حبي الف هلة بيج .. بالنسبة لهاي المشاكل هواي من عدنة والله قبل الزواج جننة نشكي منهة ممكن مو نفس التفاصيل اللي ذكرتيهة بس عموما مشاكل عدم انتظام الدورة تصير عد اغلب البنات .. لاتخافين وعيونج ورة الزواج كله ينتظم وخصوصا وية اول حمل لان الحمل ينظم الهرمونات كلهة وتصيرين مثل الورد لاتشيلين هم انتي هاي الافرازات من تتخربط الدورة تصير هاي الافرازات اللي بالوان ودرجات الدم كلهة من ماتجي الدورة بوقتهة تنزل بس انتي لاتوهوسين هواي اذا تفاقمت المشكلة لاسامح الله كملي وية العلاج واذا مشت الامور وتكدرين تتحملين فوعيونج من تتزوجن كلشي ينحل حتة لو بشوية علاج بسيط بعد الزواج يصير ابسط لان يكدرون ينطوج العلاج اللي ميكدرون ينطوجياه هسة وماعندج غير العافية ولاتقلقين ابد

تسلمين ام حواء الله يخليج ياربي ويسعدج ان شاء الله

تسلمين حبيبتي ميوشة الدكتورات هم كالولي هيج بس اني الوجع تعبني هواية وحتى صدري هم يوجعني هواية بالفترة الاخيرة بس الصدر الايسر تعبت من الوجع لذالك كتبت

حبي الالتهابات هية الوضع الطبيعي لحاله تكيس المبايض لان هاي الحاله تسبب نقص بهرمون الاستروجين واللي يخلي الاصابة بالالتهابات اسرع من الضروف العادية اما بالنسبة لوجع الصدر فاغلب حالات تكيس المبايض تكون مرافقة لزياده هرمون البرولاكتين (هرمون الحليب) واللي زيادتة تسبب الم بالصدر فلاتقلقين كل اللي بيج هيه عوارض جانبية او اعراض طبيعية لتكيس المبايض فانتي حاولي مثلا تحلليلين البرولاكتين علمود الم صدرج اذا متكدرين تتحمليه واكو علاج اله خللي الطبيبة تنطيجياه وماكو الا العافية

الله ينطيج العافية نونة ويخليج ياربي تسلمين حبيبتي اني فعلا حللت وطلع مرتفع والدكتورة كلشي ما انطتني بس كالت مرتفع هواية ههههههههه تقريبا كل الدكتورات اللي رحت الهم شايلين دماغهم وحاطين ما ادري شنو بمكانه ههههههههههههه كل وحدة تتفلسف شكل ان شاء الله خير وراح اشوف دكتورة تفهم واروح الها يارب خير وتسلمولي على تفاعلكم وياية

حبيبتي اذا تريدين نصيحيتي اني جان عندي تكيس وروحته بشهر واحد من اجتني الدورة بلشت اشرب الصبح اغلي زنجبيل وقرفه عيدان دارسين وبابونج وزهورات وحلبه وحبه البركه وحبه سوده وقرنفل وكمون حب من كلشي ربع خاشوكه انتي روحي للعطار كل هذني عنده اشتري بالفين من كلشي ما يكلفن واشربي الصبح كلاص بخاشوكه عسل والظهر كلاص وبالليل كلاص واكل تمر هم وشوفي شلون تنزلج الدورة ويتنظف الرحم كله من اول يوم بلشي لحد ما ينظف الرحم كله من تخلص الدورة والشهر اللاخ هماتينه واني والله شهر اللاخ ما احتاجيتهن نزلت طبيعي وماكو اي الم ورحت للدكتورة كالت ماكو التكيس كله نازل ويه الدورة جربي وماراح تخسرين هذا اعشاب اذا ما نفعت ما تضر والله المشافي وسلامتج حبي