياسميع الدعاء يالله

تسلموووون بنات ياربي ان شاء الله كولنا حوامل شهر الجاي

لاحبيبتي ميوسة اخذي راحتج لاهيجتي الجروح ولاابد هية اصلا مطيبانة  ويومية تون علينا

لاحبيبتي ميوسة اخذي راحتج لاهيجتي الجروح ولاابد هية اصلا مطيبانة  ويومية تون علينا

حبي لولة الله يبرد كلبج بشوفة ابنج بحضنج وينسيج جرحج امين يارب

تسلمين ياقلبي ميوسة وان شاء الله بسرعة تصيرين حامل يارب وتفرحين انتي هم والله بارحة زوجي اجة ب 7 من الشغل فجان حيل هلكان مكدرت اكولة عالزيارة بس ان شاء الله لازم اروح هالاسبوع واول ماروح ادعيلج 

انشاء الله ربي يعوضكم كلكم بنات لان كلكم مريتو بنفس المعاناة ويارب يارب تكومون بالسلامة ام حواء ولولة والله يرزق ويفرح كل محرومة يارب

حبيبتي شوشو  تسلمين ويارب تجين تفرحينا بسرعة بخبر حملج والله يتممة الج على خير امين يارب

لولة شلونج شوشو الله يفرح كلبج بالحمل السليم بالقريب العاجل

بخير حبيبتي ميوسة انتي شونج