ياعيني الله يساعدج بالعكس الي راح منج هذا اختبار من رب العالمين

والدليل عوضج بعد فتره لان ايمانج قوي

ولا تخلين الشيطان يسيطر بالوسواس على افكارج

كلما تذكرين الموضوع تعوذي من الشيطان

وكثري من الصلاه على محمد لان هي تفرج كل ضيق وكل هم ينزاح من صدرج

ودائما الاستغفار بلسانج

حصني نفسج وان شاء الله ماكو كل هاي الافكار

ربي يكومج بالسلامه ويقر عينج بشوفه النونو

ياعمري انتو استهدو بلرحمان والله يحفظ الي ابطنكم ان شاء الله حبيبتي ميوسه مثل ما كالت هنوده الي صار هذا اختبار من الله لتبقين تفكرين بيه هاي مرحله وعدت وادري صعبه بس لازم متفكرين بيها والله يكول تفائلو بالخير تجدوه دايما اقري قران وان شاء الله تنسين وفكري بحياتج الجديده

ام حواء حبي الله لا يعيد الي مريتي بيه لا انتي ولا ميوسه لتفكرون والله موزين هلقلق وان شاء الله تكمل وتجي للدنيا وتفرحين بيها بجاه الواحد الاحد

حبيباتي ميوسة وام حواء طبعا اللي بيكم هو شي صعب الله يعينكم واحد ميكدر ينسى بس ترى هذا الخوف اللي بيكم شي طبيعي اني مرة سمعتها بالتلفزيون هذا اسمه خوف الفقدان من واحد يفقد شخص عزيز سواءا اخ او اخت او ولد او احد الابوين راسا بعدها يكوم يفكر انه هو راح يخسر الثاني يعني سواءا الاخ الثاني او الام او الاب او الطفل الثاني وهاي شي طبيعي جدااااا بس انتو حاولو تتغلبون على هالشي لانه عبارة عن وساوس من الشيطان وترى كلنا نمر بهيج ظروف ولاتخلون الشيطان يسيطر عليكم وبعدين خلو ثقتكم برب العالمين اكبر وانتو تدرون الله في حديث قدسي يكول انا عند ظن عبدي بي فليظن عبدي بي ماشاء فانتو خلي يكون ظنكم بالله انه راح يحفظلكم اجنتكم وهو راح يعوضكم بيهم على صبركم باللي فقدتو وبأذن الله يصير اللي انتو تظنوه برب العالمين فلا تظنون شي مو زين وهاي الاحلام اللي دتشوفوها ترى حديث نفس فحالو لا تفكرون بهالشي زايد حتى لا تشوفوه بمنامكم وعندي فكرة انه تحاولون تحفظون قران بفترة الحمل كلش زينة للجنين وبنفس الوقت تنسون هاي الافكار وماتشوفون هيج احلام خصصولكم مثلا صفحة من القران اسبوعيا تحفظوها وهسه تشوفون شلون راح تتغير نفسيتكم للاحسن

حبيبتي ميوسة الله يساعدج والله مو هينة وحدة توصل لمرحلة متقدمة من الحمل وتفقد طفلها حبيبتي بس انتي الحمدلله ربي عوضج ورزقج بالطفل حبيبتي لتخلين ببالج هاي الافكار خلي بالج انه طفلتج الاولى منفوذة ومو قسمتج والحمدلله ربي عوضج وهسه بس تشوفين النونو ان شاء الله تنسين كل الفات

حبيبتي ام حواء هاي كوابيس ان شاء الله وان شاء الله تعدين هاي الفترة وتفرحين بطفلتج وربي يحفظها الج بحق اية الكرسي

ميوسة قلبي ربي  يفرحج عادي والله اني هم طول حملي ببرهومي هم هيج جنت مقهورة وخايفة ومطايقة احد وهم خايفة ينعاد نفس الفلم والله ومنسيت ذاك ابني ولحد الان صح فرحانة ببرهومي بس احس شي بيه مكسور هم اصفن واكول جان هسة عندي اثنين والعمر ديكضي  انتي حطي جوي راسج ايات ادعية اني جنت حاطتها بداخل وجه المخدة هاي الج ولام حواء ولايلاف والله حتى احلام موزينة هم كمت ماشوف ولحد الان حاطتها جوة راسي وماعندج غير الله تشكيلة وتدعيه وربي يسهلها عليج ويعوضج وكل البنات ان شاء الله

حبيبتي ﻻتفكرين هيج اللي صار ربج قاسمه واكيد اله بي حكمة احنا مانعرفها استغفري هواية واقري قران وكولي ياالله اللي انطاج اياه يحفظه الج والتفكير والقلق موزين للحامل كل ماتفكرين هيج كومي صلي ركعتين او اقري سورة البقرة وانتي ترتاحين وحصني نفسج والله الحافظ
حبي ام حواء على كيفج ويه نفسج وخليها علىالله هو ارحم بعباده وام شاء الله ماتحسون اﻻ وانتو بالتاسع وبيوم الوﻻدة بس استهدوا بالرحمن وماكو شي ان شاء الله
ربي يتمملكم على خير وتكومون بالسلامة

ميوسة مارح اكول اكثر من اللي كالو البنات والله لو تدرين شكد تجين ابالي انتي اكثر وحدة لان الصار بيج موقليل وصلتي رحتي تولدين وفقدتي الطفل والحمدلله انتي ايمانج قوي وقدر الله وماشاء فعل وشوفي الله شلون عوض صبرج خير والله عيشي الفرحة بطفلج اللي ابطنج كل يوم وريحي نفسج وذبي حمولج على الله الله يحفظة من كل مكروه ياربي تشوفي ابحضنج سالم معافى وتكومون بالسلامة انتي وام حواء وايلاف وربي يعوض صبركم خير

ميوسة اكو شي اسمة وكف او كضيب هوة عبارة عن قطعة معدنية مكتوب عليها اسماء الائمة عليهم السلام ومزور الهم كولهم تعلكيه بركبتج ولبسي طول حملج اني جابليا موضف وياية هم زوجتة سمللة جايبة ولد متوفي ويكول كامت تلبسة  كل حمل وعدها هسة اربعة والله لبستة طول حملي ومنزعتة الا من داروح للعملية والله لومالتي جان انطيجياه بعيوني حاولي تدبريه شنسوي الغركان يتعلك بكشاية وهم شكد جابولي حجابات كولها حاطتها جوة راسي لحد الان ربي يفرح كلبج حياتي

والله ياميوسة كلما اشوف موضوعج واريد اكتب رد اضل مااعرف شأكول واكتب وامسح .. ماعندي غيرالدعاء الج من كلبي وانشاله ربي يعديهة على خير .. مااعرف شأنصحج لان مهما احس بيج بس مو مثل الوجع اللي انتي حاسة بي او اللي مجرب مثلج .. ربي ينطيكم الصبر من عندة ويارب بجاه محمد وال محمد ماكو الا الخير انشاله هاي مخاوف عادية هسة اني اللي مامريت بهيج تجربة مرة جاي تجيني مخاوف عجيبه غريبة بس ارجع واكول رب العالمين رب رحمة وانشاله كل اللي صار بيج اختبار وتشفعلج بيوم القيامة انشاله .. خلي عينج بعين الكريم وانشاله هية كلهة كم شهر وتفرحينة وتشوفين العنون على ايدج انشاله .. اسفة ماادري شأكللج بس ماعندي غير الدعاء

ربي يطمن بالج ميوسة وتركض الايام وتشوفين احلى نونو بحضنج اني جنت من شهر السابع كاعدتلها لدكتورة ريا اكولها جيبيني حاسة بيج ياعمري خوب بالثامن مرات مرتين بالاسبوع اروحلها حتى كشفية كامت متاخذ بس صدكي جانت تكولي حالتج ووضعج ميستوجب ولادة مبكرة وجانت تضربلي كومة امثال على ناس مولدتهم بالسابع او بالثامن من ورة الضغط فلاتخافين هية اذا شافت من مصلحة طفلج يجي من وكت هية حتستعجل بهالشي وربي يكملة سالم وماعفى ببطنج ويخبصج ومتلحكين على دربج مثل حالي امين يارب

امين ميوسة بلكي ميرجع يرتفع تدرين هية مرة كالتلي انه الضغط يكون على اشدة بالحمل الاول يعني كالت الي مثلنا الحمل الي وراها يمشي  كالت ميصير ياذي مثل الحمل الاول اني هم من صار عندي بهالحمل بالبداية ارتفع وفترة مواخذت العلاج هم كام هيج يصير 12\7 ومن اتعب يصير 13\8 او 9 قليل كلش ارتفع حتى من فتت للعملية المخدر شاف ضغطي 12\8 يعني جان طبيعي اي جربي بلا الميتوبرول وقيسي باستمرار وان شاء الله ميصعد ومتحتاجية مرة لخ وربي يفرح كلبج

طبيعي 13\8 ميخوف لان العالي مياذي سمللة  مثل الناصي وهاي ما ل اجهاد وتعب جربي بس تمددين وترتاحين شوفي شلون ينزل  انشالة

ميوسة قلبي اني ماطلعي كلف بالمرتين بلكي البنات يفيدوج بس اتذكر مرة عمي جان يطلعلها بركبتها بس من تجيب يروح بحدة

حبي لولة اني هم بركبتي يطلع وابذاك الحمل طلع وبعد الولادة راح بس هسة طلع اطوخ من ذيج المرة وبس بالركبة

نشوف بقية البنات