السلام عليكم بنات

اليوم رحت للدكتورة علمود الالتهاب فاطتني علاج كالت موكلش قوي عادي المهم كالت راح اطيج غسول

رحت للصيدلية دا اخذ الدوة فالصيدلي كال هذا بيكاربونات الصوديوم فاني الاعرفة حامضي

فكتله حامضي؟؟؟؟

كال ماكو حامضي بهذا الدوة يجي بس قاعدي زين هسة اني شسوي وبعدين اطانياه باودر هذا شلون استخدمة

اني ما سالت الصيدلي لان جان عبالك مستعجل فضجت وطلعت وهسة اني حايرة شلون استعمله جاوبوني بنات

ام حواء هو اريد اعرف شكد كمية المي اللي تتخفف بيها؟؟؟؟

انتظر بلكي البنات يعرفون ايلاف او لولة او شوشو؟؟؟؟؟

حبي ميوسة  هوة صح اكو غسولات حامضية واكو قاعدية  بس البيكاربونات مثل مكالج الصيدلي بس قاعدي ماكو حامضي وهوة اصلا اكو جاهز محلول دوش داخلي اني هذا استخدمة بس اذا قصدج ابو الطوز اني جنت احل ملقعة اكل بلتر ماء واستخدمة وطبعا قبل الجماع بنص  ساعة هم استخدمية لان ينشط حركة الحيامن ويساعد عالحمل ويكولون انه يساعد على تكوين الذكور

هلوووو لولة صباح اخير حبي

اي اني طوز اطانياه اني هم جنت استخدم دوش بس الادري بي حامضي وهو كال هذا غير غسول مثل ماكلتي البيكاربونات بس قاعدي وشكر على امعلومة لان ما اعرف شلون اخففة شكرا....

شلونج ويه التعب بهذي الفترة

لاحبي اكو دوش حامضي واكو قاعدي القاعدي اسمة baking soda ولوون الباكيت ابيض وسمائي 
والله ميوسة كلش تعبانة نفسي بالكوة داجرة وبارحة بالليل قست ضغطي 14\9 اتصلت بالدكتورة كالت تعاي الاربعاء ونشوف حيل خايفة 

هلو حبي ميوسة

مثل مكلولج البنات البيكاربونات الصوديوم بس قاعدية ماكو حامضية تذوبيها بالماء وتكعدين عليها بالمايو مثلا او تكبين المي عليج

بس ماافضل تسويها دوش داخلي لان اني سامعة يكولون الدوش الداخلي ينزل الافرازات الموجودة بالرحم وهاي الافرازات ضروري تكون موجودة اني هيج سامعة ولهذا ابد مااستخدم دوش داخلي

اني هم ما استخدم دوش داخلي بس تغسيل عادي اني هم سامعة هيج بس استغربت لان جان طوز شكرا حبي للمعلومة

حبي لولة تريدين تسمعين نصيحتي حبي لاتجازفين انتي اول شي دخلتي بشهرج ماشاء الله بخير وسلامة وانتي اصلا راح تسوين عملية فسويها هسة احسن

الله يخليج سمعي رايي مراح تخصرين شي اول شي تخلصين من التعب وثاني شي الحالة النفسية والخوف سويها وبلا هالانتظار

بنات اني بس بحساب السونار فايتة بالتاسع لكن حساب الدورة باقيلي 12 يوم يلة افوت وهية تكول اني اعتمد على حساب الدورة معلية بالسونار متحملت رحتلها اليوم وفحصتني وكالت ماكو علامة ولادة والله تعبت توسلت بيها تجيبني بس مقبلت كالت تحيرين بمصيبة الحاضنة واسبوع اللاخ بنهايتة كالت هم تعاي افحصج ونشوف

حبي اني استخدمت بيكاربونات الصوديوم الطوز ونفس الطريقة الشرحولج بيها البنات مقصرو بس اريد اعرف شنو هذا الدوش الداخلي اني مامستعملتة ...لولة حبي الله يكومج بالسلامة حقج نفسيتج تتعب بس الله يوكفلج ان شاء الله وتكومين بخير وسلامة

حبي شوشو الدوش يصير فد شي مثل الحقنة مخروط الشكل يشبه العرموطة مفتوح من الاعلى يخلون الغسول بيه ويدخلوه بالمهبل اسفة على الشرح بس حتى اوضح ويدفعون الغسول بس هذا خلط لان ينزل المواد المفيدة المفيدة

فاني ماانصحج تستعمليه

..........

لولة

اني اختي جان بعدلها 15 يوم وتدخل بالتاسع من جابت ابنها وسوت عملية وابنها ماشاء الله ما احتاج حضانة ولا شي

بس اكيد دكتورتج اعرف وهسة تشوفين بس تدخلين بشهرج ثاني يوم تجيبج

وتكومين بالسلامة وتفرحين وتفرحينا وياج بشوفة النونو الغالي يحرسه الله انشاء الله

حبي شوشو شكرا ربي يفرح قلبج وتحبلين بسرعة وميوسة شرحتلج عالدوش  اني مرات اتعاجز اشتري الطوز واخفف فاستعمل الدوش حتى لو بس خارجي  لان اكول هوة جاهز مخفف
ميوسة حبي هية تكول اني مو شطارتي انه اجيبج بسرعة وانما اريد اجيبج طفل صحتة زينة وتكول ليش اني ماخاف على سمعتي اذا صار شي بالطفل  من كالت هيج البارحة شوية برد قلبي وكالت خابريني يومية كوليلي شكد ديصير ضغطج ومثل مكتلج الاربعاء كالت ضربي ابرة الرئة وتعاي الخميس للمستشفى ونفحص اذا اكو علامة ولادة ادعولي بنات  بلكي الله يسهل ويتصلب راس الطفل او ينزل شويية ليجوة لان كالت اذا اشوف عندج علامة ولادة ادخلج عملية بس اذا هم اجلج للاسبوع البعده نفحص وهكذا ادعولي عفية واني مراح اقصر وادعيلكم كلكم الله يفرجها عليكم بحق الحبيب محمد علية السلام

حبي والله مناسيتج بس ادعيلج

واله يسهلج انشاء الله وتولدين الخميس وكولي كالت ميس انتي الخميس تشوفين ابنج بحضنج

بنات شو صايرة اعرف شغلات يعني ذاك اليوم خابرت كرايبنا داخلة بشهرها ومصارت عدها ولادة وهي بجر جان اكوللها انتي على الاكثر والدة وعملية تسوين

وصدك الاحد الصبح خابروا صايرة عدها ولادة بس اتعسرت ولدوها قيصري

اني شنووووووو؟؟هههههههههه

الله يسمع منج قلبي ميوسة هوة بعد الاربعاء اضرب الابرة والخميس اسوي دوبلر وتفحصني بلكي يطلع كلامج مظبوط وتحن علية وتجيبني الخميس ربي يفرح كلج والله متتصورين شكد بالي وادعيلج الله يرزقج بالقريب العاجل بالحمل السهل والسريع يارب

حبي تسلمين

الله كريم