اي حقج طبعا شي يزعج وهاي اكيد دا تفكر بيج عيني حصني نفسج وطفلج واستودعيه عند الله وبخري نفسج ومن تخابرج مرة لوخ لو متجاوبيها لو سوي نفسج مريضه هههههههه بلكي تبطل حسد وبعد لتكولين لوحده تعرفيها تحسد بلضبط الحمل وشدا يصير احسن والله

حياتي ربي يكملج على خير حاولي كل يوم تسوين حرمل والله الحرمل يطرد كل عين وحسد ولتخلين ببالج شي

عادي ام حواء اني كل الي اعرفهم جانو حاسبيلي بيا شهر وشوكت اجيب هم جنت كلش اضوج اكول لوما عندي طفل ميت بحيث والله مثل تعقدت اخذت اجازة ماداوم ابد وماجوب على تلفون بس ردت انعزل عن العالم ومحد يعرفني ولايسمع اخباري مجان عندي بحملي اصدقاء غيركم جنت بس الكم افضفض لان نفس قهري  اصلا جنت ارتبك من احسهم حاطين عقلهم وياية اكول هسة اني شمدريني حينقسملي هالطفل لولا اني من رايي اتبعي طريقتي انعزلي ولاتجاوبين على احد حتى لاتسمعين عبارة تغثج وانتي ترتاحين

والله حقج تقلقين الموضوع موسهل والشفتية موقليل هوة اكو هيج ناس همها تراقب وتحسب اني هسة حاسبيلي الاربعين شوكت خلصت الله يجبر بخاطرج ويفرح قلبج ويبعد عنج الحساد

اي افضل حبي روحي بموعدج لاتقلقين ماكو شي ان شاء الله والله طبيعي هية اول متبدي الحركة تصير نبضة خفيفة وتروح كل فترة علما بعدين تنتظم هوة الجاي والنستلة يحفزون الحركة بس مودائما بس هم من جنت مثلج اقلق اكل نستلة او جاي واحس بيها ومرات لا 

ام حوا الله يحفظج ويكومج بالسلامه

ويكفيج شرهم وعينهم ان شاء الله هي هاي سوالف الناس حشاج تافهين ماعدهم لا شغل ولا عمل

لليش اروح بعيد حماتي تخابرني تكولي بعدلج كم يوم ودخلين بكذا شهر

اني هسه كمت اخربطها اكولها الدكتوره قدمتني كم يوم تكولي التبويض متأخر وراح احسبلج 10 ايام من اول يوم لدوره

انتي جنبيهم واصلا لا تردين على تليفون مره مرتين يتعبون

ام حواء قلبي تدللين  هسة قريبا على فرغتي اسويلكم موضوع كامل على حملي ونصائح الكم حسب الي جربتة والي كالوليا
ميوسة اني  من حبلت الموظفات وياية يكولولي شووجهج شاحب اكولهم مابية شي ويومية وحدة جاية تسالني حامل حامل اكولها لاوالله تصوري اظطريت احلف كذب اللة يسامحني لاتكرهوني اني موهذا طبعي بس احس العين مفتوحة علية لان نداوم اني وزوجي سوة وعلاقتنا حلوة الحمدلله فالناس احسهم متربصينا اول متزوجت حاطين عينهم مصارشي مصار شي وكل وحدة تجي تنطي نصائح ومحد يصدك انه احنة الي ماجلين الموضوع الى ان صار الصار وحركوني بعينهم وراح الطفل مني فقررت اذا يصر شي ماكول لكائن بشر وبالفعل من حبلت حبلي كلة اخذته اجايز ومارد على تلفون بس الي صدوك احبها واعرف تكتم سري وها يطبعا مكتلها الا ورة 3 شهور وحسب نصيحة دكتورة ريا هم كالت لاتكولين لاحد علما تبين بطنج 
وحتى بيت عيالي مكتلهم وكمت ماروح فظل بالهم اجوي يزوروني  خجلت كتلة لزوجي كول لخالة بس حلفها متكول لكائن بشر كاللها وحلفها وفرحت المرة وخففت حتى زيارتي الهم حتى لاحد يشوفني علما بينت بطني يلة عرفو العالم اني حامل وللعلم ال ييكولي ياشهر هسة مثلا اذا اني ب7 اكول ب5 ههههههههه شسوي لعد اني مجويييييييييييييييييييية  ورايدة هالطفل من كل كلبي الي يحبني يفرحلي من يجيني بس لطالما اني حامل ماريد احد يربكني بالسؤال 
وحتى من جان ضغطي شوية يصعد لو صار تكلس المشيمة قفلت التلفون حتى لاحد يزعل مني من مارد عليه لان ماريد احد يخبصني بس جنت وياكم اسولف واخذت خط بس بيني وبين زوجي محد يعرفة وحتى موعد الولادة مالتي جانت الدكتورة مقررة يوم خميس فجان الي يسالني شوكت هاي من قربت الولادة طبعا وبين بعد انه مظالي شي اكولهم بعد فد اسبوعين او هيج عالفحص والله
فهية جانت مقررة مبدئيا يوم خميس رحنالها للعيادة يوم الاثنين  وكالت اليوم الولادة وطبعا اني خابصتها يومية تلفون فحتى ام زوجي تفاجئت انه خابرناها من يم العيادة كلنالها تحضري ولاتكولين لاحد وحتى اهلي ميدرون لان امي متوفية ام   فبالباقين من اهلي واهل زوجي معرفوالا ورة مجبت ب  اني فتت للعملية ب10 ونص او 11 هيج شي ورة مطلعت وفقت من العملية واطمئنينا عالنونو يلة خابرنا الاهل وبشرناهم 
لاتحقدون علية بس اني هيج خططت لنفسي لان حيل تعبت وحتى اسم برهومي الكل تفاجئ بيه اصلا محد يدري شكو ببطني بس  ام زوجي لان خطية رادت تجهزة للطفل  لان اول مرة اهلي جهزوني فتشائمت كلت ماريد بعد من احد احنة نشتري لابنة فهية اصرت انه تجيب الجهاز وزورتة الكاظم وضامتة مكايلة لاحد ومحد عرف الاسم الي جنة ناوية الا ورة مجبت وحتى جنس الطفل محد عرفة والي يكولي انشالة يجي حسوني  علاوي اغلس لااكول اي ولااكول لا احيرهم شكو ببطني ولد او بنية والحمدلله الرب رحيم ورزقني وانشالة يرزقكم كلكم ويعوضكم

وللعلم حتى جهاز الطفل مقبلت اشوفة  ومشفتة الا من لبسة برهومي يعني سويت كلشي عكس ذاك الحمل

والله بنات الله يعينكم على هيجي بشر شون الناس يعني ماترحم احد زين ماديشوفون الحركة اللي احنا بيها وفوكاها حاطين عيونهم عفية بنات انتو كل يوم من تكعدون الصبح اقرو ايات وكولو اللهم اكفنيهم بماشئت وكيف شئت اني هذا الدعاء كل يوم اكولا وبعدني ماحامل لان اكو ناس كلش اظوج منها وحاطتني تحت المجهر شوكت يصير عندي وحتى من اطلع من البيت اقرا هذا الدعاء حتى لا اشوفهم بطريق او بمكان وتبدي اسئلتهم اللي بلا معنى وهاي ماعدا عدهم اخبار غير بنات شوكت تجيب وجم شهر وشلون راح تجيب عملية لو طبيعي يعني تقرير مفصل والله اني مرات اشوفهم بمناسبة او بالشارع ووتكلي ماعندج شي اكللها لا وتظل تباوع على بطني لا يكون عندي ومخبية ومرات اني بالدورة اكللها اني بالدورة هسه وهم ماتصدك تظل تباوع على بطني والله بنات يمكن ماتصدكون هسه اني اكثر من مرة منتبهة على هالشي اذا افوت بمكان او حفلة مثلا زواج خطوبة او عزيمة او اشوفهم بالسوك والله اول ماتجي عينهم على بطني شكد كمت اظوج من هاي الحركة يعني والله حتى عيب شون ناس صايرة ماتستحي حشاكم

طبعا  ميوسة وام حواء الله يساعدكم ويفرجها عليكم ويكمل حملكم بالف خير لاتنسون اني جنت يومية اقرة قران وسورة يس و100 مرة اكول استفغر الله-100 مرة ربي لاتذرني فردا وانتة خير الوارثين-100 مرة امن يجيب المظطر اذا دعاه ويكشف السوء-100 مرة لااله الا انت سبحانك اني كنت من الظالمين-100 مرة ياحافظ-100 مرة ياوارث وادعي الله يرزقني ابني واشوفة حي يرزق سالم  الله يفرحكم ويعوض صبركم خير والله حتى اهلي يومية اخابرهم احلفهم مينسون لو يزل لسانهم ويكولون لاحد واذا احد يسالهم عني يكولوله ادعولها مديصير عدها ادري اني كذابة بس شسوي خلي يجون بمكاني ويشوفون الم الطلوكة وشون يجرون المشيمة مني ولازكة جوة واتخبل من الوجع ماكو وحدة مفوتت ايدها والمشيمة متقطعة 4 وصل اووووووووووووف ربي لاتعيد ذاك اليوم 
نور الهدى حياتي اني هم مثلج حاسة بيج ياكلبي هم جنت  ياهو الي شوفوني يباع على بطني وتبدي البسامير والنصائح الكذابة الله يرزقج يارب بالحمل المشافى وتفرحين بشوفة ضناج وتكسرين عين كل واحد حاسد وحاقد امين يارب لاتياسين من رحمة الله الله فوكانا ويدري بكلب كل واحد ومياخر شي الا لغاية وكل الي يجي من ربج خير ونعمة وبركة

والجمعة جنت اقرة سورة الكهف وية صلاة الظهر وهم ادعي وطبعا يومية جنت اصلي الصبح  2 ركعة وبالليل 2 ركعة قربة لله تعالى ادعوة يكمل حملي على خير وميضعلي تعب انتو هم هيج سوو واله جنت حاطة السبحة يم راسي الصبح من اكعد اسبح وبالليل هم قبل لاانام وربي  لايضيعلكم تعب ويرزق نور الهدى وكل البنات وشعدكم سالوني

حبيباتي ام حواء ولولة والله اشكركم على كلامكم الطيب يا طيبين وعلى دعائكم والله يستجيب منكم يارب وفعلا الله يعينج ام حواء يعني صدك ناس بلا احساس والله يتمملج على خير وتشوفين ظناج وتنسين كل هالايام وكل الحجايات والمغثات اللي سمعتيها ويعوض صبرج يارب ولولة هم والله حقج وحشاج من الجذب اللي شفتي مو قليل والحمدلله الله عوضج باحلى برهوم بالدنيا والله يخليه وتشوفيه احلى عريس يارب

تسلمين حبيبة قلبي نورالهدى

حبيبتي ميس انتي حاولي تحجين وياها او خلي بنتها تحجي وياها وبلكت يفيد وماعليج حبي لا اديرين بال ترى الله الضار النافع وهاي كلها بس اسباب وناخذ بيها وانتي كل يوم بس وكلي الله على هاي الشغلة انه يحفظ جنينج من كل عين ومن حجي الناس ومن حجي عمتج وكل ماتذكرين وتشيلين هم بس كولي حسبي الله ونعم الوكيل وهذا يكفيج لان الله وكلتيه بهاي الشغلة بعد انتهى الموضوع ماكو داعي تشيلين هم