موقف غريب صادفنا اني وزوجي

هلو بنات شلونكم
بنات البارحة جنت طالعة اني وزوجي بالداوودي نتمشة ونفتر بالمحلات هناك اجة واحد علينه شكلة جان مرتب وحلو بس نحس به عقله مو طبيعي
اجة وكف يمنا وظل يباوع عليه وعلى بطني ظل مشوار
اني وزوجي عبالنا يريد فلوس
جان يكول لزوجي اني اريد احجي وياكم زوجي كله تفضل
كله هاي زوجتك بعد اربع اشهر تجيب***اني هسة بالخامس***
ورح تجيب ولد مو بنية مثل ماانتو تدرون
وانتو مكتمين على الخبر وظلو مكتمين
نوار كله الله كريم
كله ان شاء الله مثل ماكتلك وكول امين زوجي كال امين
جان يعيط علينا كولوا امييييييييييين
جان اني ونوار صحنا اميييييين
كال يلة روحوا*****
بس احنا ظلينا صافنين هو خطية مبين عقلة بي شي وعلى كولة زوجي هذا من اهل الله يصير وعلى نياته
بنات شنو رأيكم بالموضوع؟؟؟؟؟

ههههههههههه ميوسه خذوا الحكمه من افواه المجانين

خليها يم ربج واللي يجي من الله اهلا وسهلا بي
ومتدرين بس الله يعلم ما في الارحام حتى لو مليون سونار

بس عجبني الموقف

والله يا ام حواء كلامج صح
احنا هم رح نعوفها حتى زوجي كال بعد لانتاكد ولانسال اهم شي نشوفة بصحة وسلامة وهو يكون هدية من رب العالمين فكلنا بعد مانشوف الجنس ونتاكد نخلي انه بنية وليوم الولادة ربج يفرجها
ههههههههههه بس حلو الموقف مووووو؟؟؟؟؟؟؟ موقف غريب صادفنا اني وزوجي 2306762293

هلووو ميوسة حبيبتي شلونج
ههههه والله زوجج صبور هاي لو زوجي جان رأسا اخذني للسونار
عموما مثل مكالت ام حواء اهم شي تمام الخلقة وبي يفرحج بمولودج ان شاء الله

تسلمين قلبي ايلاف ان شاء الله
اجمعين يارب
اي والله الحمد لله اني وزوجي الله ذاب علينه برود مو طبيعي حتى الناس يكولون هاي شلون صابرين لان احنا لحد هسة محد يعرف بنيه وهسة صار هذا الموقف احنا تهنى فكلنا نعوفه على رب العالمين احسن هو من عنده الفرج
والفرحة تصير احلى

حياتي المهم اتمام الخلقه اكولج مكلتي اذا ولد ان شاء الله شنو تسمينه واذا بنيه شنو تسميها ؟؟

ميوسة صدك موقف غربيب سبحان الله والله تدرين انتي من حملتي جان عندي احساس كولش قوي بيج ولد حتة تفاجئت من كلتي بنوتة والله احلى نعمة واحلى هدية اذا بنوتة واذا ولد اهم شي ربي يتمملج وتشوفي بحضنج حبيبتي

حبيبتي ميوسة شلونج طبعا الموقف كلش غريب وحلو بنفس الوقت وترى جنس الجنين هو من علم الغيب وياما السونرات غلطانه ويجوز حجي هذا الرجال صحيح واللي يجي من الله خير سوأءا بنت او ولد اهم شي الخلقة التمام وتكومين بالسلامة يارب سلامي الج عمري

تسلميلي ياوردة حبيبتي ربي يرزقج من اوسع ابوابه وتفرحين بشوفة ضناج بالقريب العاجل يارب

صدقيه لانه قريب من الله وكان لى عم كدة وكان كل اللى بيقوله بيتحقق سبحان الله ويارب اللهم ارزقنا بكل اللى نتمناه