بسم الله الرحمن الرحيم
ربي انطي لكل محرومة الذرية الصالحة وفرح قلبها بحق هاللليلة يارب وشافي كل حامل وكمل حملها على خير وسلامة
بنات مثل متعرفون السبت  الماضي كتلكم صارعندي وجع ودفع للاسف ونزل مادة صمغية من صدري  اتصلت بالدكتورة كالت علامة جيدة اذاتكررت تعالي نروح اجيبج طبعا متكررت وبالليل كعدت ب 4 فجر عندي وجع مثل الم الدورة رحت للحمام عبالي مستبردة طلع ماكو شي رجعت نمت وكعدت الصبح كلت خلي اسوي شيرة احتياط لان خاف هاي قربت ولادتي الاثنين ضربت ابرة الكليكسان وجان ثاني يوم الي بشهر التاسع على حساب الدورة فخلصت الابر فكلت خلي اخابر الدكتورة اكولها شوكت حتجيبني حتى اعرف شكم ابرة احتاج اروح اشتري خابرتها كالتلي انتي شونه وضعج كتلها والله تعبانة كالت احنة الخميس بعد نولدج منطول اكثر وخاف تصير عندج اوجاع قبلها سواء يوم الثلاثاء او الاربعاء عادي اكدر اجي وياج لان ماعندي خفارة بالمستشفى وكالت عادي ضربي بعد ابرة كليكسان يوم الاربعاء وتعاي افحصج حتى الخميس اولدج كتلها اوكي بهالاثناء اجة صديق زوجي جايبنا تمن وقيمة اكلت منها واندعيت الله يقرب ولادتي لان كلش اشتاقيت لبرهومي اجة زوجي كالي شكالتلج الدكتورة كتلة  هيج وهيج كال خلي نروحلها اليوم بعد ماتحمل نحاول نقنعها تجيبج باجر الثلاثاء كتله اوكي رحت بدلت ورحنالها اول مطبيت السكرتيرة ضحكت كالت هم جيتي بطلي وهواس كتلها ما الا احجي يوة الدكتورة عندي شكم سؤال دفعت الكشفية وكعدت انتظر اجة سراية مقبلت الدكتورة تاخذ كالت موجيتي ذاك الاسبوع مافوتج الا ترجعين كشفيتج رجعت اخذتها وفتت للدكتورة وجانت قبلي وحدة دترفع خيط كلت الله شوكت تجي هاللحظة واني فرحانة المهم فتت للدكتورة كتلها اني معلية زوجي كال خلي  نسوي العملية باجر ضحكت كالت نامي افحصج داخلي كتلها لا الله يخليج ماريد كالت زين بس اشوف بطنج نمت وضغطت من جوة صحت اااااااخ كالت اوكي الراس نازل تحبين نسوي العملية اليوم لان اني اصلا عندي عملية لخ كتلها طبعا مستعدة كالت يلة روحي وتعالو علية اخذوني ب 8ونص حتى نتوكل لحياة الراهبات طلعت منها اني وزوجي كلمن شارد بعالمة اني خايفة من العملية وزوجي ماعرف شديدور ببالة بس كانما جان قلق علية المهم رحنا مكدرت اغسل راسي لان خفت دنيا ليل واتمرض بس ليفت جسمي وكعتد صليت المغرب والعشا وركعتين تسهيل امر وزوجي اتصل بوالدتة حتى تجي  ويانا روحنا للدتكتورة واخذناها وبالطريق لحياة الراهبات طبعا هية تعرف اسم زوجي وتسولف دائما وياه اشو كلساع تصيحة ابراهيم  اني اضحك بداخلي لان هوة نفس الاسم الي نذرناه يم بيت الله اخر شي كالت لزوجي شحتسموه كالها ابراهيك كالتلة موانتة ابراهيم ضحكت كتلها لا دكتورة هذااسم ابنة فتذكرت اسم زوجي وام زوجي كالت سبحان الله هذا اسمة اجة وياه وصلنا للمستشفى طبينا شفنا المحلل كالتلة الدكتورة هاي المرضة عدها عملية سويلها التحاليل وصعدنا للطابق الثاني كالت اختارولكم غرفة فاختارينا غرفة رقم 24 طبينا جوي سوولي طبلة وسحبولي دم وكالتلي الممرضة هسة اكو 2 قبلج انتظري كعدنا ننتظر اني اريد اقرة ايات كلشي نسيت بس منسيتكم بالدعاء كل وحدة بيكم جتي ببالي من ميوسة الى ام حواء الى ايلاف الى شوشو الى نونة الى نور الهدى دعيتلكم كومة وراها باوعت عالساعة كلبي كام يطكطك بدت عندي المخاوف من الموت لان ممسوية قبل عملية عمتي كالت اقري فاتحة لام البنين تسهيل امر قريت ودعيت صارت تقريبا ب10 ونص اجتي الممرضة اشرتلي بايدها تعالي يلة يمة كلبي كام يدك وجهي صار اصفر على احمر  اخذت هدومي وهدوم الطفل ونزلنا بالمصعد وصلنا لباب غرفة العمليات ودعت عمتي وزوجي وبوستهم وكمت ابجي كالو لاتخافين هسة كولها شوية وتكومين بالسلامة فوتتني جوة لفد غرفة صغيرة كالت نزعي كولشي نزعت وانطتني  ثوب وردي  لبستة وكتلها عفية تحطولي صوندة ادرار اخاف منها كالت ماعرف حسب طبيبتج كتلها زين شونة الالم كالت لاتخافين  وكعدتي برة على مرمرة انتظر شلت راسي شفت فد غرفة بيها وحدة اتصور بالافاقة اجهزة فوك خشمها والمكان اظلم انرعبت كمت ارجف هناك اكو باب لخ طلعتلي منها وحدة لابسة هدوم حمرة هم اشرتلي كالت تعالي مكمت خفت جتي علية كادتني واخذتني كتلها عفية خايفة مشينا بممر كالت لاتباوعين عالغرف يمة متت خوف بعد اخر دنكت راسي بنهاية الممر واحد اسمر ضخم واكف ينتظرني(المخدر) حس بية ميتة خوف راد عود يمتص خوفي كالي هاي وين حبابة شعندج هنا ليش جاية كتلة غير داجيب  كالي يلة فوتي وظلت هاي ام الاحمر كايدتني فوتتني لغرفة العمليات وهوة هم فات ويانا كالت يلة صعدي عالسدية كتلها لاعفية اخاف مسدت على راسي كالت لاتخافين احنا كلنا نظل وياج للنهاية ومنعوفج نمت وكلبي يدك يدك يدك ركبلي الكانيولا المخدر كالي هاي شنو شكد بيضة انتي ابيض مني كتلة هسة شفايدة اني ميتة خوف كال لاخطية حتموتين هههههه ويضحك كالي شكد عمرج كتلة 27 كالي عجوزة كتلة اي والله كالي صارلج شكد متزوجة كتلة 2 سنة كالي اول طفل كتلة لاعندي قبلة متوفي من ورة الضغط باوع بجهاز يمة كالي بس هسة ضغطج زين 12\8 بس كلبج ديدك سريع كتلة موميتة خوف هناك وجتي طبيبتي كالتلة هاي المريضة كلش احبها وحجت قصتي الة بالانكليزي جاب 2 سرنجة زرق الاولة كتلة عفية شنو ريحة المخدر كالي ماكو ريحة كتلة شوكت انام كال بعد دقيقة كالتلة الدكتورة نتوكل على الله وتشلهت كالتلي كولي توكلت على الله كلتها وتشاهدت وهناك شفت وحدة جايبة سطلة بيها وصلة مثل الخاولي وطاسة حديد بيها الادوات وماعرف شحجت وبعد محسيت الا واني بفراشي وزوجي وامة فوك راسي وزوجي ديبوسني من كصتي مداكدر افتح عيني بس كتلهم اريد مسكن الالم فضيع وحسيت وحدة دتجكني  ابرة كمت احس شوية شوية كتلهم الله عليكم شونة الطفل مشوه كالو هاي شبيج يمعودة مثل الوردويشبهج كتلهم مااريدة يشبه زوجي كالو كافي تدللين شوية شوية كمت اصحصح وفتحت عيني بالواحدة كتلهم مانام الا اشوف الطفل كالو مواخذوه نيمو بغرفة الجهال كتلهم الابية شي كالو والله مثل الورد ويشبهج كالي زوجي اوكي حروح اقنعهم يجيبوه جتي ام الغرفة جايبتة باوعت مصدكت فرحت وضحكت رغم جنت متوقعة حبجي كالت لوتدرين الدكتورة شكد تحبج مرتين اتصلت تسال على الطفل شون صار كتلها اني هم اموت عليها وطبعا يكول زوجي اول مفتت للصالة ورة 10 دقايق طلعت الدكتورة والستاف وشايلين الطفل ويصيحون وينة ابو ابراهيم والدكتورة تكول يسوى يسوى التعب ورجعت للصالة تخيطني  طبعا مجاني نوم بهذي الليلة من  الفرحة وهم بالي يم برهومي ونامو عمتي وزوجي او ل مكعدو الصبح راحو جابوة وحطوه يمي واجوي اهلي والظهر طلعنا طبعا برهومي وزنة جان 3400 غم  وشكلة نزاكة عبالك بنوتة ومفتح عيونة يتفرج واني كلبي مثل النار علية مدانام الليل كلساع اكوم اطمئن علية واليوم صارلنا اسبوع على الولادة وشفتة مرشح وشبعت بجي  ودننطية بابونج وابوه يطب يطلع يجي يشيلة ويباوع علية واني احس زاد تعلقي بزوجي وببرهومي اباع عليهم واقرة ايات وانفخ واكول ربي احفظهم الي  ومتتصورون الفرحة الي صارت بعائلتي وبعائلة زوجي وبالدائرة والحمدلله والشكر وربي يفرحكم كلكم وينطيكم مثل منطاني واحسن بعد حظل ادعيلكم وان شاء الله بس ارجع لبيبتي انظم وقتي وارجعلكم لان انتو خواتي واحبكم للابد واسئلكم تدعولي ربي يشافي برهومي ويحظفة الي هوة وابوه 

حبيبتي والله بجيتيني والله فرحتلج من كلبي

حبي الله يخليلج برهومي بحق محمد وال محمد

ان شاء الله رب العالمين ميحرم اي محرومة من هذا الشعور

يا عمري اول شي اللللللللللللللف الحمد لله على سلامتج وسلامة برهووووووووووم ويحفظة ويخلي الج هوو ابو ويحرسهم من كل شر واية الكرسي تحميهم ومن كل عين تشوفهم وما تصلي على النبي ياوردة

ثاني شي اشكرج جزييييييل الشكر على الدعوة ويارب يستجاب دعائج ياطيبة

ثالث شي القصة كلللللللش مؤثرة والله بجيت من دا اقراها ياربي يديم عليج وعلى اهلج الفرحة يارب

ويوم اللي نفرح بام حواء وايلاف وبقية البنات

ياعيني والله دمعت عيوني الله يحفظلج برهومي وابو ويشافي ياربي وان شاء الله كل محرومة تمر بهاللحظة يارب

شكرا حبيباتي ربي يفرحكم وحدة وحدة ان شاء الله والله رحيم بعبادة ومينسى احد 

ان شاء الله دموعكم هاي كولها دموع فرح وياربي كلكم تعيشون هاي اللحظات والله ادعيلكم ويومية ببالي وداحس مقصرة وياكم حتى زوجي يكولي فتحي سولفي وية صديقاتج اكولة والله ماكو وقت يمكن لان بعدني بالبداية ممسيطرة وشوية قلقانة على برهومي اريده يتعافى وينشنش وهم لان موبمكاني بس ارجع لبيتي نرجع نسولف ان شاء الله احبكم كولكم

طبعا كتبت هاي القصة بغير منتدى تعرفة ام حواء ههههه  هسة يكولون منو شوشووميوسة  وايلاف ونونة ونورالهدى  انتو كلش جيتو على بالي لان نفس معاناتي وخاصة ام حواء وميوسة وايلاف 

الف حمدلله على السلامة صج قصتج مأثرة بس الحمدالله من شفتي ابنج هاي اكبر فرحة ينسيج كل تعب
مبرووووك على وليد الحلو الله يخلي ويتربى بعزكم ان شاءلله

حياتي نور فاطمة يمكن انتي جديدة هنا حرامات ملحكنا نتعرف على بعض البنات هنا يعرفوني واول باول باحداث حملي المتعبة ان شاء الله نتعرف اكثر عالايام الجاية والله يسلمج حبيبتي 

الف الحمدلله على سلامتج حبيبتي لولة والله قصتج مؤثرة وكأنه اني وياج من تحجين حسيت بكلشي كلتي وكتبتي واشكرج من كلبي لان دعيتيلي ماتصورين شكد هاي غالية عندي دعوتج ويكفي انه تذكرتيني بهيج وكت واتمنى اردلج هالمعروف وباذن الله راح ادعيلج وادعي لبرهومي الله يحفظه ويحرسه من كل مكروه وتشوفيه احلى عرييييييس ياااااااارب ..

حبيبتي نور هذا اقل شي اذكر بيه بيه حبايبي الي وكفو وياية بمحنتي شون انساهم بالدعاء والله اول مافتح الحاسبة اجي اريد اسمع اخباركم ومتلهفة اشوفكم كلكم حوامل باذن الله ربي يفرح قلبج ويزرقج الذرية الصالحة باسرع وقت

حياااااااااااااااااااااااااااااتي لوله عمررري
ما شاء الله تبارك الله
الله يحفظه الج وتزوجينه بايدج يا ربي

شكرا حياتي ام حواء ربي يكومج بالف سلامة اميييييييييين

تسلمين حبيبتي لولة الله يسمع منج والله اني هم دائما اريد افتح المنتدى واعرف اخبار الكل صرتو عائلتي الله يحفظكم اللي يارب

االف الحمد للة على سلامتج وياربي يفرحج بي ويعوضج كل الخير ياااااااااااااارب بحق محمد وال محمد وتسلمين على دعائج النة اللة ينطيج على نواياج حيبيتي والله شاهد اقرة كتابتج طول مااني اقرة بس الدموع تنزل النوب ماادري شبية اريد اسكت ماكو وخصوصا من كلتي قريت الفاتحة لام البنين لان اني هلشهر حييييييل مخليتهة على اللة واهل البيت بس ناخية ام البنين هذا الشهر والحمد لله بدت بوادر الاستجابة بميوسة اللي فرحتنة هذا الاسبوع .. فرحتيني وبعثتي الامل بنفسي وحسستيني انو هية فعلا تجربة تستاهل التعب والشد اللي اني بي ودمار الاعصاب .. الله يفرح كلبج بي انشالة وتخاوي وتترسين البيت كتاكيت .. لاتنسينة من الدعاء حبيبة كلبي

حياتي نونة شون انساكم انتو متغيبون عن بالي واذكركم بالدعاء واريد كلما اجي اقرة وحدة حبلت بيكم وتفرحني ان شاء الله اهل البيت يوكفولج مثل موكفولي لان قبل حملي وهم نخيتهم والحمدللله صار الحمل حظل ادعيلكم ان شاء الله وساعة من الساعات فرج حبيبتي ربي يفرح قلبج باسرع وقت يارب

حبي لولة والله انتي كلبج طيب وكلبج ابيض والله يديم عليج الفرحة ويحرس برهوووومنا من عين الحساد ويحفظلج زوجج ويخليج الهم

شلوووووووونج

شكرا ميوسة قلبي والله انتي اطيب متتخيلين شكد فرحت بحملج ووبالي يمج بس مديصير وقت افتح اعرف شنو اخبارج بشريني شسويتي شدتاخذين دوة ضغطج شونه المن دتراجعين

حبي لولة والله كمت اتمنى اشوفج ياوردة...

حبي اني هسة دا اراجع د. ريا وطبعا عرفت اسمج الحقيقي خخخخخ.... احلى اسم طبعا وكلش احب هذا الاسم وحماتي هم اسمها مثلج...

وطبعا من رحت لدكتور ريا الضغط جان 16\9 فاطتني الدوميت 3 واسبرين ابو 75 وكالت بعد اسبوعين اروح حتى اشوف النبض وكالت من نشوفه اغيرلج العلاج وكالت احاول اوصلج لبداية التاسع واجيبج لان ضغطج كلش يخوف فالله كريم ولو اني متفائلة وياها بس الله يستر ويتمملي على خير وعلى كل البنات يارب..

ههههههههههههه ميوسة والله ضحكتيني  لولة هذا الاسم زوجي يدلعني بيه  واكيد عرفتي ششتغل اني مو ؟ههههههههههههه حبيبتي ربي يشافيج ويحفظج والله خليج وياها وهية اي شي حتشوفة موطبيعي هية تستعجلج عالولادة لان هية فاهمة وشاطرة واكيد حسيتي هالشي من خلال كلامج وياها وانتي اي شي تحسية موطبيعي خابريها وروحيلها حتى لو قبل الموعد المتفقين علية هسة انشالة من تسمعين النبض تبلش وياج كليكسان وعلاجج هسة كلش زين اني هم هيج جنت اخذ طبعا ماوصيج كلما تروحيلها سلميلي عليها واني ححاول استعجل بحمل لاخ  اذا الله راد بس برهومي ينشنش لان مشتاقة اشوفها وتعودت عليها وربي يحفظج حبي 

هههههههههه لاااااا والله ماعرفت شنو شغلج بس كلللللش يحبوج ويحبون زوجج

وانشاء الله واصللها السلام

وهي كلللش مبينة شاطرة وهي من هسة اطتني رقمها لان كللللش تاثرت عليه وحتى دا اكللها اني ووووردتت اكتب اسمج خخخخخخ... احنا نفس المعاناه كالت صحيح بس انتي غير انتي رايحة تولدين انتي غير وكلللللش انقهرت عليه وكالت انشاء الله اخليج تشوفين ابنج وتفرحين....

وكل اسلوبها حلو وية المريضة وحتى من دخلت كالت وين زوجج شلون يعوفج بهيج لحظة مو مثل ذيج يادوب تاخذ السونر وتكتب العلاج واطفري ولا تسالين ولا تحجين هاااي اني ظليت يمها ساعة بالضبط يعني خلكها كلللش طويل ويه مريضتها وانشاء الله اظل وياها والكاتبة ربي يصير.....

طبعا اول شي اتذكر اني رديت عالموضوع لان اتذكر صدك دمعت عيوني وبجيت من قريته وصارت قديمه بعد اعلق هسه ههههه المره راح تطلع الاربعين وتزوج ابنها خخخخ
المهم الله كومج بالسلامه وحتى العلاقه قوت ويه زوجج صح ...الله يحفظهم ياربي ويخليهم الج لولو حبي
بس تره اني كتلني الفضول وانتوا تحجون عالاسم والشغل مال لولو شنو هاي ميصير هههههههههه اتشاقه وياكم مو قصدي التطفل موشرط تجاوبوني يعني خخخخخخخ وميوسه الله يكومج بالسلامه وتجين تسولفيلنا عالبيبي انتي وام حواء وايلاف

تسلمين كلبي دودو ويارب يفرحج ربي بالحمل السهل يالله

اي ميوسة هية وردة وكلش تتاثر بحالة المريضة ومتنسى وحدة اني رحتلها ورة متوفى طفلي محمد طبعا دزتني عليها دكتورة ميسون الي جنت اراجعها  ومكدرت تسويلي شي من توفى الطفل رحتلها يوم سبت ساعة ب4 كلشي مماكلة من الصبح هم راسا استقبلتني وتعاطفت وياية وتاثرت بموضوعي واطتني حبوب تسوي طلوكة وظليت يمها بالعيادة اتلوى واتمرغل بالكع وكلساع تفحصني علما صار توسع واخذتني بالهلال الاحمر وجيبتني ب12 بالليل طبعا كلما اروح لعيادتها اتذكر من جنت اطلك وادمع بس الحمدلله على ايدها صار ابراهيم وصار هذا ماضي فكلما اروحلها هم تنصحني شون اتعامل وية زوجي ولازم مانك علية من ورة الطفل وتاثرت اكثر من عرفت امي متوفية وردة مال الله هية وحبيتنا اني وزوجي اكثر من درت احنة صيادلة ها دودو عرفتي هسةشغلي بس ااسمي  مراح اكولة بس ميوسة تعرفة ههههههه  وزوجي هم كلش حبتة وهوة فعلا خوش انسان فكلما نروحلها منحس رايحين طبيبة كانما رايحين لصديقة تجيك حالتي ونسولف بامور الدنيا وتنطيني نصائح واطلع مرتاحة وجانت دائما تكولي من ادعيلها اني فرحتي من اشوف ابنج بحضنج وان شاء الله انتي هم وكل البنات هنا يشوفون احلى اطفال بحضنهم دودو حبيبتي ربي يفرح كلبج ويرزقج انتي هم باسرع وقت  بالحمل السريع والثابت ان شاء الله تعالى

زين ميوسة انتي شكتيلها لدكتورة ريا شون تعرفيني يعني هية شون عرفتني؟

حبيبتي لولة اول مرة اعرف انه انتي اول طفل كان ولد عبالي بنية

الحمدلله والشكر ربي عوضج ببرهومي

ربي يخليجياه ان شاء الله

هلووووو لولة حبي اني السكرتيرة سالتني هذا اول طفل كتلها لااااا وسولفتلها وكلتلها اني دزتني صديقتي قبل اسبوعين جابت ولد سموه ابراهيم وقبل يومين اجتي رفعت الخيط جان راسا تكول هااااااا...... اسمج كتلها بصراحة اني ما اعرف اسمها لان اتعرفت عليها عن طريق النت كالت اي هي مو قصتها كذا كتلها اي هي كالت اي هي وكامت تسولفلي عليج وعلى زوجج وشكد مدحت بيج وبزوجج وطبعا كالت سلميلي عليها ومن دخلت للدكتورة كتلها اني دزتني عليج كتلها اسمج جان راسا تكول ياعمري شلونها كتلها زينة الحمد لله وكتلها اني حبيتها من حجيها عنج جان تكول اني هم احبها هي وردة والله عوضها وكالت هسة انتي هم الله يعوضج واني كتلها ترى جاية على الله وعليج كالت اني فرحتي اشوف ابنج بحضنج والله كلللش تنحب وحتى علمتني شلون اكوم وشلون اكعد وشلون انام والله ماكو هيج دكتورة تتعب ويه مراجعيها....

واصلا مدا اعرف شلون تعدي الايام ويجي29 واروحلها وحتى زوجي يكول الا ادخل واشوفها....

حبي الله يحفظلج ابنج وزوجج وينصرج على من يعاديج ويبرد كلبج مثل ما دليتيني عليها وبردتي كلبي ياورة ما اعرف شلون اشكرج والله

ايلاف حبي اي جان ولد للاسف والحمدلله الله عوضني ببرهومي يوم الج يارب
ميوسة حبيبتي ماكو داعي تشكريني قابل شسويتلج بس  حبيت اسهل الامر عليج لان الاطباء صايرين جشعين وهممهم المادة عدا هاي الدكتورة الوردة الي كل همها رضا الله شون تخلي الفرحة بكلوب مريضاتها اي هية والسكرتيرة كلش متعاطفين جانو وياية الله يحفظهم  اني كلما اروحلها زوجي يجي وتسولف ويانا وتنصحنا انتي هم اخذي زوجج وياج وان شاء الله ربي ينطيج مثل منطاني وتصير ايام العذاب والصبر هاي كلها سوالف 

لولة حبي صباح الخير كلبي.....

انشاء الله هي اصلا الدكتورة سالت كالت ليش زوجج مو وياج بعد لا يعوفج خلي يجي وانشاء الله على موعدي كال اجي وياج

حبي شلون صار برهوووومي حبيبي وبستيلياه لو نسيتي خخخخخخخ

صباح الانوار ميوسة اي هسة تصير علاقة  طيبة وحلوة بينكم من تروحولها سوة بعدني مبستة لبرهومي بس يكعد ابوسة خليه الله هادي نايم بارحة شلع كلبي علما نام كمت ابجي من التعب واحسد الناس النايمة ههههه الحمدلله هوة زين بس دتشوفين البرد واني طابق فوك وباردة ففاتحة الصوبة وخايفة عليه لايبرد او يحمة زايد طبعا كلش ازعاج الولادة بالشتاء بالعراق اتمنى لو اكو صوبة زيتية تشتغل عالمولدة