صبااح الخير بنات
بنات البارحة حلمت مطلعة كل شيش العطورة الي عندي بالبيت وشلون د احصيهم ولكيت وحدة منهم مموجودة



وصار مرتين احلم الذهب مالتي الكاه مطشر وكسر بالكاع واني اكعد الملمة من الكاع

والله خايفة ممكن تفسرولي حلمي

ان شاء الله خير لا تفكرين ابد
هاي بدا يشتغل عندج الوهواس مثلي

والله ماعندي علم ان شاء الله خير

الله يسمع منج حبيبتي ميوسة
تسلمينحبي لولة

ان شاء الله هذا مجرد وهواس حبي ام حواء

هلو حبيبتي ايلاف باذن الله الحلم مالتج خير الج واتوقع العطر اللي ادورين عليه هما اطفالج اللي راحو وباذن الله هم ريايحين الجنة وانتي يمكن دائما تذكريهم وان شاء الله باقي العطور هم اولادج اللي جايين وذريتج والله يجعلهم رياحين البيت ويملون عليج حياتج بالمسرات يارب.. والذهب هو شي زين بالرويا ويعني ذهاب الهم ويجوز همومج جان عندج هموم وقلق بس من صار عندج الحمل لملم همومج وعوضج عني اللي راح والذهب بالرؤيا هم ولد يجوز اللي انكسر اطفالج اللي راحو وهسه بديتي تلمين عائلتج ويصير عندج اطفال ويجوز جان اكو عين عليج هي سبب اللي راح وجانت مبعده عنج الحمل بس الله صرفها وبديتي تلملمين وتقربين عليج الضنا وابتعد عنج كل انسان راد يفرقكم .. يعني حبيبتي باذن الله هذا الحلم هو خير الج ويبشرج بحياة جديدة وتعويض عن اللي شفتيه من هم وباذن الله تشوفين ضناج بين ايديج سالم معافى كامل الخلقة ينسيج كل الهموم ويعوضج بكل خير يارب

تسلمين حبي نور الهدى والله ريحتيني هواية ربي يرزقج بالذرية الصالحة باقرب وقت ياربي

حبيبتي ايلاف تسلمين والله يسمع منج يارب

حبي نور الهدى همزين اكو وحدة تعرف تفسر احلام وطريقة تفسيرج كلش حلوة والله يسمع منج ويفرح كلب ايلاف بشوفة ضناها

ويفرحج ويفرج همج يارب

تسلمين حياتي ميوسة على الدعوة الحلوة

تسلمون بنات الله يسمع منكم يارب

والله نور احلى تفسير فسرته ايلاف حبي وياربي بس الخير لا تفكرين هوايه وخليج مسترخيه وفرحانه بالحمل وخليها على الله وان شاء الله يمر الحمل بسهوله وتشوفين احلى مولود او مولوده بين ايديج وياربي يوم لنور الهدى وشوشو واليه وللجميع اللي يتمنون