حبيباتي الي مثل حالتي ادعولي بالصبر والله يطفي نار كلبي قبل اسبوعين بنتي ماتت ببطني بالشهر السابع للحمل بسبب ارتفاع مفاجئ للضغط والله يعلم شكد تعذبت بحملي حتى افرح بشوفه بنتي واشم ريحتها وسويت عمليه قيصريه وطبيبتي كالت منا لست اشهر مو مسموح الحمل. واحس روحي راح تطلع واتمنيت لو اني ميته ولا كلبي هيج محروك الله فرحني بحملي بعد سنه من زواجي وتحملت المر وبطلت من دوامي حتى اتفرغ لرعايه بنتي وكلشي خسرت واحس روحي ضايعه وما الي نفس بالدنيا بعد منو مثلي والله فرحها وفرج عنها ساعدوني الله يجبر بخاطركم وميشوفكم شر

حبيبتي جنة شلونج واهلا وسهلا بيج نورتي المنتدى
والله انقهرت عليج وداأحس بحالج الله يعينج حبيبتي بس صدكي اجرج جبير عند الله وان شاء الله هي هناك تفيدج انتي وابوها راح ادخلكم جنات عدن ترى الجنة تسوى اكثر واني ادري شكد صعبة وهي لان صعبة اجرها جبير بس من تذكريها كولي
اللهم اجرني في مصيبتي واخلفلي خيرا منها
وكوني على ثقة انه الله راح يعوضج بالاحسن منها وهسه تشوفين احنا هنا عدنا بالمنتدى اكثر من وحدة فقدت طفلها بالشهر السابع وماشاء الله عوضهم ومنهم اليوم ام حواء الحمدلله الله عوضها وفرحتنا وميوسة الحلوة هم قبل يوم الولادة توفت طفلتها وهسه هي حامل وادعيلها الله يتمم حملها على خير وتجي وتفرحنا مثل مافرحنا اليوم بام حواء وهوايه اكو مثل قصتج الله عوضهم
اني قبل اسبوع جنت بزواج اقرابائنا هناك شفت وحدة من اقربائنا وهي صديقتي بنفس الوقت لان احنا بنفس العمر امي وامها بنات عم بس اني وهي تربطنا علاقة كلش قوية المهم ماطولها عليج هي تزوجت قبلي وراسا صار عدها حمل وهم خطية ارتفع عدها الزلال بشهر الثامن وماتت الطفلة وشصار بحالها خطية فقدت من البجي والقهر وكلتنا انقهرنا عليها
وبعدين حملت وراها بس ماذكر ورا شكد وهم خطية بالثامن يرتفع الزلال وتموت الطفلة طبعا هاي تخبلت
وهم شلون ايام جانت وجانت بس تبجي وتخابرني وحتى اني بعدني ما مزوجة وتكعد تبجي وتكلي ماكدر انسى بناتي واكعد اصبرها واواسيها
بعدين الحمدلله حملت وجابت بنية ووراها بنية ووراهم ولد وكالت هذا هو كافي واخذت مانع وحملت ببنية يعني ويا المانع صار عدها حمل وماشاء الله شلون بنية بيضة وحلوة وشعرها اصفر
واني شفتها ذاك اليوم كالت تذكرين شكد جنتي تصبريني والله كلامج طلع صحيح والله عوضني باكثر ماجنت اتمنى تكول جنت انام ودموعي عالمخدة هسه انام وجهالي يمي ومرات انام وتعبانه من شغل البيت والركض خلفهم بس اكول الحمدلله هالتعب ولا ذاك التعب
وكالت هسه انتي هم الله راح يعوضج
واني هم اكلج حبيبتي باذن الله الله راح يعوضج وبعد لا تكولين اتمنى اموت ابد لا تعيديها خصوصا كدام رجلج الله يحفظلج رجلج وتملون البيت بنات وولد حبيبتي بعد كدامكم الحياة واللي انطاج اول وحدة ينطيخ غيرها
وانتي دائما طبي للمنتدى واحجي ويانا راح يخف عليج همج وان شاء الله البنات ابد مراح يقصرون وياج
واعذريني طولت بالحجي بس والله لان تفاعلت بقصتج وحبيت ازرع بيج الامل والله يعوضج ويعوضني ويعوض كل محرومة
سلامي الج

حبيبتي نور الهدى الله يخليج ويسلم لسانج وربي انشالله يكتبلج الاجر مثل ما صبرتيمي بكلامج الحلو واتمنى من ربنا ميشوف شر لاي وحده ويفرح كلب كل محرومه من الفرحه ويصبرها ويا رب يتمم حمل الكل على خير وميشوفون شر بس صدكيني اني دخلت للمنتدى لان كلي ثقه اكو بنات مثلي وردت اعرف شلون تجاوزو محنتهم الحمد لله اني معفت لا الادعيه ولا القران ومؤمنه بقضاء ربنا واتمنى من الكل يتفاعلون ويه اي وحده عدها محنه وواحدنه يساعد الثاني
مره ثانيه اشكرج حبيبتي وربي يجازيج ويفرح كلبج

حياتي جنة الله يساعدج ياربي ويعوضج والله حيل قهرتيني بقصتج ان شاء الله تفرحين بأحلى نونو عاجلا لا اجلا

حبيبتي اني حملي الاول هم فقدتة جنت حامل بتوأم وماتوا ببطني بشهر الرابع
وبعد ست اشهر رب العالمين عوضني بحمل ثاني وحاليا اني بالشهر السابع وحامل ببنوتة
الله يعوضج حبيبتي ويعوض كل وحدة فقدت طفلها

حبي نفس قصتج اني هم ابني الاول مات باخر اسبوع بالشهر السابع وهم من ورة الضغط وهم تاخرت 6 شهور يلة حبلت وربج رزقني ببرهومي الله يعوض حياتي وشتحجين حقج ربي يعوضج بالقريب العاجل ان شاء الله

حبيبتي ايلاف الله يتمم حملج وتجيبين بالسلامه ويا رب عوضنه على الله هو الادرى بحالنل

لوله حبيبتي الي ذابحني انه جنت اراجع طبيبه وبده ضغطي يرتفع وكلشي مسوت وورمت واي اجراء متخذت اخر ايام يله انطتني حبوب وهسه راح اخليها على الله احسن من كل طبيب ويا رب يخليلج برهومي ويبعد عنه العين ويحفظه

والله بيتيني على همج اكثر من همي الله بجاه هاي الايام الفضيله يكومج بالسلامه وتفرحين بشوفه الطفل سليم معافى وتحضنيه وينسيج كل هم وما عدنه غير رب العباد هو ادرى بحالنا وهو الي يسمع شكوانا واذا اختبار يا رب حسن العاقبه

بس عندي سؤال اني هسه بقى عندي الضغط وهسه دا اخذ حبوب ضغط واسبرين يعني عادي اذا صار عندي ضغط اكدر بالمستقبل يصير عندي حمل طبيعي؟؟

حبيبتي ميوسه اني هسه دا اجيك ضغطي ودائما مرتفع وهسه ويه الحبوب يله اقرب للطبيعي واسبرين هم مستمره عليه لان ديوصل ضغطي ١٨/١٣ واعتقد سبب الحاله النفسيه الي اني بيها واني اخذت حبوب تنشف الحليب مباشره بعد العمليه وهذا سبب قلقي انه الضغط بقه مرتفع لحد الان

الله يسمع منج حبيبتي ويا رب يرحم امج برحمته الواسعه ويرحم امواتنا ويشفي كل مريض ويا رب بعد العسر يسرا

حبيبتي جنة اني هم نفس حالتج جنت اراجع عد طبيبة تعبانة هم اروح اكولها الحركة قليلة وحيل ورمت هم ولادارت بال ومن مات ابني حولتني على طبيبتي الحالية الله يرضى عيها جيبتني لان التحفة ميسون فاضل مقبلت تجيبني اووووف شنكول غير الحمد لله والشكر باعي حبي ترة هوة ضغط الحمل يشكل 3 شهور ورة الولادة فلازم تتبهرزين لحد مايروح منج وهم لاتخافين حتى لو جلب وياج عادي يصير بالحمل تاخذين ادوية معينة للضغط لاتشيلين هم بس خليج وية طبيبة شاطرة وايدج بايدي وربي يعوضج حياتي وحياتي حاولي تضعفين حتى يقل ضغطج اني من جبت برهوم ظل ضغط عندي فسويت رجيم وهسة زين

حبيبتي اني سمعت اكو دكتوره ذكرى بالحارثيه تتابع حالات ارتفاع الضغط وهسه بهريز وادويه ودايت وانشالله يروح الضغط لان دا الاحظ بس اتوتر كلش يرتفع واحاول هذي فتره اضعف بيها واخذ بس مواد مفيده للجسم
تسلميلي حبيبتي رفعتي معنوياتي ويا رب يعوض الكل بالخير والذريه الصالحه

حبيباتي شلونكم يا رب تكونون بخير اني جنه اذا تتذكروني صارلي 8اشهر بعد موت بنتي وللاسف رحت طبيبه تركيه وطلع عندي lupus anticoagulant يعني تخثر بالدم ويكولولي ماكو علاج اكو احد صارت عنده هالحاله وصار عنده طفل