السلام عليكم
هلوو بنات شلووونكم
اليوم عندي موعد سونار ورحت ويا رجلي وهاي اول مره يطب ويايه بسونار بمراحل متقدمه بالحمل

والحمد لله اتطمنت عالنونو بس بقت شغلتين شالغه بالي رغم الطبيبه كالت عادي نورمال

الشغله الاولى اني كل مره اسوي سونار داخلي وكل مره اروح الحساب مضبوط

اليوم من رحت مفروض اني 14 اسبوع و5 ايام

سوتلي سونار عالبطن لان كالت بعد كبر الجنين وطلع 14 اسبوع و 3 ايام
فشتووقعون ليش اكو فرق معقوله لان تبدل السونار وصار عالبطن

والسؤال الثاني البيبي كولش خامل حتى عبالي نايم

ذيجه المره جان يتحرك كولش يكمز حتى ضحت عبالي بي فزه
اليوم كولش كولش خمووول وكولش حاولت تحركه الطبيبه يتحرك بس بطئ كولش ورجلي حط ايده على بطني شويه كام يتحرك

وهم كالت الطبيبه عادي

ودقات القلب 120 بالدقيقه رغم اني قاريه لازم 140 وهيه كالت عادي المهم بين 100 -160

عفيه بنات ريحوني وجاوبوني عالاسئله

حبي اني اعرف اجاوب بس على اول سؤال لان بهذاك حملي موصلت لهيج مرحلة جنت حيل مريضة

حبي الداخلي هوووووووووووووووووووواي اضبط من البطن واكيد اختلاف العمر لانه اتغير السونار

ويجوز ماكو حركة لان جان تعبان من الوكاحة هههههههه

ربي يتمملج على خير حبي اتخافين

حبي اني هم من راي ايلاف

حبي ترى كلللللش عادي وخلي شوية زوجج يحجي وياه واكلي حلا وانشاء الله يجيج يوم وتحسين بالحركة يارب

تسلمووووووووووووون بنات ربي يتمم حملكم
بس يعني شاون راح ابقى قلقلانه

لااااا عمري لاتقلقين ما كو شي انشاء الله

حبي احنة بالكوة ندور سبب حتى نقلق اني هم مثلج لازم الكة شي يخوفني

ايييي والله هههههههههه

حبيبتي لا تقلقين مابي شي بس هاي يجوز الطفل تعب من تعبج بشغل البيت فارجوج اخذي راحة جم يوم بس اتمددي وكلشي لاتسوين بشغل البيت

مشكورين بنات الله كريم ما عندي غير الانتظار

حبي اني سونار عن سونار يختلف عدد الايام والاسابيع هذا كلش طبيعي وبالنسبة للحركة اجوز جنتي تعبانة فمتحرك زين واذاترديه يتحرك اشربي جاي او اكلي نستلة او اكلة دسمة راسا يكوم يتحرك لاتخافين ودقات القلب مدام ضمن الطبيعي ليش تقلقين بعد

حبي انتي مو تكولين حملج متاخر يعني اللي اعرفة انتي دورتج كل31 يوم موصح زين ايام التبويض عندج تبدي من يوم 15 صح وانتي الدورة متاخرة بوكتها من سويتي الحليل خمس اياي وطلع بالديجتال من اسبوع الى اسبوعين يعني الحمل متاخر اسبوع عن موعدة فانت زيدي اسبوع على موعد الولادة

والشغلة الثانية انتي اكلج شلونه؟؟؟؟يعني مرات يكون النو ناعم مو خشن

وادري بعد وكت على الحركة بس قصدي اكو حركة شفتيها بالسونار يجوز من التعب مالتج مال الشغل والتنظيف مووو هو هم يتعب ويجوز سويتو السونار بوكت كان بي نايم حرام عليكم ازعجتوووو تتجسسون على خصوصياته هههههه

حبي الله يطمنج عليه والله حاسه بيج بس كولي اكو والله اكو الله والنعم بالله على كولتج نريييد نحمل حملنا هااااا خاف النونو بي شي هااااا خاف فلان شي هاااااا ليش هيج هذا القلق يظل ويااانة لحد الولادة كولي يالله والله كريم

حبيبتي الله يطمنج عليه ان شاء الله

والله مرات اكول لو منعرف احنة كولشي لا تبويض ولا نمو طفل ولا شوكت النبض احسن النة

لان نضل طول الوقت دايخين وبعدين تطلع الحالة جدا طبيعية

الله كريم ام حواء روحي وطمنينا يارب بحق رسولك المصطفى والائمة ال12 يارب تفرج وتفرح كلبها وطمنا وياها الله كريم كلبي الله كريم