هلو حبيباتي جبتلكم ماسك طبيعي للشعر وسهل جدا لان شعري حظة طاح من الصبغ والكيمياويات والحمل كللش اذاه وماعندي وقت ولا خلك اهتم بي فاتمنى تستفادون منه
الماسك هوة كوب مبروش جوز الهند هذا العادي اللي نخللي علحلاوة + كوبين مي
نخبطهم ونخليهم على نار هادءة جدا مدة نصف ساعه راح تشوفون المي ينزل ليجوة واكو طبقة بيضة تتكون فوك عوفو المي واخذو هاي الطبقة وسووهة ماسك للشعر من جذورة الى اطرافة ودلكو بيهة فروة الراس وخصل الشعر بحيث يتجانس الشعر وية الماسك وريحتة طيبة علاقل من وجهة نظري يعني مو نشاز مثل وصفة الثوم او البصل وخلي هذا النايلون مالت الاكل على شعرج وشدي بربطة اقل شي ساعة واذا اكثر طبعا يكون افضل ووراهة اغسلي بس بمي او شامبو قليل ورا تشوفون النتيجة وخصوصا وية الاستمرار
شغلة ثانية اللي مابيهة حيل تسوي الاولى اكو حليب جوز الهند موجود بالاسواق مااعرف بالعراق موجود لو لا يعني اكو قواطي واكو كارتونات مثل العصير تكدرون تخلون علبة كاملة علشعر من الجذور للاطراف وتدلكون الشعر الى ان يتجانس وتلفو بقراصة ونفس الطريقة نايلون وربطة الى ان ياخذ فائدتة منة وتغسلو
جربوهة وراح تشوفون الفرق لان هاي وصفة الاسيوين للشعر
تحياتي

تسلمين حبي عالوصفة اني هم شعري كولش تلفاان ومالي واهس ابد بالخلطات بلكي اسوي هاي لان مرة حطيت زيت الثوم ومااكلج الريحة 4 ايام لازكة ويومية احطلة طن شامبو ومتروح لعبت نفسي

والله عاشت ايدج وانوب وصفة الاسيويين شون شعر عدهم يخبل والله تبين سهله بلكي اجربها
ضحكتني شوشو هاي اني هم جربت شغله لشعري وظلت لريحه على كولتج طن شامبوو ههههههههههههههههههه

صحيح ميوسة اني اشاركج الرأي بالنسبة للمايونيز وخليتة مرة على شعري بس فائدتة انو للشعرة نفسة مو من الجذور يعني الشعر يحتاج تغذية من الجذور حت يكون صحي اكثر لذلك هذا الماسك مفيد لان من الجذور بنطي فائدة وهية كل هاي الاشياء الطبيعية بيهة فوائد علاقل مو غالية مثل الكيمياويات ,, وبلنسبة لزيت الثوم هوة فعلا ريحتة تكتل بس اني من اريد اخللي اخبطة وية شوية دارسين كللش مفيد للشعر واخللي بماعون صغير واخللي بالعودة مالت تنظيف الاذن فقط على فروة الراس يعني بالعودة وامسحة منطقة ورة منطقة اغطهة بالماعون واامسح بيهة الفروة ووراهة اطكة بشسوار بس علهوة يعني مو حار تخف الريحة من الهوة وماالفة راسا لان من الفة راح تثبت الريحة بي وبهذا تخف الريحة يعني مو تروح بس لان زيت الثوم مفيد فحرامات بسبب ريحتة منستعملة

عاشت ايدج نونة الوصفة سهلة ومفيدة وان شاء الله اجربها

عاشت الايادي حبيبتي