هلو بنات

اني البارحة جنت حيل تعبانة ودوخة قوية

اليوم الصبح كعدت راسي ثكيل وقبل شوية اذاني قبطت

عندي جهاز لقياس الضغط قسته

طلع150\85

وهم خابرت على سكرتيرة الدكتولرة اريد اروح اليوم تكولي ماكو انتي موعدج باجر وكوللها الضغط صاعد تكلي مشكلتج زين شسوي هسة اني والله كلش خايفة بنات ساعدوني

اني زوجي مدا يقبل يكول هي تعرف بحالتج روحي شوفيها شدكول وبعدين اذا مااعتنت بيج زين عود نروح على ريا.....

حبي بالنسبه الي ما اعرف ادويه الضغط بس اكلي ليمووون هوايه اً فوري قوري نومه بصره

حبيبتي ميوسة ماعندج غير العافية مثل ماكالت ام حواء شربي نوم بصرة واكلي نوم اني مرة جنت يم الدكتورة وكالت لوحدة نوم البصرة يفيد بخفض الضغط ومايضر بالجنين بس الافظل للحامل هو دوا الضغط لان مفعولا سريع بس انتي هسه بحالتج يفيدج كلش لان باجر موعدج فهاليوم حاولي تنزلي بهالاشياء وشي ثاني هم شربي مي هواي هم يخفض الضغط وماعندج الا العافية حبي وعود هم رجعي طمنينا

تسلمون بنات انشاء الله اني سويتلي عصير ليمون والله كريم بس كلش ظجت من الدكتورة يعني اني من البارحة اخابر عليها وتكولي لاتجين انتي موعدج الاثنين يعني اني وضعي غير شي تكول شسويلج اني عندي حجز وامشي عليه يعني الوحدة تموت على ما يجيها السرة الباجر الا اروح وارزلها شنو عبالك مانتنا بمنيه.....

سلامتج حبي ولا تظوجين وفعلا باجر من تروحين احجي وياها كلليها اني صاحبة ظغط واعتبر من الحالات الضرورية مو مثل باقي المراجعات تكدر تنتظر يوم او اكثر واذا شفتيها نفس الاسلوب فاني اكول توكلي على الله وروحي لدكتورة ريا لان اهم شي يكون الدكتور حنون ويحس بالمريض مو بس انه يكون دكتور شاطر وهاي انتي بعدج بالبداية حتى من هسه تكونين مطمئنة ويا الدكتورة اللي تراجعين وياها

ايييي والله كلامج صحيح نور واني هذا اللي اريد اسويه تدرين بذاك حملي هي عطلتها خميس وجمعه وبوكتها الضغط صعد الظهر يوم الاربعاء وخابرت عليها تكولي تعالي السبت لان عندي حجز هواية واني للسبت كلسع بالمستشفى اراقب نبض الطفل ورحتلها كالت اخذي هذا العلاج وتعالي الاربعاء اشوف وضعج ورحت وكالتلي السبت العملية وصار اللي صار يعني هي هوووواية اخرتني وهسة هم تريد تاذيني لاوالله اني بفلوسي مو بلاش لو محتاجتها وانشاء الله اروحلها الباجر واشوف حجيها اذا ظلت هيج اعوفها واروح على ريا انشاء الله

اي والله صحيح وعلى حجايتج احنا دنراجع بفلوسنا قابل بلاش واني اشوف تصلين استخارة اليوم او باجر قبل لا تروحين اذا تستمرين وياها او لا واكيد راح تبين من اول مراجعة الج يعني اقصد اذا خير الج او مو خير تكملين وياها واستخاري بينها وبين ريا ولو اني معرف اشو كلبي ديميل لريا بس جربي باجر وشوفي والله يقدملج الخير يارب بكلشي

هلو حبي شلوووووونج؟

هواية مرتفع ضغطج حبي انتي قبل الحمل هم جنتي هيج لو بس بالحمل؟

حبي راقبي روحج لان حيل العالي مرتفع وسلامتج حبي

الله يسلمج لاااا هاي بس بالحمل

حبي سلامتج وهسه شلونج ؟؟

الحمد لله ام حواء بس اكو شغلة

ممكن تجاوبوني هسة اني ضغطي الحمد لله زين بس اذاني احسها مقفلة يمكن ملتهبه هو التهاب الاذان هم يسوي هيج؟؟؟؟

اي يجوز ميس من برد او هم متاثير ارتفاع الظغط باليومين اللي راحو وحاولي دائما ادفين اذنج حتى اذا برد يروح وماعندج غير العافية

تسلمولي بنات واني اصلا بس يجي الشتا البس كاب براسي لان كلللللش ابرد بس من انام انزعه

وانشاء الله اداري روحي وتسلمون مرة ثانية ويارب يبرد كلوبكم