السلام عليكم بنات

اليوم اني 24 من الدورة والمفروض اللاثنين الجاي تجي الدورة المهم اني يوم 13 من الدورة حصل التبويض

اليوم الصبح من كنت اشتغل صار وجع بظهري وراح بعد ها فتت دا اسبح لكيت افرازات بنية شوية نازلة

المهم اغتسلت وصليت وراها ما كو اي شي بس بين فترة وفترة يصير الم بظهري خفيف وراها ادخل الحمام ينزل مثل الماي يعني افرازات شفافة خفيفة شنو هاي عفية

ممكن تجاوبوني وشاسوي؟؟؟؟؟

حبي انتي دورتج كل 27 يوم؟

حبي اني بهذا الحمل هم صار عندي افرازات بنية وبعض قطرات الدم بس قبل الدورة بأسبوع

بس من جنت اشوف الدم بالشورت تكرمين مجنت متأكدة دم ساعة اكول دم ساعة اكول افرازات عادية

يارب حبيبتي تفرحينا ومتشوفيها الا بعد 9 اشهر

بنات اني متاكدة يوم 13 الاباضة صارت لان من الافرازات واني ينزل قبل يوم من الاباضة فد شي اسفة للشرح مثل زلال البيض

وبعدها يصير الاباضة وهم من الالام مالتها هم اعرف بالاضافة لارتفاع درجة الحرارة

واني دورتي منتظمه الحمد لله كل 27 يوم بس هذا هذا الشهر اجتي يوم 25 وهاي اول مرة تصير ينزل افراز بني شوية ويختفي وهسة مرات احس نزل شي لمن ادخل الحمام يكون سائل شفاف وبس ولحد هسة نفس الشي بس الالم يروح ويجي

واني عندي الم الدورة يكون من الداخل افتهمتوا قصدي يعني موظهري ولا بطني والله واعلم اني تاركتها يم الرزاق وهو ارحم بحالي

الله يفرح قلبج ميوسة ان شاء الله هالشهر كلة خير اني ولدت وايلاف حبلت وان شاء الله انتي هم تفوتج ومتجيج الا ورة متولدين بالف سلامة ريحي حالج ولاتعبين نفسج ويارب يكون حمل

حبي ميوسة يارب تكونين حامل هالشهر وتفرحينة يارب لانه اللي اعرفه الافرازات البنية من علامات الحمل وان شاء الله خير

حبي ميوسة ننتظر منج بشارة الحمل

تسلمون بنات على دعواتكم بنات والله يفرح كلوبكم يارب

لولة نورتينا حبي

بنات اني بحملي ذاك هم نزلت افرازات بنية شوية وراحت بس بموعد الدورة مو قبل اربع ايام مثل هسة والله خايفة واني بس ادعي كون الله يفرجها عليه وعلى كل البنات يارب

لولة صدك كثري من التمر لو الدبس كلللللللش زين الج ولبرهوووووم لان نسبة الحلى الموجودة تبعد عنج وهن طفلج ابو صفار ويحسن من حليبج ويتكومين بسرعة ويعوضج حديد مو طبيعي واتمنالج دوام الصحة والسلامة الج ولبرهووووووم البطل بوسيلياه لولة

حبيبتي ميوسة سوي اختبار منزلي لان والله انتي مخليتني على اعصابي

ايلاف حبي انشاء الله راح انتظر ليوم الاربعاء الجاي يعني يصير 30 يوم يلة لان اخاف والله والشغلة الثانية احنا الخميس ع الجمعة راح نطبخ فكلت قبل مانطبخ بيوم يلة اسوي التحليل والله كريم انتي اصبري اني هسة مو صابرة؟؟؟؟؟؟

يلة حبي الله كريم ان شاء الله ابا عبدالله ينطيج مرادج مقدما

تسلمون بنات على مشاعركم الحلوة والله انتو اغلى من اخوات وحتى هذا الشي محد يدري بيه بس انتو حتى زوجي ما يدري والله يسمع منكم

حبيبتي ميوسة ياااااااارب ياااااااارب تكونين حامل وعفية اذا انتي طلعتي حامل هالشهر راح اتفائل كلش ويارب يكون هالمنتدى فاتحة خير علينا كلنا

ياعمري الله يفرح كلبج وكابنا كلنا بحق هذا الشهر والله يديم الفرحة والسعادة بحياتج وانشاء الله هذا الشهر تجين مجبورة الخاطر بحملج يارب

يااااااااااااااااااااااااااااارب بحق اصحاب الكساء وام البنين وباب الحوائج موسى ابن جعفر مايمر هذا الشهر الا وانتي جايبتلنة البشارة .. انشالة يارب حامل

تسلمين نونة على هاي الدعوة الحلوة وانشاء الله يجعلها ربي من نصيبج هم يارب

حبيبة كلبي ربي يخليج ويفرح كلبج انشالة مابقة شي وبحيل اللة نفرح بيج

تسلمين عمري

شكد ببالي انتي ياميوسة والهل كلبي يتكصكص عليج حياتي الله يفرح قلبج والله تستاهلين كل خير شكرا عالنصيحة حياتي هوة برهومي عنده شوية ابو صفار واليوم خشمة ديرشح ومكابلتة وابجي ومديصيرلي وقت افتح نت ابد كلش مخبوصة

حبي اسملة على كلبج والله انتي الطيبة ياعمري ولاتخافين ترى مسأله كلش عادية هذا الطفل لعد شعبالج

عمري الله يحفظلج برهوووم من كل شر يارب وصدك خالتلة خرزة العين؟؟؟؟ اي شي ازرق علكيها عليه خووووش

اي حبي ميوسة معلكلتلة سورة الكرسي وخرزة زرقة بكماطة يوم الج يارب

اية الكرسي تحميه من كل عين انشلء الله