حبيبتي ميوووووووووسة شنو هالكلام الموضوع الحلووو والكلام الاحلى والله دموعي كامت تنزل واني واقرا والله واني هم نفس الشعور اللي كلتي تجاه ام حواء والمنتدى وبنات المنتدى والله اني هم هيج قبل كم شهر ضاكت الدنيا بيه وبس اريد احجي ويا احد يكون نفس معاناتي ويحس باللي احس بي لان لو مهما حجيت مايحسون باللي بيا وهاي اخر فترة كمت ابجي وادعي كلت يارب الكي صديقات او احد اشاركهم همي ونحجي وينصحوني واستفاد من خبراتهم وفعلا ماكو يوم بالثاني وشفت الاعلان مال هذا المنتدى بالفيس بوك وراسا سجلت واول موضوع قريتا جان باركووووووولها وجان لايلاف جان اول يوم تعرفون بيه هي حامل وشكد فرحت وتفائلت وبديت اقرا مواضيعكم وشكد تونست وراسا نفسيتي تغيرت 180 درجة وجنتي انتي دتحجين تكولين هالشهر ماراح افكر بالحمل واعيش حياتي واني هم كلت خلي اصير مثلها والحمدلله بنفس الشهر حملتي وشكدددددددد فرررررحت من كل قلبي وزاد تفائلي والحمدلله كل شهر اكو وحدة بالمنتدى تحمل وتفرحنا وتبعث بينا الامل والحمدلله بعدين صرت وحدة منكم وصرتو خواتي اللي طول عمري احلم بيهم لان اني ماعندي خوات بس الله عوضني بيكم الحمدلله وكل وحدة بيكم صارت جزء من حياتي ودائما انتو على بالي وادعيلكم وخصوصا ام حواء فعلا اني هم هيج احبها واحب طيبة قلبها والله ينطيها على كد نيتها الطيبة يااااااااارب وكل البنات الله ينطيهم ويفرحهم وانتي ميوووووسة ياااام قلب الجبير ولسان العسل الله ينطيج احلى ذرية وتربيهم احسن تربية ويعوضوج بكل خير يااااااارب.. واني هم والله من تدعولي افرررررح من كل قلبي واتفأئل هوااااااااي بدعواتكم الله لا يحرمني منكم يااغلى احبابي

طبعا ميوسه دا احس نفسي رئيس جمهوريه ههههههههههههههههههههههههههه

طبعا بالاول عااااااااااااشت ايدج ميوسة على هالكلمات الحلوة المعبرة وعلى هالموضوع الراقي للطيبة الوردة الحنونة ام حواء فعلا هية تستحق كل الخير ولمتنا كلنا بهالتجمع الحلو والصحبة الخيرة والله اني من صار حادثة ابني هم جنت احس نفس يوحدي بهالدنيا صايرتلي هالمصيبة فهم اشتركت بمنتدى وفد يوم لكيت موضوع كاتبتة ام حواء عن بتها قريتة كمت ابجي لان نفس الشي الصار وياها صار وياية راسا  فتت على تجمع الحوامل لكيتها حامل واني حامل فد فرحت النا اثنينا وظليت احجي وياها وشتكول على بتها اني نفس الشي صار على ابني الراح محمد و سجلت ولكيتكم هم صدوك كلش فرحت وقريت هذا الموضوع مال كل من خسرت جنينها ولكيت كل وحدة كاتبة قصتها حسيت اكو هواية مثلي مو بس اني بالهدنيا وسبحان الله اني وميوسة وام حواء نفس السبب بوفاة اطفالنا بس فعلا مثل مكلتي ميوسة هالمنتدى وجه  خير علينا بدليل اني فعلا صرت ام وانتو ان شاء الله بالطريق والقريب العاجل ففعلا الحالة النفسيةوتقارب المشاعر جان الها دور جبير بانه اني مثلا اكمل حملي على خير وانتي ياميوسة الوردة وايلاف ونونة صرتو حوامل فان شاء الله ربي يكمل فرحة الباقين شوشو ونور الهدى ودودو ونور فاطمة 
وفعلا عاشت ايدج ياوردة ام حواء على هالمنتدى والصحبة الحلوة وربي يجمعنا دوم بالخير والسلامة وان شاء الله تعدى الايام  ركض ركض وتصيرين احلة ام لاحلى بنوتة

طبع اداكتب باقي الكلام بس برهومي ديتنحس شوش افكاري ام حواء قلبي تسلميلي على هالمبادرة الحلوة والله اني هم حييييييييييييييل اتمنى اشوفج انتي وميوسة كانج بقلبي وصدوك سويها من تجين فد يوم بالسلامة نتفق ونلتقي 

عفية عليج ميوسة على علمبادرة اللطيفة كلنة نملك نفس المشاعر تجاة ام حواء بس انتي عاشت ايدج جنتي احسن منا وبادرتي يالتعبير عنهة لان المشاعر ماالهة قيمة اذا ما الواحد يوصلهة للطرف الثاني وام حواء الله يجازيهة على كل اللي سوتة كل الخير يكفي ذاك اليوم من كتبت واني ارحف منهارة من سويت تحليل الادرار شلون خطية كامت تروح منا وتجي منا لاخللت مواقع ولا فيس بوك ولا اي طريق ممكن تطمنني بي الا وسوتة من غير مواقفهة السابقة.. شخصية معطاء ماعدهة اي نحاسة ربي ياام حواء ينطيج لحد مايرضيح ويجازرج كل خير .. عاشت ايدج ميوسة سباقة للخير مثل عادتج دائما

هسه قريت موضوعج حبي ميوسة والله كلامج يجنن وفعلا طالع من القلب ربي يفرحج ويفرح كل بنات المنتدى يارب

مااكول غير عاشت ايدج ميوسة الوردة الله ينطيج على كد نيتج انتي وام حواء وتكومون بالسلامة وكل البنات ياربي وعلى كولة دودو والله اني من اضوج اجي احجيلكم اللي مااحجي الاهلي ولزوجي وارتاح وياكم ويارب تكمل الفرحة ويرزقني اني ودودو ونور الهدى وكل محرومة