البارحة رحت للطبيبة..!!!

هلو بنات شلونكم

البارحة رحت اول مراجعة الي حتة اعرف سبب التاخير بالحمل طبعا اني كلت اكذب عليهم واكولهم صارلي 9 اشهر متزوجة حتة ليكلولي بعد وكت عالفحص وميهتموون المهم ظلو ياخذون معلومات مني ووزني وضغطي بعدين الطبيبة كلتلي شنو 9 شهور بعد وكت عليج وبعدج صغيرة اني اكول تجين بعد 4 اشهر يلة نبدي علاج اذا مصار حمل لاسامح الله (هسة هية شعليهة اني اريد احبل هسة ) المهم كالت رح اسويلج هسة اني فحص واحد عينة تاخذ من الرحم وواحد للدم اذا بية سرطان اسم الله او مرض كتلهة اني مااريد هذا فحص الدم بعدين فحصتني داخلي وسحبت عينة من الرحم بتيوب ككالت هذا يسمو فحص البب اوهيج شي وكالت مداشوف شي مو طبيعي اريد اعرف شنو هذا الفحص واريد اعرف هية من فحصتني ظلت تدخل بايدهة حيل وحتة من سحبت العينة تاذيت اريد اعرف هاي الشغلات تاثر عالحمل اذا اكو؟وهسة طبعا قريت انه لازم متمارسين الجنس قبل 3 ايام ولاتاخذن دوش مهبلي قبل 48 ساعة اذا تريدين تسوين فحص عينة من الرحم وطبعا هاي اني كلهة مسويتهة قبل الفحص بنات ماادري اشو خفت

هلو شوشو هسه انتي مجذبه مجذبه جان كلتلي اكثر
اني ورا شهرين من الزواج رحت وكلتلهم متاخره سنتين ونص
لان اعرف هنا ميعالجون بسرعه

وهذا الفحص عادي يشوفون اذا اكو تغيرات بخلايا عنق الرحم
والحمد لله ماكو شي
واني كل ما بدل دكتوره تسولياه

حاولي تحجزين يم غير دكتوره وتكوليله انه انتي متاخره سنتين

هههههههههه والله ضحكتني ام حواء وشوشو

حبي حاولي بعد لتسوين دوش مهبلي لان اني قارية عليه ينزل المواد الضرورية الموجودة بالرحم اغسلي بغسول خارجي

وثانيا خاف انتي حامل هسه(ان شاء الله) واعتقد بالحمل ميصير دوش مهبلي

تسلمون بنات الله يكتبلي الحمل هالشهر ومااحتاج بعد طبيبة وايلاف وياية ان شاء الله

حبيبتي شوشو
الدوش المهبلي موزين لان اكو بكتريا بالرحم ضرورية وتساعد الحيامن على دخول الرحم وانتي بهاي الطريقة تكتليها استعملي مثل ماكالت ايلاف غسول خارجي ولا بعد الجماع مباشرة اقل شي بعد ساعتين زين اركدي شوية
زين؟؟؟

هههههه زين بس اني استعمل بس غسول خارجي ومااعرف شنو دوش مهبلي ؟ شنو يعني ليجوة .... واني ورة الجماع راسا اروح اغسل اووووف صدك مااركد

لاااااااا حبيبتي شلو ن تكومين راسا
اول شي الحيامن شلون تكدر توصر وانتي كمتي؟؟؟؟
ثاني شي الغسول او الصابون بيه مواد كيمياوية يجوز تاثر عليها وتموتها او تقتل البكتريا المفيدة بعنق الرحم وماتخليها توصل
ركديييييييييي

بنات تدرون مره سالت الدكتوره على هاي الحاله مال واحد يكوم بسرعه لو لا
وكالتلتي الحيوانات المنويه من تنقذف راسا تصعد لفوك والسائل اللي جسم المره يساعدها اما اللي ينزل فهوه بس التلفان اللي ميكدر يسبح واني من نوع بس بايام التبويض اضل شويه نايمه
اما ايام عاديه راسا باللحظه اطفر واكوم اغسل
وسبحان الله كل حملاتي خارج نطاق ايام التبويض

والله ام حواء هذا اني اللي كالتلياهالدكتورة طبعا بس بايام التبويض الوحدة اتضل نايمة اقل شي ساعة وبعدها تكوم تغسل بس بالايام العادية لاااا عادي اظفر خخخخخخخخخ

الدوش المهبلي القاعدي ابو بيكاربونات الصوديوم هوة غسلي بيه قبل الجماع بنص الساعة ينشط حركة الحيوانات المنوية ويكولون يساعد ان يسوي ولد الله اعلم بس الدوش الحامضي لاتستعمليه لان يقتل الحيامن وطبعا ورة الجماع اني انام على ظهري من نص الى ساعة ورافعة رجلي ليفوك ماعرف هاي طريقتي والحمدلله يصير عليها الحمل هم جربيها

لعد حبي اذا الصابون والغسول يقتل الحيوانات احتمال لعد بشنو اغسل ؟؟

حبي شوشو اني مدا اكول ماتغسلين مباشرة بعد الجماع يعني انتظري شوية خصوصا بايام التبويض ومثل ماكالت لولة بيكاربونات الصوديوم احسن شي لان اني هم استخدمة بس بعد ساعة يلة اغسل

حبي البيكاربونات يعني الغسول القاعدي مايقتل ابد بالعكس منشط للحيامن بس ابتعدي عن الغسول الحامض
واني من جنت اراجع عالحمل ورة الاسقاط وجان عندي التهاب الدكتورة كالت بس غسلي بالبيكاربونات قبل نص ساعة من الجماع والحمدلله مطولت شهرين وحملت ومثل مكتلج ظلي مابين نص ساعة الى ساعة نايمة على ظهري وحطي تحتج مخدة ورفعي رجلج ليفوك واذا كدرتي هزي رجلج حتى تسمحين للحيامن تفوت لابعد مسافة

شكرا لهذي المعلومة لولة لان جنت مااعرفها قبل الجماع

تدللين حبي ميوسة ربي يفرحج بالحمل القريب العاجل ان شاء الله

الله يفرح قلبج انشاء الله لولة

اجمعين قلب