السلام عليكم ... اني عمري28 سنة متزوجة من سنة 2007 اجلت الطفل لمدة سنتين بعد زواجي بسبب انو ضروفنة جانت متسمح لان عدنة جان مشروع سفر خارج العراق وكالو مراح يسمحون لطفل يطلع وياكم .. المهم اني مااجلت او منعت الحمل باستخدام الحبوب لان كالو خطرة على اللي ماصاير عدهة اطفال .. من سنة 2009 لحد الان جاي احاول بموضوع الحمل وماجاي يصير لان عندي تكيس بسيط بالمبايض وجاي استجيب للعلاج استجابة ممتازة بحيث من اخذ كلوميد يصير عندي تبويض يويضتين او اكثر ومن اخذ الابر يصير عندي من 10 الى 12 بويضة  يالشهر وهذا يتعبني كللش لكن للاسف ماجاي يصير حمل مااعرف شنو السبب سويت كل انواع التحاليل لاعندي التهابات ولا قنوات فالوب بيهة شي ونسبة زوجي ممتازة ولاعندي اي مشكلة غير التبويض الي جاي يصير بالمنشطات .. سويت عملية حقن يعني زرق مو اطفال انابيب وبوكتها صار عندي تبويض 12 بويضة وهم ماصار حمل صار عندي كابة وضليت بس ابجي زنفسيتي متدمرة لان جاي احس جاي افقد هواي من الاشياؤ الي حابتهة بشخصيتي .. جان اي واحد عند اي شي ايجابي مااباوعلة نهائيا هسة بيني وبين نفسي كمت اقارن نفسي بالناس وانقهر ورة ماجنت ايجابية جدا واباوع للاشياء الزينة والنعم اللي الله منطينياهة .. ماضل شي ماسويتة ولا دعاء مادعيتة .. اللي اببالي هسة طفل الانابيب جمعت مبلغة بصعوبة بس الحمد لله تقريبا كمل المبلغ بس المشكلة اني خايفة لاتفشل العملية واخسر الاول والتالي لان هاي اخر ورقة راح العب بيهة  يعني بصراحة اذا راحت فلوسهة بعد حتة ماراح يبقة جوة ايدي اي مبلغ لاي شي وخايفة لاانتظر اكثر واجازف بخصوبتي لان السنين جاي تمر واني ماعندي ولا طفل وبنفس الوقت اذا رجعت للعراق وانشاله رجعتي قريبة راح ياذوني بالاسئلة واني هم تعبت من الوحدة .. اسفة علاطالة بس شتنصحوني اسوي  طفل الانابيب ؟ لان مابقة جنص بالمحاولات الطبيعية حاولت هواي والطبيب مستغرب ليش ماجاي يصير عندي حمل وجان خايف علية لايصير عندي من هذا الحمل المتعدد باكثر من اربعة اجنة .. لكن النتيجة صفر .. عفية منتظرة رايكم لان كللش تعبانة ومحتارة

اهلا حبيبتي

الله يرزق بالطفل المعافى بأقرب وقت

حبيبتي اني انصحج متضعين وقت وتسوين طفل انابيب وربي يفرحج بأقرب وقت

الف شكر حبيبتي ايلاف انشاله الله يجازيج كل خير متتخيلين شكد محتاجة تشجبع لان خايفة ومترددة ومااعرف منوعدهة تجربة بالانابيب حتة تشجعني عليهة هواي محتاجة دفع معنوي

والله حبيبتي اني خواتي اثنين مسويات انابيب وحدة اكبر مني هسه عدها ولد الله يخلية والثانية اصغر مني قبل تلث اسابيع سوتها وهسه ماشاء الله حامل (الله يثبت حملها) ياربي يرزقج عاجلا لا اجلا

ماشاء الله الف الصلاوات على محمد وال محمد والله رفعتي معنوياتي بس مااعرف صار الحمل من اول ارجاع للاجنة؟ لان سمعت مو بالضرورة تنجح من اول ارجاع ممكن بالثاني وهذا اللي خوفني اكثر.. والله اني واثقة انو اللي مازم علية الموضوع هو حالتي النفسية  محتاجة احس انو مو بس اني راح اسوي هيج شي حتة مااخاف من احس المساله طبيعية

ياربي يخليج ويفرحج بحملج ويثبتة ويكومج يالسلامة .. فرحتيني بردج ومن جاي اقرة ردودكم ابتسمت وتفائلت .. والله ياريت تسويلي استخارة لان جدا محتاجة لهيج شي ومااعرف  اكلف منو لان اصلا محد يعرف بالموضوع ولاحتة اهلي وانتو اول اشخاص احجيلكم بالموضوع .. للاسف اول ارجاع للاجنة يكون ضمن العملية والارجاع الثاني لازم ادفعلة اكثر من 3000 دولار اني حاليا بماليزيا وعيونج مامستحسرة الفلوس بقدر ماخايفة من الفشل من كد الاحباطات اللي شفتهة وتعب العلاج والمحاولات الفاشلة وكل شهر يصير عندي امل لان كل الشواهد والعوامل تساعد على الحمل بس للاسف تجي البيريود وتبدي البواجي والانهيار .. الله ينطيج على نواياج واي شي تردي مني او اي مععلومة علمود الاستخارة اني ارسلجياهة ..

حبيبتي الله يفرح قلبج ويسهل امرج حياتي الفلوس تتعوض والله هم ينظر بالحال اني هم اكول لاتضيعين الوقت وحاولي تسوين انابيب وحتى لو منجح لاسامح الله من اول مرة جمعي مرة لاخ وحاولي الفلوس تجي وتروح ومتعرفين الله شضاملج رزق  واذا مسويتي وهسة ومضت الايام النوب تاكلين بنفسج لو مسوية توكلي على الله وقبل لاتسوين الانابيب نذري توزعين شي بثواب الامام موسى الكاظم علية السلام مرادة باليدوعن تجربة

حبيبتي اتوكلي على الله وسويها بت عمي هم مجان عدها سبب يمنع وسوتها وهسه عدها توم ولد ما شاء الله

حبيباتي اني اللي دخلت باسم هزار هسة سجلت عضوية بالمنتدى .. ام شطورة تسلميلي عيوني فدوة الاسمة ابو الجوادين انشاله راح انذر واني كل شهر وي كل محاولة انذر كومة نذور بس يالله الحمد لله والشكر .. ام حواء راح ادزلج رساله بس شلون ادزهة اني سجلت عضويتي بالمنتدى هسة وهاي اول مرة اسجل بمنتدى فمااعرف شلون ادز رساله

اني راح ادزلج وباعي ليفوك مكتوب رساله جديده وانتي بس ردي عليها

حبي دزيتلج النتيجه برساله

الله يفرح قلبج حبيبتي وتنجح المحاولة وتشوفين احلى نونو بحضنج

الله يسهل امرج يارب وتنجح المحاولة وتفرح كل ام وكل حامل تكوم بالسلامة يارب

حبيبتي نونة ولو متاخرة بس حبيت ادعيلج حبي وحي سويها والله يجبر بخاطرج

ترى كلشي يهون لاجل ظفر طفل وهواية مسويها وناجحة عدهم اتوكلي على الله واهل بيته فدواتهم

بحق هاذي الايام تبرد كلب كل محرومة ياالله وتثبت حمل ام حواء وتفرح لولة بطفلها يارب

حبيباتي ياربي يخليكم على هذا الدعم المعنوي اللي جاي تنطونياة ومتتخيلون شكد شجعتني ردودكم واذا فد يوم الله رزقني بطفل فراح يكون بفضل الله وتشجيعكم الي لان اني كللش مترددة وخايفة وجاي احسب للامور حسابات يمكن تكون خاطئة وماحاسبة اولوياتي صح .. اني انشالة راح اروح للطبيب الاسبوع الجاي وابدي رحلة العلاج اذا كلشي تمام .. امانة الله ورسولة محتاجة دعائكم كللش هواي لان ماجاي اتخيل نفسي اذا فشل الموضوع شراح اتكون حالتي خصوصا انو نسبة نجاح الموضوع كلة مو اكثر من 40% يعني نسبة فشل 60% وهذا اللي راعبني لان مااعرف شسوي اذا فشل وليش ماجاي يصير حمل اصلا مااعرف .. ساعات اكول يمكن الله قاسملي ابقة بلا طفل حياتي كلهة واخاف من هاي الخيالات .. مااعرف انتو هم هيجي تجيكم افكار لو بس اني .. محتاجة اشرك مخاوفي وياكم حتة اطمئن وتخف حدة القلق اللي عايشتة

حبيبتي نونة اني فقدت طفلي من ورة الضغط باخر اسبوع من الشهر السابع وهم وراج كمت اكول شمعنة اني من دون الناس متكمل فرحتي وابجي من اشوف طفل وماكذب اذا اكولج كمت حتى اغار من العدهم اطفال  وتاخرت 6 شهور يلة رجعت حبلت فجان زوجي  بهاي فترة اللوعة يكولي وماييئس من رحمة الله الا القوم الكافرون  وبالفعل وراها حبلت وهسة اني بالثامن ويوم الج يارب وتبشرينا 
ميوسة انتي دتخجليني بدعواتج الحلوة والله  انتي وردة وربي يفرح كلبج وينطيج لليرضيج

ياعيوني لولة الله يساعدج فعلا فد شي يتعب ياربي يكومج بالسلامة ويفرح كليج ويعوض صبرج وصبرنة خير شكرا على ردج حبيبتي

ياعمري يانونة صح هذي الافكار ماتروح من البال

بس اني ارجع واكول الرزاق حي

اني هم مثل لولة بس اني قبل الولادة بيوم توفت بنتي والله ما اعرف شلون اوصفلج شعوري ولحد هسة والله كل ما اقرة قران او دعاء ابجي واذا اشوف صورة طفل مو طفل بس صورة دموعي تكوم تصب بس مصبرة روحي الرزاق حي واللي رزقني اول مرة قادر يعوضني الثانية واني هسة لو يكولوي نطيج طفل وتشوفيه لمدة يوم واحد وبعدها تموتين هم اكللهم قابلة لان مايطفي نار كلبي غير شوفة طفلي

فروحي وتوكلي على الله واهل بيته وبحق هذي الاياف الشريفة يرزقج ويرزق كل محرومة

لولة كلبي انتي الوردة واظل ادعيلج لحد ما تولدين بالسلامة سالمة انتي والنونو امييييين

حياتي نونة وميوسة الله يفرحكم وتحبلون وتصير سوالف  الله يرزق من يشاء بغير حساب  
ميوسة ياحبيبتي والله حاسة بيج وكل الي دتكولية مريت بيه وليهسة اني احترك على ابني وهم اتمنى لو بس اشوفة  والله اني هم اظل ادعيلج الى ان تحبلين وتجيبين بالف سلامة وتصير هاي كلها سوالف

تسلمين كبلي والله انتو نعم الخوات

احنا كل وحدة هنا محتاجة الدعاء فالله يسر امر كل وحدة

ميوسة الله يساعدج صدك كلمن همة لون الله يسهللج وانشالة هذا الشهر يكون النة احنة اللي بقينة املنة بالله جبير بس بصراحة اني جاي تصير بية حالة مااعرف شلون اعالجهة ماالي واهس ادعي من كد مادعيت يمكن هية مسألة شيطانية او وسوسة ومااعرف شلون اعالجهة ماادري هم بصير عدكم هيج شي؟

حبي والله دا احس بيج

باعي اني كمت اسوي هيج

اصلي واكمل واسبح استغفر الله والحمد لله وسبحان الله كلها على مية واقره دعاء كثير البركات وزيارة الامام الحجة وشوفي شلون ترتاحين لاتدعين ولا شي هااااااا ودعاء للمقاصد والمهمات والله هذا شنو اللي بداخلج يعبر عنه وشوفي شلون ترتاحين واقري ختمة سورة يس تعرفيها هاي علمتها لايلاف هسة ايلاف تعرفها واني هذا يومية اقرة شي

ياربي يخليج حبيبة كلبي ميوسة وينطيج على نواياج بحق محمد وال محمد اني انشالة احاول اسوي اللي كتيلي عليهن وعيونج اني الاشهر الفاتت وكتي كلة راح بالادعية اللي جنت اكعد عليهة بالساعات وبين المحاولات والمراجعات وبين دراستي اللي ماجاي الحك عليهة بسبب الوقت الضايع والنفسية المتدمرة .. اريد من الله يدخل الفرحة لكلبي صار سنتين مافرحانة نهائيا عبالك اموري كلهة تخربطت دفعة وحدة .. انشالة الله يباوع للحال ومايشمت احد بينة لان اني داير مدايري نماذج يمكن يوزعون ثواب اذا اني تدهورت اموري .. الله لايولي بشر على بشر ويفرح كلوبنة كلنة انشالة بهل شهر بحق مصاب اهل البيت

حبي رب العالمين كال لاتقنتوا من رحمت الله

دائما خلي ببالج انه رب العالمين من يحب عبدة يحرمه الشي اللي يحبة حتى يسمع مناجاته اله

فانتي استمري بالدعاء والله مايردج وكولي كالت ميس

سلامتج نونة من كل شر والله يبعد عنج كل حاسد وحاقد شكد الناس ماتخاف من الله الله يهديهم بس ماكول غير شي

الله يخليج حبيبتي ميوسة ويوفقج انشاله ونفرح بيج ,, عيوني نور الهدى ربي يرزقج باكثر من اللي دعيتيلي بي يارب ويبعد عنج شر الناس ياااااااااارب ويجازيج الف خير على مشاعرج الطيبة