بنات عندي سؤال؟؟؟؟؟

السلام عليكم

بنات عندي حالة داتصير صار تقريبا اكثرمن اسبوع

كل مشوار احس فد شي ينزل مني لمن اروح للحمام الكي شورت متبلل وماكو اي افرازات واذا تنزل فتنزل ثخينة وبيضة بس هذا لامثل المي ومرات يوصل للبجامة اللي لابستها او حتى الكلابيه

وماكو اي ريحة تكرمون مال الادرار او غير شي بس مي

معقولة داينزل مي مني

وجمالة الطرق كلها مسدسدة يمنا وحيل بهذلة ولادكتورة كاعدى ام سونار بلكت الباجر اذا انرفع الحضر اروح للدكتورة لو على الاثنين

هاااا اتذكرت وخصوصا من اكون نايمة او كاعدة فترة واكوم يبنزل بمعدل ربع استكان

فشتكولون هذا شنو؟؟؟؟وبالنسبة للجماع تقريبا بالاسبوع مرة نسوي بس ماكو قذف داخلي لان عندي تقلصات الدكتورة ماتعتنا

والله اني مااعرف بهاي الامور بس اتصور افرازات الحمل عادية مدام ماكو ريحة والافرازات بيضة يعني مو صفرة او غير لون فاعتقد عادي ومابيج الا العافية

حبي ميوسة اني هم صار ينزل مني مي هواية قبل فترة حتى كتبتلكم تتذكرين ؟؟
طلع عندي التهاب اخذي كورس دوة التهابات وماكو شي ان شاء الله

حبي سلامتج عمري وماعندي اي جواب لان ما اعرف ليش بس احسن شي تسئلين الدكتورة وان شاء الله مابيج غير العافيه

هلووووووووووووو ميووسه حبي
ما ادري شكولج اذا استمر وتكولين ربع استكان روحي للطبيبه احسن
ومدام تحسين اكو حركه قويه لاتخافين ان شاء الله
لان الطفل من يقل المي تقل الحركه
لان المي هوه سائل ملحي يخلي الطفل يطفو ويلعب ويضرب براحته
بس من تقل المي تصير حركته صعبه
هاي من الناحيه العلميه

ومن الناحيه العاميه اعتقد هاي مجرد افرازات لان كل متتقدمين بالحمل تزيد ومرات تصير هوايه ومرات قليل
واني هم مره كتبتلكم دائما احس روحي متبلله بس فتره وراحت
هم تخبلت بوكتها ومن الوهوسه كل 5 دقايق افوت للحمام تكرمين

بس راحت من وحدها الحمد لله يجوز مثل مكالت ايلاف التهاب

وان شاء الله تنفتح الطرق وتروحين سونار وتتاكدين

وبالنسبه للجماع اذا ما نعتكم الطبيبه حتى بالاسبوع مره اجليها هسه لحد متدخلين السابع
وعموما اذا الحمل طبيعي وما بي مشاكل حتى لو يوميه وعلى كيف ميضير

تسلمين حياتي ام حواء طلع شوية التهاب مثل ماكالت الوووفة
والحمد لله

الحمدلله على السلامة حبيبتي

» عندي استفسار بنات ممكن تساعدوني
» بنات سؤال ولا تفهوني غلط !!
» بنات سؤال عن الاكل الحار
» سؤال عن الشهر الخامس
» سؤال

بنات عندي سؤال؟؟؟؟؟

بنات عندي سؤال؟؟؟؟؟

مواضيع مماثلة

مواضيع مماثلة