هههههههههههههههههههه يطولي والله اخوش سحكه محد انتبه مو

هي زوجي يكولي وليس يطولي

هلو بنات شلونكم شخباركم اني ماعندي اخبار جديده كاعده وساكته بس اريد افتهم من هندان الرعايه بلمستوصف شتسوي يعني لازم اسجل لو عادي وشنو صدك اكو تلقيح الي

بنات منو بماليزيا نسيت نونا يمكن اريد اسئلها عن الاجارات والعيشه هناك شلونها واكو شغل لو لا

ام حواء طمنيني شلونج وحركه الطفله شلونها بالي يمج

هلووو بنات شلوونكم حبايب وحدة وحدة
طبعا البارحة رحنة نفتر على الدكتور ايهم وماكو بعدين كالونة طلع تقاعد وراها كلونة روحو لمستشفى كمال السامرائي فتحو فايل مال فحوصات طبعا وصلنة ساعة 11الصبح ماكو ولا طبيب كالو السبت لازم تجون ولازم تجيبولنة تحويل من المستوصف اول يعني لعبت نفسنة وراها زوجي كلي ليش منطلع هسة لكربلاء نزور كتلة يلةةة والله طلعنة العصر اخذت امي ورحنة زرنة ودعيتلكم والله اجيتو ابالي كلكم وكولش حلوة جانت الزيارة مكانكم خالي رجعنة بنص الليل وبقينة ابيت اهلي وقبل شوية رجعت للبيت كلت خلي اسلم عليكم باجر ان شاء الله نروح للمستشفى ونشوف شيكولونة

هلو بنات شلونكم تسلمين ميوسه علنصيحه ان شاء الله الاحد اروح
شوشو زيارة مقبوله ان شاء الله والله ينطيكم الي ابالكم

هلو بنات شلونكم
ام حواء معرفتي شنو سبب وفاة بنت صديقتج ياربي والله خليتيني اخاف
الله ليمررنا بهيج موقف بحق محمد وال محمد

شكرا حبايبي ميوسة واميرة ونونة ربي يفرحكم دنيا واخرة ويتمم حملكم على خير وسلامة 
دودو حياتي سلامتج ومبروك الاجازة والله افتقدناج
ايلاف شونج حبيبتي انشالة بخير

شوشو حبي اني من رأي هندان كلامها صحيح اني هم هيج سمعت يكولون بس يضيعون الوقت وبدون فائدة

هنودة ليش لازم الطفل متحرك وبعدين التلقيح؟؟؟

هلوووو بنات شلونكم حبيباتي مشتاقتلكم والله صارلي جم يوم مشغولة وماكدرت افتح نت واطب للمنتدى
شلونكم شخباركم ماكدرت اقرا كل كتاباتكم ان شاء الله الكل بخير
بس والله هسه قريت على هاي صديقة ام حواء كلش اتأثرت عليها يارب شلون اختبار صعب الله يصبرها يارب وحبيبتي ام حواء ماكو داعي توهوسين لان سألتيها هذا شي طبيعي انتي بس ادعيلها بالصبر خطية والله ظل بالي يمها هسه هي شلونها وهاي اول طفل الها؟
باقي البنات شلوونكم ياااارب الكل بخير

هلووو ميوسة حبيبتي شلونج عمري لا تنقهرين عليها والله ادري اللي مريتي بي صعب كلش والله انتي دائما تجين ابالي واكول الله يساعدها بس الحمدلله الله عوضج وباذن الله يتمم عليج وتكومين بالسلامة عمري

هلووو ميوسة حبيبتي شلونج عمري لا تنقهرين عليها والله ادري اللي مريتي بي صعب كلش والله انتي دائما تجين ابالي واكول الله يساعدها بس الحمدلله الله عوضج وباذن الله يتمم عليج وتكومين بالسلامة عمري

هلو بنات شلونكم تسلمولي عالرد حبي هندان ماقصرتي يايرب تكومين بالسلامة وتشوفيج ضناج بحضنج وتنسين كل التعب والبهذلة ياربي والله اني اليوم رحنة للمستشفى طبعا زوجي صعد للدكتور واني ظليت انتظر فوك الساعة والدكتورة مجاية وراها نزل زوجي كلي كومي انتي ميحتاج تدخلين للدكتورة خطية عاد طلعنة كتلة اي اني هم لعبت نفسي هوة تحاليل ومسوية اني وزوجي كايلة الطبيب انه تسوي عملية لازم كتلة اي خلي نشوف طبيب زين ونخلص جان يكولي اني مااسويهة هسة كتلة ليش يكولي مو هسة اني هسة عندي شغلات طبعا اني عبالك ضربني بسيف اني دااعرف بي هوة ديعاند ومااكدر اضغط علية لانه اخاف على مشاعرة بس والله محتركة هسة من جوة هسة هوة وكت عناد والايام دتمشي ورح يصيرلنة سنة مااعرف ليش هيجي ديسوي كلولي شلون اقنعة
حبي ام حواء الله يعين كلب صديقتج المسكينة وانتي خلي اسمانج بالله قوي وميوسة وايلاف ول البنات ربي يكومكم بالسلامة

ميوسة حبي شلونج ام حواء تسلميلي الله يسمع منج ميوسة اني اخاف العلاج ميجيب نتيجة وحتة اذا علاج مايروح الدوالي يعني ترجع وره فترة زين انتي زوجج ليش مسوة عملية اذا دوالي وشكد صارت نسبتة ورة العلاج وقبله شكد جانت احنة اي واحد دنروحلة يكول عملية شمعرفني والله دخت وميوسة تعرفين شكد تكلف العملية وهذا الطبيب عيادتة بالحارثية ؟

هلو بنات شلونكم يارب الكل يكونون بخير .. حبي شوشو مااعرف شنو جانت وضعية ميوسة والحمد لله الله دفع العملية عنهم وياربي يدفع كل سوء عنهم وعن الجميع بس اني كتلج من تجربة ناس قريبين علية من العائلة وزوجاتهم صديقاتي فيحجولي كلشي مسأله الدوالي مااله غير العملية وعيونج عمليتهة متخوف اصلا ماحسينة بيهم مسوين عملية واكو واحد بيهم كال عندي حصو بالكلى وسويت عملية وشلتة ومحد درة فزوجتة جانت تفلت كالتلي سوة دوالي والحمد لله ورة فترة صارت حامل .. تصدكين خلال هاي ال3 اشهر الفاتت 3 من اصدقاء زوجي سوهة العملية نفسهة وعادي جدا.. هية اذا شفتي حتة بالنت يكولون مالهة غير العملية لان اي علاج وقتي اذا انهملت ورى تخللي الوضعية تسوء واكو بالناظور هاي ميحس بيهة لان يربطولة الوريد المغذي للخصية ويقلل الدم الواصل وبالتالي درجة الحرارة تنخفض وهوة هذا اللي يعني انو العملية نجحت لان هية من يزيد الدم ترتفع الحرارة وتكتل الحيوانات المنوية .. اما زوجج فهوة مبالغ بخوفة من العملية وحقة لان احنة بمجتمع ذكوري جدا وكلشي يربطو بهذا الموضوع وهذا يسببلة ضغط فالله يساعده مع العلم هية السالفة كللش تافهة فاذا تردين تقنعي كليله مسأله هية حقيقة وكليلهياه بهدوء وخلليج نحنوحة شوية وعاطفية حتة لاينجرح كليلة انو نسبة الحيوانات المنوية ماتقفز الا بعد مرور من 4 الى 6 و اشهر من العملية يعني حتة اذا باجر سوة العملية فينرادلة 6 اشهر يالله تصير الامور اوكي واحنة نتأمل من اول محاولة وراهة يصير حمل بس الواقع مو بالضرورة مو لان اكو مشكلة لاسامح الله .. بس لان من الطبيعي والزوجين مابيهم شي يصير تأخير بالحمل .. ممكن كلامي يكون مزعج او يدفكم لحل انتو ماحابي بس اني من البداية كتلج عملية وجننة متمنين غير هذا الشي يكولون الاطباء بس مادام كالو فانشاله هية سهلة وتجيب نتيجة وماانصحكم بالتأخير يمكن لهجتي تخوف وتضوج بس امشي ورة اليبجيك هاي الامور شوية همو ايدكم بيهة وكلنة ندعيلكم بالخير ويارب بحق الله واهل البيت ماكو الا العافية بس ينراد مواجهة وكلشي يهون

وبالمناسبة ماكو علاج يروح الدوالي لان هوة توسع بالوريد يعني فد شي مطاطي وتوسع فالعلاج ممكن يخفف من تأثير الحاله السلبي وينشط بس مايروح المسبب الاصلي وممكن ناس يكلولهم دولي بس همة مابيهم دوالي فيستجيبون للعلاج واكو دوالي موجودة بس ما مأثرة على عدد الحيوانات المنوية هاي الحاله متحتاج عملية شلون مرات التكيس موجود بس ما مأثر على التبويض فهذا ميحتاج منشطات بس مادام اثر على الخصوبة فلازم اساس المشكلة يتعالج وانشاله هانت ومابقة شي

حبيبة كلبي ميوسة ربي يخلليج ويوفقج وانشاله ماعدكم غير بس العافية يارب شوفي مو كتلج اكو موجودة اتصور مثل حله زوجج بس ما مأثرة ذاك الكد لان مرات سببهة موقعي بسبب كثر الوكفة او على كولتج الملابس الضيكة فممكن الواحد يتلاحك الموضوع بس مرات تكون مأثرة وحجمهة بالسونار جبير فهاي ينرادلهة عملية وهوة بس لو الله يهدي اني ليش متحمسة لموضوع العملية واشوفهة سهلة لان من كد مااشوف حالات جاي تصير كدامي ويسوون عملية وكلشي يمشي تمام حتة من غير مااحد يعرف ويااختي خللي يسويهة ويكول اي شي حتة لو مثل هذا اقاربنة يكول حصو بالكلى او حصواية نازلة بالحالب ومتقبل تنزل وسحبوهة بالناظور وهاي السوالف وهية الناس اشمدريهة يعني هية شدتهة كم يوم ويطلع ومحد يدري انشاله الله يهدي وكلشي يمر بسلام ياااااارب