سلااااااااااااامات ام حواء والله خوفتيني عليج ديري بالج حبي وماعندج غير العافية انتي والنونو وشوكت موعد ويا الدكتورة ان شاء الله؟

صباح الخير بنات

ام حواء حبي ماعندج غير الاعفية وانشاء الله بردا وسلاما على النونو وعليج يارب

انتي بس ارتاحي اهم شي وماطول غيرتي جو احسن لات خافين هذا تعب الونسة عوواااافي حبي

شوشو شلونج كلبي

ام حواء حبيبتي والله ماكو داعي تظوجين روحج هيج وادري حقج تصيرين قلوقة لان كلب الام هيج بس والله ترى اكو نسوان للخامس يلا يحسون بحركة الجنين هاي اني بت خالتي منهم ماشاء الله جابت 4 جهال وماتحس بحركتهم الا بالخامس والدكتورة كللتلها لان جدار الرحم مالتج سميك فماتحسين بالحركة من وكت واذا تريدين اكو الرقية الشرعية للجنين بالنت طلعيها وحطي سماعة الهيدفون على بطنج وارقي لابنج وهسه تشوفين هم تحميه وتحصنه بايات القران وهم راح تحسين بحركة لان اكيد راح يتفاعل ويا كلام الله سبحانه وتعالى وهم انتي راح تحسين براحة نفسية بعد الرقية ان شاء الله جربيها وطمنينا عنج عمري

هلو بنات شلونكم؟؟؟

حبي ام حواء لتقلقين ان شاء الله ماكو

زين سويتي طلعتي واتونستي

شوشو ميوسة نور الهدى شلونكم؟

هلو حبي دودو شلونج ؟

شنو اخبارج؟

حبي دودو ليش متسوين اطفال انابيب؟

هلو حبي ايلاف شونج والله ياعيني هيه شكلها مالها غير هيجي حل بس هنابامريكا كولش غالي وبعد يحتاجلنا وقت شويه لو مفكرين نروح لعمان نسويها يعني محتاجين شويه وقت

شخبارج انتي ايلاف بعد شكد للسونار

اني طبعا هسه الساعه 8:30 الصبح واسولف من الشغل فخلي ارجع لشغلي احسن هههههههه اشوفكم بغير وقت وبكل خير ياربي سلاااااام

هلو بيكم ايلاف ودودو الحمدلله اني زينة واني هم تعلمت عليكم يومية لازم احجي وياكم اطك روحي بلا ياكم انتو شخباركم وشخبار باقي البنات ميوسة وشوشو ونور فاطمة ونونة ام حواء شخبارج هسه شلونها صحتج؟ ان شاء الله احسن

حبي دودو ربي يرزقج بأقرب وقت ياربي

اني بعد اسبوع واروح للسونار واشوف اريد اروح هذا الاسبوع بس اكول خاف ممبين النبض وانقهر فخلي اصبر احسن

حبي نور الهدى احنة هم اتعودنا عليج وصرتي وحدة من عدنة

انتي وين عايشة داخل العراق لو خارج؟

شكرا ايلاف تسلمين لا خارج العراق مرات اظوج من الغربة لان بوحدي وماعندي احد ومرات اكول احسن من ما انا بالعراق ومااخلص من حجي الناس بكل زيارة وكل مناسبة وكل اتصال واحسن مااشوف نضرة الشفقة بعيونهم اللي تموت لان ماعندي جهال والله بصراحة الحمدلله على كل حال بس اللي ينحرم من نعمة الذرية كلشي مايشوفه حلو بهالدنيا تظل اكو حسرة بكلبه وين مايروح والله كريم الا ما الله يفرجها على كل محروم .. بس الحمدلله هسه اني وياكم شوية نفسيتي احسن من قبل جانت زفت حشاج بس هسه شوية انتو تهونون علي وافرح بدعائكم الصادق وكلامكم الطيب الله يحفظكم الي ويفرحني بجهالكم وحدة وحدة يارب

حياتي اني عكسج جنت مااضوج اذا احد يسألني صار عندج شي لو بعد؟

تعرفين ليش لان اي واحد اكولة لا ماكو شي يدعيلي واني احب دعوة الغريب واحسها مستجابة

حبي والله لتيأسين من رحمة اب العالمين وان شاء الله تشوفين الطفل بحضنج قريبا

حبيبتي دودو باذن الله الله ينطيج وينطينا وينطي كل محروم وانصحج تلزمين سورة البقرة والاستغفار يجوز بالبداية صعبة عليج بس بعدين راح تتعودين عليها ان شاء الله قسمي سورة البقرة 3 اقسام باليوم اذا تشوفيها صعبة تقريها كلها بكعدة وحدة والاستغفار الف مرة باليوم قسمي بعد كل صلاة 200 مرة واذا انتي تفكرين باطفال الانابيب مااكلج لا بس اني ادري بيها متعبة ومصاريف هواي وياما ناس سوتها ومانحجت واكو ناس نجحت بس الاستغفار وذكر الله ماسمعت احد استغفر وماصار عندا اطفال وانتي من هنا لما تقررين تسويها شكو عندج سوي اللي كتلج علي واني قريت قصة مرة بالنت هم وحدة عدها تكيس وشكد تتعالج مايروح بالعكس يزيد لان تاخذ منشطات اخر شي الدكتورة كلتلها هسه انسي الحمل من هسه و6 اشهر اللخ وبس تبقين على علاج مال تكيس وماشوف وجهج الا بعد 6 اشهر تكول اني هم رجعت كلت اني راح اخذ العلاج بس هم خلي استغفر هاي ال6 اشهر شكو عندي وتكول والله بس شهر واحد واطلع حامل وحتى التكيس بعدا موجود وصار عندي حمل حتى الدكتورة تعجبت بس هاي قدرة الله بعد .. وهذا الحجي مو بس الج اكولا الي والكل وحدة محرومة حتى اللي عدهم جهال ماكو واحد ماعندا نقص بحياتا وماكو انسان يستغني عن ذكر الله والاستغفار حتى لو ملك الدنيا كلها..

شكرا حبيبتي ايلاف حجيج صحيح بس مرات واحديصير عندا ملل من كثرة السؤال وكثرة النصائح واذا واحد يريد يدعيلي خلي يدعيلي بظهر الغيب مو الا بوجهي وكدام العالم ويحسسوه انه هو عندا نقص حتى النبي عليه الصلاة والسلام كال دعائك لاخيك بظهر الغيب ما كال كبالا ... واشكرج حبيبتي على دعوتج والله يسمع منج وانتي هم يارب تشوفين اطفالج يملون عليج بيتج .. واني كلت كبل ماادري ليش من تدعولي افرح اشو الناس من تدعيلي كدامي مو هلكد افرح هههههههههههه يجوز الغلط بيه مو بيهم

حبي لتكولين نقص لا والله مو نقص

اذا رب العالمين حب عبادة ابتلاهم حتى يسمع دعائهم اخذيها من هذا الباب حبيبتي

وربي يسهلج حبيبتي

هلوووو بنات شلونكم؟

حبي ايلاف شلونج؟؟؟وشلونه الوحام وياج اني ايدج انه تنتظرين وفوضي امرج لله وهسة تشوفين شلون راح ترتاحين من تروحين وتسمعين النبض واضح يارب يتمملج على خير..

دودو حبي اني مو حجيتلكم تجربتي والله ماكو احسن من القران والاستغفار والله يجبر بخاطرج بالقريب العاجل يارب ترى والله موصعبة سورة البقرة يعني ساعة وحدة خصصيها لله سورة البقرة والاستغفار والله يبرد كلبج يارب....

نور الهدى حبي شلونج ويارب يفرج عنج همج ولاتكولين نقص مثل ماكالت ايلاف اذا الله حب عبده ابتلاه ويريد يسمع صوتج تدعيه وتتوسلين اله والله مايرد واحد طرق باب رجاءه....

ام حواء حبي لا تضوجين نفسج كل تاخيرة وبيها خيرة ويومية اقري ادعية حفظ الجنين وانشاء الله الباجر راح انزلها والكل تستفاد...

واني اليوم مريضة اذاني ملتهبة وشوية صارت عندي صخونة وفد شوية راح اروح طبيب جوارينا حتى يشوفها اخذ علاج الها هو زين يفتهم ويعرف شيطي علاج مثل حالتي والله كريم يعني اليوم اني طرششششششششة خخخخخخخخخخخ

ميوسه حبي اشكرج عالدعاء الحلو يا ورده وان شاء الله ياربي اكدر اسويها واقراها سورة البقرة لان الوكت مشكلة الشغل وشغل البيت والطبخ بس لازم الكالي وقت ان شاء الله انتي شخبارج ديربالج ويه الجو انتبهي لصحتج وسلامة السمع هههههههههه

ههههههههههههه ايييي والله دودو كلششي ما اسمع ابالك احد عايط باذني

بيها صوووووت الله لا يسمعه لاحد ههههههههه عبالك عشيرة كاعدين بيها خخخخخخخخخخ

شخبارج انتي

هههههههههه سويلهم غده لا تطلعيهم بس جاي عرفتي منو مو
العشيره خخخخخخخ
والله اني بخير بالشغل هسه وشويه اخذ من استراحة الغدا ادخل عالمنتدى
طبعا عنددي اوجاع راح تشرف الدورة مره لخ شون فقره تعبانه عفيه هاي بس هنا تصير بيه ميوسه كلتيلي انتي هم جان عندج تكيس

هلو بنات شلووونكم وردات

بنات عفية اني من تزوجت ليهسة اتالم بالجماع وجنت بالبداية اكول بمرور الوقت يروح بس هم بعدني اتاذة وخاصة من تخلص الدورة كلششش اتاذة يعني ديصير خوف اكثر من ماهية ونسة وحتة مرات ينقهر علية زوجي ويعوفني واني الحمدلله مااعتقد عندي التهاب لان من رحت للدكتورة اخر مرة وفحصتني كالت ماكو شي

سلام عليكم شلونكم اخباركم

هلووووو شوشو حبي روحي جيكي يم الدكتورة او جائز دا يصير عندج جفاف ولاهذا يصير الالم اني بعد الولادة من يصير بيه جماع اتاذة لان صار عندي جفاف والطبيبة اطتني مادة تاخذيها من الصيدلية تسهل العملية وما عندج غير العافية يارب

هلو بنات شلونكم؟؟؟؟

حبي ميوسة ماعندج غير العافية ديري بالج من الصخوووووووونة ابد مو زينة على الحامل

حاولي متزداد درجة حرارتج

حبي شوشو اعتيادي تصير عندج الالام لان بعدج مصاير هواية على زواجج والله اتذذكر من اتزوجت خابرت اختي هي جانت متزوجة قبلي بست اشهر كتلها حيل عندي الالام بالجماع كالت اني صارلي اشهر وبعد عندي الام يعني كولش عادي

وحاولي تزيدون المداعبة قبل الجماع حتى تنزل المادة المخاطية منج وتخفف الالم

حبي ام حواء شلونج حسيتي بحركة النونو؟؟؟؟؟؟؟

دودو حبي ان شاء الله متجيج الدورة وتطلعين حامل

حبي نور الهدى شلونج؟؟

هلووووووووووووو ايلاف حبي شلونج؟

اني اليوم الحمد لله زينة والصخونة راحت والضغط اليوم 14\8 الحمد لله بس شو وحام ماكو يعني قصدي لعبان نفس ماكو بس هسة مشتهية كباب وخطية طلع زوجي يجيبلي هههههههههههه كام يضحك وطلع خخخخخخ

انتي شلونج ويه الوحام؟؟؟