حبي ام حواء زينة الحمد له وكلللش فرحانة هسة لان البارحة حيل ريحتني الطبيبة الله يريح كلبها وكلب لولة اللي دلتني عليها الحمد لله والشكر

وهذا الجل

هلو بنات شلونكم
حبي ميوسة الف الحمدلله والشكر على هاي الاخبار الحلوة انشاء الله يوم تفرحينا بولادتج

ام حواء بشري ماتحركت النونية
لولة شلونة برهوووم
دودو شوشو ونور الهدى ونور فاطمة شلووونكم؟؟

هلو حبايب شونكم 
ميوسة وام حواء شكرا على النصائح بس اني والله كلما يكعد احفظة وارضعة بس هوة يبجي فكمت على كولتكم اخليه يبجي واروح اسوي شغلة بس من زوجي موجود هوة يكولي شيلية ديبجي ميتحمل يشوفة يبجي واذاماشيلة او اكولة ترة ماكل ونظيف يكوم هوة يشيلة فانقهر علية لان راجع من الدوام وتعبان اروح اخذه منه واشيلة وبالنسبة للتلفزيون اني مومن هواة التلفزيون تجي ايام ولاافتحة بس النت افتح بس وياكم والمنتدى اللاخ  الي تعرفة ام حواء وماطول   بيه مواكعد بالساعات فماعرف شسوي شو مدالحك واذا لحكت  فاكون ميتة تعب 
ميوسة يعني الي فهمتة منج انه ورة شهرين اكدر اتكلب وارجع اسوي مكان العملية بالشيرة واصلي طبيعي؟تسلميلي وردة
ام حواء حبي مادري هسة اشوفة لهذا الجل بلكي موجود يعني كل شكد يطلع الشعر؟
ايلاف حبيبتي انتي شونج اني بخير برهومي بخير بس يتنعوص ويبجي كومة 

ميوسة حبي بالنسبة للدكتورة تدللين ويارب تكون ايدها بركة عليج وتفرحين بشوفة النونوهسة تشوفيها شكد مخلصة وتلتزم مراجعتها لاخر لحظة
ام حواء حبي احتمال هاي النغزات هية حركة البنوتة  ربي يحفظها الج ويفرحج بشوفتها

ميوسة بالنسبة للخدر ماحس اكو خدر مرتاحة ماعندي مشكلة بس من اشيل برهومي شوية اتالم

صدك ام حواء هذا الموس تستدخميه بالمنطقه الخاصه يعني وباقي الجسم هم وميطلع شعر بسرعه مثل غير موس ويسوي حكه لو شون لان موجود يمي بس ما مجربته كمت اروح اسوي شمع بالصالون لجسمي بس هاي المنطقه مشكله وهم غالي الشمع من يسوولي لجسمي مو مال كلما يطلع اروح
بنات شونكم ايلاف ميوسه شوشو نور الهدى

ميووووووووسه وينج ووينج الحركه
هوه اني وصلت اسبوع 15 وحسيت مره مثل النبض
الدكتوره تكولي ماكو هيجي فلم اصلا الطفل ضعيف ما بي قوه وما يوصل لجدار الرحم
وحاليا اسبوع 20 ويا دوب مرات من النقره الخفيفه تروح وتجي

تلحكين

شكرا ميوسة ودودو 
دودوحبي تسلمين على ردج اي اني بارحة خابرتة واعتذرت هوة كال عادي لاتهتمين فاليوم كعدت وريكتة رجلي ابد مونحس ولانكناكي بس اني ماريد اقصر وياه ابد ولااريد يحس برهومي اخذني منه لان كلش احبة داحاول ارتب اموري والله كريم
بالنسبة للدورة اذا اكوالم معناه حجم البيضة زين لان اني من جنت بنية جان عندي الم فضيع فسالت طبيبة وقتها كال كلش زين معناه حجم البيضة ومبايضج دتشتغل زين

حبيبتي ميوسة بالنسبة للميتوبرولول اني هم رادت تنطينياه اول مبدة عندي الضغط بنهاية الشهر الثالث بس من شافت ضغطي مزاد عن ال 13 \9 كالت نكتفي بالادوميت والاسبرين  طبعا هوة الميتوبرولول هم دوة ضغط يعني هسة انتي دتاخذين دوائين للضغط الاول الادولميت الي ينطي بس للحوامل يعني المرة الي موحامل وعدها ضغط تاخذه ميفيدها بس يشتغل بفترة الحمل اما الميتروبرولول فيستعملوه عادي اهل الضغط  فانتي لان ضغطج ديرتفع فالادوميت والاسبرين موكافية لذلك ضافتلج هذا حتى ينظم ضغطج والانكليزي ممتاز
انتي متفيدج ابر الكليكسان ال يهية تحت الجلد لان معناه ماعندج اجسام مضادة مثلي اني جان عندي اجسام مضادة وضغط
واي سؤال قلبي اساليني اني حاضرة
بالنسبة للنونو اي على كولتج لان شتا الدنيا لايصة لان ماكدر اطلعة من الغرفة  وغسل هدومة ودنيا شتا  باردة وهوة صغير انشالة يكسر الجو وتنعدل الامور واسالي قلبي اي شي اني حاضرة

مرحبا بنات

كيف الاحوال اني اخت جديده حبيت انضم الكم لان وعدتكم من قبل فتره ان اسجل تذكرون من دخلت وباركت لميوسه من طلعت حامل الله يكوها بالسلامه ان شاء الله

اني كل فتره اجي هنا حتى اطمئن عليكم وبالاخص ام حواااااااااااااااااااااااااااااااا لانه حيل توهس بالحمل ياعيني عليها

الله يكومها بالسلامه ان شاء الله

ممكن اتعرف عليكم اكثر

اني هندان من بغداد والحمد لله انعم عليه الحمل من بعد 5 سنوات من العذاب

هسه اني ان شاء الله بالشهر الرابع

دخلت اليوم لان ابن حماي الصغير عمره خمس سنوات واني كاعده اصلي اجه على ظهري

وجان ادفعه تعرفون انتم لعبه الجهال من الواحد يصلي

اشو ظليت بس اوهس واخاااااف شلون خاف يأثر على حمل

تره اني النسخه الثانيه لام حوى وبعد اقوى

زوجي يكولي مو زين توهسين

عفيه شسوووووووووي تتوقعون يأثر على حمل من صعد على ضهري واني اصلي

صدك نسيت اكولكم اني عندي مراجعه اسبوع الجاي

اشو دكتوره كتبتلي على مجموعه تحاليل زين يش

اله الواحد يحلل خفت كولش قريتهم واحد اسمه تكسوبلازما

والاخر ترجمته الحصبه الالمانيه

هنه 4 تحاليل كتلها ليش تكولي لازم بدايه الحمل نسويها حتى نطمئن اكثر على حمل

حبيبتي هندان هلة بيج وتنورينا انتي من  حقج تخافين من ورة ابن حماج لان بالموت صار الحمل اني هم هيج جنت خايفة على طفلي ومن صار صرت ااخف علية اكثر يمكن لان تعبنا يلة صار مواجة بالساهل بس لاتخافين مدام ماعندج سمللة نزف او وجع ماكو شي انشالة
بالنسبة لتحليل التوكسوبلازما هذا مال داء القطط وتحليل الحصة الالمانية هاي اثنيناتهم سمللة اذا عند الحامل تسوي اسقاط او تشوه فطبيبتج شاطرة انه دتسويها  حتى تطمئن عليج لان دتكولين انه ورة خمس سنوات يلة صار الحمل فدتحب تطمئن مواكثر ولاتخافين حتى لو سمللة اكو هالشي فاكو لقاح للحصبة الالمانية واكو علاج بمضاد حيوي لداء القطط وانشالة  ماعندج اثنينهم

هلوو بنات شلونكم

بنات اليوم رحت للسونار حتى اطمئن على الطفل بس
على حساب السونارات القديمة المفروض علية ١١ اسبوع و٦ ايا بس على حساب اليوم ١١ اسبوع
والمشكلة اني اني مغيرت السونار هو نفسة

طبعا اني اليوم حديقة هنا لان برهومي نايم ومخلصة كلشي وزوجي بالكهوة فكاعدة على كلبكم ال ىان يكعد برهومي هههههه
 تدللين ميوسة حبيبتي
ايلاف قلبي كللللللللللللش عادي السونار اذا مقدم  او ماخر اسبوع طبيعي جدا وهاي كومة سائلة بيها واني جان مقدم اسبوع وبنهاية الحمل اصلا صار مقدم اسبوعين حتى اجازة الوضع مالتي اخذتها بنص الثامن على حساب الدورة بينما السونار مطلعني باول التاسع فابد لاتخافين جدا طبيعي

الف الحمد والشكر لله طمنتوني اي ماصار نزف بس من كثره الوهس كمت احس ظهري يوجعني

قبل شويه طلعت ويه زوجي وسويت هاي التحاليل ونتيجه ان شاء الله الاحد وحجزت هم يم الدكتوره

حياتي ام برهومي ربي يحفظلج برهومي وابو برهومي

ميوسه اهلا وسهلا بيج ياعمري الحمد لله رب العالمين عوضج

عسى ان تكرهو شي وهو خير لكم ان شاء الله كل الخير والبركه بهذا النونو الي بالطريق

بس ديري بالج على نفسج والجو هسه صاير خرافي برد مو طبيعي